Saatların irəli-geri çəkilməsinin müsbət və mənfi tərəfləri...

Tarix: 28.03.2014 / 16:16
Bölmə: Sosial

Hər il olduğu kimi, bu il də mart ayının son şənbəsi yay vaxtına keçiləcək. Lakin bu keçidlərlə bağlı dünyada fərqli yanaşmalar var. Bəzi Şərq ölkələri qış-yay vaxtlarına keçidlərdən imtina edib. Bu addımlar əsasən havanın işıqlı vaxtından daha səmərəli istifadə üçün atılır. İqtisadçılar bu keçidlərin ölkələrə ciddi iqtisadi ziyan verdiyini bildirsələr də, müsbət hallarının olmasını da inkar etmirlər.

İqtisadçı-ekspert Vüqar Bayramov «Bakı-Xəbər»ə açıqlamasında qeyd etdi ki, iqtisadi baxımdan bu qərarların əsas səbəbi yeni sistemə keçməklə enerjiyə qənaət etmək imkanı və eləcə də vətəndaşların yeni fəslə adaptasiya edilməsi baxımından əhəmiyyətli olması ilə bağlıdır: «Əvvəla, yay vaxtına keçmənin başlıca əhəmiyyəti ondan ibarətdir ki, iş başladığı andan bitənə qədər praktiki olaraq hava işıqlı olduğundan, həmin zaman müddətində enerjiyə qənaət olunur. Bunun digər tərəfi ondan ibarətdir ki, məşğul əhali yeni fəslə uyğunlaşa bilir. Beynəlxalq standartlara əsasən, saatların geri çəkilməsi ilə həmin müddət ərzində ölkəmizdə enerji sərfinə 5 faiz qənaət edilir».

Qış və yay vaxtlarının tətbiq edilməsi doğru addımdırmı? Suala cavabında iqtisadçı bildirdi ki, bu qərarı dəstəkləyir. Çünki bu, Avropada tətbiq edilib və uzun müddət sınanmış bir praktikadır: «Tətbiq olunan praktika yalnız iqtisadi deyil, eyni zamanda psixoloji və digər aspektlərlə də əsaslandırılır. Azərbaycanda bu sistemin tətbiqinin həm fəslin dəyişməsi ilə əlaqədar olaraq işçilərin əhval-ruhiyyəsinin mövsümə uyğunlaşdırılmasına, həm də məhsuldarlığın artması aspektinə müsbət təsirləri var.

Yay vaxtına keçid xidmət sektorlarında iş vaxtının daha uzunmüddətli olmasına şərait yaradılması baxımından əhəmiyyətlidir. Bu, xidmət sektorunda çalışan müəssisələrin gəlirlərinin artmasına təsir göstərir. İqtisadi səmərəlilik baxımından yanaşdıqda aqrar sektor iş müddətinin uzanması, saat əqrəblərinin irəli çəkilməsindən udan sektor hesab edilir».

Psixoloq Bahar Qafarova isə hesab edir ki, həssas insanlar buna daha böyük reaksiya verir: «Yay və qış vaxtlarına keçidlər vaxtı psixoloji sarsıntıdan çox bioloji sarsıntılar gündəmə gəlir. Bədən bioloji sarsıntı keçirir. Həssas insanlar buna, sözsüz ki, daha böyük reaksiya verir. Amma əksər insanlarda böyük problem yaratmır. Buna tez bir zamanda alışırıq. Amma bəzi insanlarda bu, gərginlik yarada bilər. Qış-yay vaxtlarına keçid vaxtı bu prosesin nə dərəcədə ziyanlı və ya xeyirli olması ciddi araşdırılmalıdır. Təbii ki, bu qərarın müsbət tərəfləri də var. İşıqlı günün daha çox olması və iqtisadi faydaları da nəzərdən qaçırılmamalıdır. Bəzi ölkələr artıq yay-qış vaxtlarına keçiddən imtina edib. Bu əsasən Şərq ölkələrində müşahidə olunur. Onsuz da həmin ölkələrdə işıqlı günlər baxımından çatışmazlıq yaşanmır. Bu baxımdan bu ölkələrdə qış-yay vaxtlarına keçid qərarının verilməsi ilə böyük iqtisadi uduş gözləmək yersizdir. Bu qərarlar ən çox şimalda yerləşən ölkələrdə iqtisadi cəhətdən ciddi faydalar verir».

DİGƏR XƏBƏRLƏR

Tarix: 03.10.2026 / 10:36

Tovuzda evdə baş vermiş yanğın nəticəsində bir qadın öldü...

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...