"Park-manat"ların say artımı paytaxtda tıxac problemini çözəcəkmi?

Tarix: 13.05.2014 / 09:29
Bölmə: Sosial

Bakıda tıxacların aradan qaldırılması üçün daha bir addım atılıb. Belə ki, bundan sonra paytaxtda bu məqsədlə quraşdırılan "Park-manat"ların sayı 10-a qaldırılacaq.
Bu barədə mətbuata açıqlama verən Bakı Şəhər İcra Hakimiyyətinin başçısı Hacıbala Abutalıbovun sözlərinə görə, artıq müvafiq tapşırıqlar verilib və işlər aparılır. Bakı meri qeyd edib ki, "Park-manat"lardan istifadənin yarım saatı 50 qəpik olacaq. Həmçinin, sözügedən "Park-manat"lar şəhərin mərkəz hissələrində deyil, əsasən kənarında quraşdırılır: "Terminallardan artıq 6-sı quraşdırılıb, 7-cisi isə Heydər Əliyev Sarayının arxasında quraşdırılacaq. Hesab edirəm ki, bu, paytaxtda tıxac problemini aradan qaldıracaq".
İlin sonuna kimi Bakıya daha 1000 terminal gətiriləcək.
Bakının mərkəzində nəzərdə tutulmayan yerlərdə qanunsuz saxlanan bahalı avtomobillərin polislər tərəfindən götürülməməsi barədə suala cavabında BŞİH başçısı bunun yalan olduğunu deyib: "İcra Hakimiyyətinin işçiləri, polislər qanundan kənar heç nə etmir. Kimliyindən asılı olmayaraq, bahalı, hətta xüsusi nömrəli maşınlar şəhərin mərkəzində nəzərdə tutulmayan yerlərdə saxlanırsa, götürülür".
Bu gün Bakıda bir sıra ödənişli dayanacaqlar fəaliyyət göstərir, amma orada qiymətlər yüksək olduğuna görə sürücülərin bir çoxu həmin dayanacaqlardan istifadə etmir. Dayanacaqlarda qiymətlər 1 manatdan başlayaraq müxtəlif rəqəmlar arasında dəyişir. Yeni "Park-manat"ların istifadəyə verilməsi, prinsipcə, dayanacaqlar arasında rəqabəti gücləndirməli və nəticə etibarilə qiymətlərin aşağı düşməsinə gətirib çıxarmalıdır. Ancaq məsələ ondadır ki, yarım saata görə 50 qəpiyin tələb olunması kifayət qədər yüksək rəqəmdir. Bu, dayanacaqlar arasında rəqabət yaratmayacaq.
Sözügedən məsələni dəyərləndirən iqtisadçı-ekspert Vüqar Bayramov hesab edir ki, qiymətlər aşağı salınmalıdır: "İş yeri şəhərin mərkəzində olan və avtomobildən istifadə edənlər üçün artıq bu dayanacaq yerləri avtomobillərini saxlamaq üçün, demək olar, yeganə seçimdir. İdeal halda, şəhərin mərkəzində işləyən şəxs həftədə 5 və aya 20 gün işləyirsə və gündəlik iş vaxtı 8 saatdırsa, o, avtomobili park etmək üçün hər gün 6 manat ödəməklə ayda 120 manat xərcləyəcək.
Həmin şəxs şənbə günləri də işləyirsə, onun avtomobil park xərci 144 manatadək yüksələcək. Ölkəmizdə orta aylıq əməkhaqqının 430 manat olduğunu nəzərə alsaq, o zaman avtomobil park xərci maaşın 1/3-ni təşkil edir. Yəni mərkəzdə işləyən şəxs qazandığı hər 3 manatın 1 manatını avtomobilini park etmək üçün verməlidir. Bu isə kifayət qədər yüksək xərcdir. Şəhərin mərkəzində avtomobil park yerlərində hər saat üçün 30 qəpik müəyyənləşdirilməsi daha məqsədəuyğundur. Məhz bu qiymət əhalinin gəlirlilik səviyyəsinə uyğundur. İkincisi, iş yeri şəhərin mərkəzində olan və iş günlərində daimi olaraq avtomobil park yerlərindən istifadə edənlər üçün xüsusi güzəştlərin tətbiq edilməsinə ehtiyac var. Üçüncüsü, ödənişsiz zamanın 15 dəqiqədən 30 dəqiqəyədək artırılmasına ehtiyac var. Çünki hazırda ödənişsiz müddətdən istifadə imkanları, demək olar ki, yoxdur. Nəhayət, avtomobil park yerlərindən istifadə üçün aylıq və ya həftəlik kartların buraxılmasına ehtiyac var. Bu, vətəndaşların daha güzəştli şərtlərlə bu xidmətdən faydalanmasına imkan verəcək".

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...