Paytaxtın bitməyən marşrut problemi...

Tarix: 17.03.2014 / 08:47
Bölmə: Sosial

Paytaxtın yollarında yaşanan tıxaclar avtobus dayanacaqlarına da sirayət edib. Axşam saatlarında metro stansiyalarının çıxışlarında sözün əsl mənasında izdiham yaşanır. Xüsusilə metro stansiyalarının çıxışında insanlar avtobusa minib evinə getməkdə çətinlik çəkir.
Nəqliyyat Nazirliyinin ictimaiyyətlə əlaqələr şöbəsinin müdiri Namiq Həsənov problemin olduğunu etiraf edir və bunu sərnişinlərin çox olması ilə əlaqələndirir: "İnsanlar həddindən artıq çoxdur. Onları daşıyıb qurtarmaq olmur. Sürücülərə qapılar açıq vəziyyətdə nəqliyyat vasitəsini idarə etməyə icazə verilmir. Çox təəssüf ki, bəzən sərnişinlər sürücünü buna vadar edirlər. Biz xəttə nə qədər çox avtobus çıxarsaq da, xeyri olmayacaq. Buna görə də alternativ nəqliyyat vasitələrindən istifadə edilməlidir. Əgər həmin istiqamətdə paralel nəqliyyat vasitəsi yoxdursa, biz o məsələni aydınlaşdırarıq. Az öncə keçirilən iclasda marşrutların optimallaşdırılması ilə bağlı göstəriş verilib. Hər halda deyilənlər nəzərə alınacaq. Müzakirələr əsasən Bakıda keçiriləcək Avropa Olimpiya Oyunlarına hazırlıq prosesi ilə bağlı idi. Marşrut məsələsi də əsas mövzu kimi müzakirə olundu. Həm avtobusların yenilənməsi, həm də hərəkət sxemlərinə xüsusi nəzarət olunması qərara alınıb. Olimpiya oyunları "Koroğlu" stansiyasına yaxın ərazidə keçiriləcəyindən, düşünürəm ki, siz deyən əraziyə yaxın olduğundan, orada insanların rahatlığı üçün xüsusi tədbirlər görüləcək".
Nazirlik rəsmisi avtobuslardakı natəmizlik məsələsinə də aydınlıq gətirib: "Avtobuslar hər gün qarajlardan yuyulub çıxarılır. Qaraja təhkim olunmayan avtobuslara isə sahibkarlar nəzarət edir. Bununla bağlı nazirliyin xüsusi tapşırığı var, sərnişin avtobuslarının həm daxili, həm də xarici təmiz olmalıdır. Bu məsələlərdə günahın çoxu vətəndaşların öz üzərinə düşür. Vətəndaş günəbaxan tumundan tutmuş, qatığa qədər hər şeyi avtobusla daşıyır. Buna görə də avtobuslar çirklənir. Əslində reydqabağı avtobuslar tər-təmiz vəziyyətdə olur. Lakin xəttə çıxandan sonra ora minib-düşən insanlar müəyyən mənada avtobusun çirklənməsinə səbəb olurlar. Biz dəfələrlə demişik, nəinki çirkləndirirlər, hətta oturacaqları cırır və dağıdırlar. Sonra da səliqəsizlikdən şikayət edirlər".
Nazirlik rəsmisi sərnişinləri daşıya bilmədiklərini etiraf edir, ancaq maraqlıdır ki, vəziyyətdən çıxış yolunu göstərmir. Avtobus nəqliyyatından istifadə edən vətəndaşları problemsiz mənzil başına çatdırmaq üçün hansı tədbirlər görülməlidir?
Ekspert İlqar Hüseynli qəzetimizə açıqlamasında bildirdi ki, problemin həlli çətin olsa da, mümkündür. Onun sözlərinə görə, sərnişinlərin izdihamını yaradan bir sıra faktorlar var: "Əvvəla, paytaxt əhalisinin sayı son illər arzində əhəmiyyətli dərəcədə artıb. Digər bir problem isə, sərnişinlərə xidmət edən avtobusların hərəkət sürətinin aşağı olmasıdır. Xüsusilə də insanların işdən çıxan vaxtı vəziyyət çox pis olur. Avtobuslar da yolla hərəkət edir də. Məntiqlə, tıxac varsa, bu, avtobusdan da yan keçmir. Bəzən isə dayanacaqlarda pik saatları olmayanda da izdiham müşahidə olunur. Bu, avtobuslar arasındakı hərəkət intervalının uzun olması ilə bağlıdır. Başqa bir problem isə yolların get-gedə daralması ilə əlaqəlidir. Yol kənarında tikinti işləri, yollarda mütəmadi aparılan təmirlər də problemin yaranmasına səbəbdir. Hesab edirəm ki, bu problemin həlli üçün bir neçə iş görülməlidir. Sərnişinlər üçün əlverişli sayılan metro nəqliyyatı sürətlə inkişaf etdirilməlidir. Həmçinin tıxacların aradan qaldırılması üçün əlavə tədbirlər görülməlidir. Yol kənarında avtomobillərin parkovkasına qadağa qoyulmalıdır. Avtobusların hərəkəti arasındakı vaxt intervalı kiçildilməlidir. Yalnız bundan sonra sərnişinlərin problemi tam həllini tapa bilər".

DİGƏR XƏBƏRLƏR

Tarix: 17.07.2026 / 17:40

HHQ-nin aviasiya bölmələri təlim uçuşları keçirdi - FOTO

Tarix: 17.07.2026 / 17:23

MDU “sıfır tullantı” modelinin tətbiqi üçün Türkiyənin Sıfır Atık Vakfı ilə əməkdaşlıq imkanlarını müzakirə edib

Tarix: 17.07.2026 / 12:51

Mənzilin sahəsi ilə bağlı mübahisələrə dair qərar verildi - çatışmayan sahənin pulunu geri ala bilərsiniz...

Tarix: 17.07.2026 / 12:36

Heydər Əliyev Mərkəzinin binası Slovakiya bayrağının rəngləri ilə işıqlandırıldı

Tarix: 17.07.2026 / 12:15

Bazarlarda bütün ağartı məhsulları etiketlənəcək - "...vaxt verilib"...

Tarix: 17.07.2026 / 12:04

"Əhalinin siyahıyaalınması prosesi ilk dəfə ölkənin bütün suveren ərazisini əhatə edəcək" - Baş nazir

Tarix: 17.07.2026 / 11:50

Arıqlama məhsullarında təhlükəli maddələr aşkarlandı

Tarix: 17.07.2026 / 11:03

AQTA-dan son günlər yas mərasimlərində baş verən zəhərlənmələrlə bağlı açıqlama...

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...