Bölgələrdə azyaşlı qızların təhsildən yayındırılması problemi...

Tarix: 17.03.2014 / 08:25
Bölmə: Sosial

Təhsil almaq hüququ hər bir vətəndaşa şamil edilsə də, nədənsə son zamanlar bəzi ailələrdə uşaqların təhsil almasına müəyyən məhdudiyyətlər qoyulur. Bu məhdudiyyətlər isə əsasən ölkənin cənub regionunda və Bakıətrafı kəndlərdə daha da artıb. Statistikaya əsasən, son zamanlar bölgələrdə yaşayan qızların orta təhsili yarımçıq tərk etməsi halları artıb.
Qızların orta təhsili yarımçıq tərk etməsi ölkə ictimaiyyətini, rəsmi qurumları da ciddi şəkildə narahat edir. İctimai təşkilatların hazırladıqları hesabatlarda qeyd olunur ki, əsasən Lənkəran, Masallı, Lerik və Astarada, o cümlədən Bakıətrafı kəndlərdə (Nardaran, Balaxanı və c.) qızların təhsildən yayınma halları mövcuddur. Əsasən ibtidai təhsil alan qızlar sonrakı mərhələdə valideynlərinin təhriki ilə təhsildən yayınır. Belə qızlar ev işləri ilə məşğul olur və yetkinlik yaşına çatmadan ərə verilir. Bir çox hallarda isə onların vaxtından əvvəl işləməsi hallarına da rast gəlinir. Ölkənin bir sıra regionlarında qanunvericiliyə zidd olaraq, 14-16 yaşında olan qızların təhsildən zorla kənarlaşdırılması hallarına rast gəlinir.
Məsələ ilə bağlı fikir bildirən Qadın Krizis Mərkəzinin rəhbəri Mətanət Əzizova "Bakı-Xəbər"ə açıqlamasında qeyd etdi ki, Azərbaycanın bəzi rayonlarında qadınlar nə özləri oxuyur, nə də övladlarını oxumağa qoyurlar: "Bu da çox böyük problemdir. Nəticədə 10 ildən sonra Azərbaycanda böyük boşluq əmələ gələcək. Orta məktəb və bağçalarda dərs deməyə qadın müəllim tapılmayacaq".
Onun sözlərinə görə, mühüm problemin həlli istiqamətində Təhsil Nazirliyi ilə birgə tədbirlər görülməli, onlar üçün maarifləndirici tədbir və treninqlər keçirilməlidir: "Ölkədə sahibkarlığın inkişafı və burada qadınların iştirakı çox vacibdir. Bir çox rayonlarda güclü sahibkar qadınlarımız var. Onlardan istifadə edərək digər qadınları da sahibkarlığa cəlb etmək lazımdır. Orta yaşlı qadınlar sahibkar qadınlara baxaraq qızını da o cür görmək istəyəcək. Və çalışacaq ki, onun qızı da təhsil alıb, sahibkar qadın kimi öz sözünü deyə bilsin".
Ekspertin sözlərinə görə, bir sıra bölgələrdə, o cümlədən cənub rayonlarında bəzi valideynlər qız övladlarını erkən yaşda məktəbdən çıxarır: "Valideynlərin bu addımı atmasına səbəb də həmin ərazidə qızların ali təhsil almasına xoş baxılmamasıdır. O ərazilərdə belə fikir formalaşıb ki, qız rayondan ali təhsil almaq üçün Bakıya gəlirsə, deməli həmin ailənin namusu ləkələnmiş olur, ali təhsil alan qız ərə gedə bilməyəcək. El arasında deyildiyi kimi "evdə qalacaq". Amma həmin insanlar anlaya bilmir ki, qız təhsil alarsa, gələcəyin savadlı anası olacaq".
Həmsöhbətimiz, həmçinin, ümumilikdə azyaşlı qızların orta məktəbdən yayınmasının iqtisadi çətinliklərlə bağlı olduğunu düşünür. Onun sözlərinə görə, müasir dövrdə cərəyan edən bəzi proseslər Azərbaycan ailəsində mənfi fəsadlar törədir: "Televiziya ekranlarında yayımlanan verilişlər azyaşlı qızların psixologiyasına mənfi təsir göstərir".

DİGƏR XƏBƏRLƏR

Tarix: 17.07.2026 / 17:40

HHQ-nin aviasiya bölmələri təlim uçuşları keçirdi - FOTO

Tarix: 17.07.2026 / 17:23

MDU “sıfır tullantı” modelinin tətbiqi üçün Türkiyənin Sıfır Atık Vakfı ilə əməkdaşlıq imkanlarını müzakirə edib

Tarix: 17.07.2026 / 12:51

Mənzilin sahəsi ilə bağlı mübahisələrə dair qərar verildi - çatışmayan sahənin pulunu geri ala bilərsiniz...

Tarix: 17.07.2026 / 12:36

Heydər Əliyev Mərkəzinin binası Slovakiya bayrağının rəngləri ilə işıqlandırıldı

Tarix: 17.07.2026 / 12:15

Bazarlarda bütün ağartı məhsulları etiketlənəcək - "...vaxt verilib"...

Tarix: 17.07.2026 / 12:04

"Əhalinin siyahıyaalınması prosesi ilk dəfə ölkənin bütün suveren ərazisini əhatə edəcək" - Baş nazir

Tarix: 17.07.2026 / 11:50

Arıqlama məhsullarında təhlükəli maddələr aşkarlandı

Tarix: 17.07.2026 / 11:03

AQTA-dan son günlər yas mərasimlərində baş verən zəhərlənmələrlə bağlı açıqlama...

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...