Azərbaycanda boşanmalara qarşı "nümunəvi ailələr" təbliğatı...

Tarix: 31.03.2014 / 10:31
Bölmə: Sosial

Respublikamızda son illər boşanma halları artmaqdadır. Bəzən ailədə baş verən adi söz-söhbət tərəflər arasında münasibətlərin pozulmasına və son nəticədə boşanmaya gətirib çıxarır. Artıq boşanma, ailələrin dağılması Azərbaycanda adi hala çevrilib.
Dövlət Statistika Komitəsindən verilən rəsmi məlumata görə, ötən il ölkədə 86,9 min nikah və 11,7 min boşanma halları qeydə alınıb. Əhalinin hər 1000 nəfərinə hesabı ilə əvvəlki ilə nisbətən nikahların sayı 8,6-dan 9,3-ə qədər, boşanmaların sayı isə 1,2-dən 1,3-ə qədər artıb. Azərbaycan əhalisinin sayı ötən il 120,6 min nəfər və yaxud 1,3 faiz artaraq 2014-cü ilin əvvəlinə 9477,1 min nəfər olub. Hər bir problemin həlli isə onu doğuran səbəblər aradan qaldırıldıqdan sonra mümkündür.
Respublikada ailələrin dağılmasının qarşısını almaq üçün millət vəkilləri maraqlı təkliflə çıxış ediblər.
Milli Məclisin Sosial Siyasət Komitəsinin sədri Hadı Rəcəbli boşanmaların səbəblərindən biri kimi ailədəki emosional gərginlik, söz-söhbətlərin olduğunu göstərib. O bildirib ki, əvvəllər ailə yalnız xəyanətə görə dağılardı: "İndi isə boşanmalar adi söz-söhbət üzündən törəyir. Bəzən gəlin-qaynana, gəlin-baldız, gəlin-elti arasındakı söz-söhbətlər boşanmaya gətirib çıxarır. Ona görə də ətraf, qohum-əqrəba ailənin işinə qarışmağa meyl etməkdən çəkinməlidirlər. Valideynlər ailə quran gənclərə qarşı diqqətli olmalı, onların mübahisələrini həll etməyə çalışmalıdırlar".
H.Rəcəbli hesab edir ki, bu kimi neqativ halların qarşısının alınması üçün nümunəvi ailələr təbliğ olunmalıdır: "Respublikamızda nümunəvi ailələr təbliğ olunmalıdır. Çox nadir halda görürsən ki, ailə ilə bağlı veriliş hazırlanır. İdeal ailə formasını axtarmaq üçün gərək kəndlərə gedək. Oradan qəsəbələrə keçək, sonra şəhərlərə və sonda paytaxta gələk. Çünki Bakı urbanizasiyanın mərkəzidir və burada adəti qorumaq çətindir. Odur ki, ideal ailə formasını kəndlərdə axtarmaq lazımdır".
Ekspertlər də nümunəvi ailə modelinin təbliğ olunmasını dəstəkləyir.
Psixoloq Bahar Qafarova "Bakı-Xəbər"ə açıqlamasında qeyd etdi ki, ailə dəyərlərini itirdiyimiz üçün Azərbaycan ailəsi hazırda möhkəm deyil: "Çünki, gülməli olsa da, bu gün kişilər elə bil cılızlaşıb, ailəni idarə etmək və saxlamaq bacarığı azalıb. Mən qadınların öz hüquqlarını bilməsini və cəmiyyətdə rolunun get-gedə artmasını müsbət, kişilərin isə doğrudan da cılızlaşmağını mənfi bir hal kimi qiymətləndirirəm. Azərbaycanda ailələrin möhkəmliyini qorumaq üçün etnik dəyərlərə üstünlük verilməlidir. Çünki dilimiz, özümüz türk olsaq da, davranışımızda onlardan fərqli olan Qafqaz elementləri də mövcuddur. Belə ki, etnik deyəndə təkcə millətimiz yox, daha geniş - yaşadığımız region da nəzərdə tutulur. Amma boşanmanı faciəvi qəbul etmək düzgün olmazdı. Əgər həqiqətən də tərəflər bir yerdə yaşaya bilmirsə, ömrü boyu əzab çəkməkdənsə, boşanmaq faydalıdır".
Onun fikrincə, ailədaxili münaqişələrdə və boşanmalarda iqtisadi amillər də mühüm yer tutur. Ailənin iqtisadi cəhətdən özünü təmin edə bilməməsi münasibətləri gərginləşdirir. Araşdırmalar göstərir ki, ailədə sevgi əhatəsində böyüyən uşaqların zehni və fiziki inkişafı digər uşaqlardan daha yüksəkdir. Aparılan testlər zamanı kimsəsiz uşaqların zehni inkişafının geri qaldığı üzə çıxıb. Üstəgəl, 12-15 yaş arasındakı yetim uşaqların boyları valideynlərinin sevgisi ilə əhatə olunan uşaqların boylarından 10 faiz kiçik olub. Digər tərəfdən, beynin yoxlanması ilə bağlı testlər zamanı məlum olub ki, valideynlərinin himayəsində, rahat və sakit ailələrdə böyümüş uşaqların sevinc, qəzəb, qorxu kimi hissi reaksiyaları yetim uşaqlara nisbətən daha operativdir. Bu, bir daha cəmiyyətin kiçik modeli olan ailə institutunun müqəddəsliyini təsdiqləyir. Ona görə də ailələrin qorunması üçün bütün vasitələrdən istifadə etməyə dəyər.
Psixoloq hesab edir ki, nümunəvi ailə modelinin təbliğ olunması, qismən də olsa, boşanmanın qarşısını ala bilər: "Həmin ailələr yaşadıqları həyatı ictimaiyyətə çatdırmalıdırlar. Gəlinlərin qaynana ilə xoş münasibətdə olması və ya ər-arvadın bir-birini necə başa düşməsi barədə məlumatlar verilməlidir. Ailəsində problemi olan şəxslər bu məlumatlar sayəsində ailələrinin dağılmasının qarşısını alacaqlar".

DİGƏR XƏBƏRLƏR

Tarix: 03.10.2026 / 10:36

Tovuzda evdə baş vermiş yanğın nəticəsində bir qadın öldü...

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...