İctimai rəy getdikcə metro ticarətinə qarşı çevrilir

Tarix: 13.03.2014 / 16:12
Bölmə: Sosial

Bu gün paytaxt əhalisinin böyük əksəriyyəti metro nəqliyyatından istifadə edir. Gündəlik gediş-gəlişin təmin olunmasında metronun rolu əvəzsizdir.
O da məlumdur ki, 90-cı illərin əvvəllərindən metro stansiyalarının giriş hissələrində ticarət köşkləri fəaliyyət göstərir. Bu da əhalinin rahat gediş-gəlişinə ciddi şəkildə maneələr törədir. Xüsusən də sözügedən problem günün pik saatlarında daha qabarıq formada özünü göstərir. İnsanlar işə gecikir, yaranan sıxlıq əsəbləri tarıma çəkir və s.
Zaur Hüseynov metropolitenin rəhbəri təyin olunduqdan sonra ticarət obyektlərinin sökülməsi gündəmə gəlib. "Gənclik", "Qara Qarayev", "20 Yanvar", "Neftçilər" və "Nəriman Nərimanov" stansiyalarında köşklərin söküntüsünə start verilib. Baxmayaraq ki, ilk mərhələdə sahibkarlar müəyyən müqavimət göstərdilər. Sahibkarlar bunu onunla əsaslandırmağa çalışırlar ki, guya onlar martın 31-nə kimi icarə haqqını ödəyiblər. Halbuki, metroda ticarətlə məşğul olanların heç birinin müqaviləsi yoxdur. Bu o deməkdir ki, sözügedən vətəndaşların şikayət etmək üçün əllərində hüquqi sənədi yoxdur. Sənədsiz-müqaviləsiz işlədiklərini onların özləri də etiraf edir. Elə bəlkə də bu səbəbdəndir ki, onlara alternativ ticarət yeri də təklif olunmayıb. Bütün hallarda etiraf olunmalıdır ki, metropoliten ticarət yeri deyil. Bununla yanaşı, sözügedən ticarət obyektlərindən qazanılan pullardan dövlətə vergi ödənilmədiyi də vaxtaşırı gündəmə gətirilib. Dünyanın heç bir yerində metropolitendən Azərbaycandakı kimi istifadə olunmur. Yəni ticarət obyektləri nə Türkiyə, nə İngiltərə, nə də başqa bir dövlətin metrosunda rast gəlinəndir. Olsa da, orada yalnız kitab, şirniyyat, tütün, bər-bəzək və sairə bu kimi şeylər satıla bilər.
Sözügedən məsələni dəyərləndirən ekspert İlqar Hüseynli də hesab edir ki, metro girişləri ticarət üçün uyğun yer deyil: "Təbii ki, metro girişlərində, tunellərdə, bir sözlə, insanların hərəkət etdiyi platformalarda ticarət köşklərinin olması məqsədəuyğun deyil. Dünyanın inkişaf etmiş ölkələrində belə praktika yoxdur. Ancaq bundan fərqli olaraq, postsovet ölkələrində metroda belə xırda ticarət köşklərinin salınması praktikası mövcuddur. Sadəcə olaraq, bizdə bu məsələdə qanunvericiliyin tələbləri pozulmuşdu. Digər tərəfdən, belə ticarət köşkləri insanların sərbəst gediş-gəlişinə maneələr yaradır. Hesab edirəm ki, metroda ticarətlə məşğul olanlara alternativ yerlər təklif olunmalıdır. Metropoliten öz infrastrukturunda yeniliklər etmək istəyirsə, sərnişinlərin rahatlığı üçün hansısa addımlar atmaq istəyirsə, o zaman orada ticarətlə məşğul olan şəxslərə başqa ərazidə yer verilməlidir. Çünki xeyli sayda insan həmin ticarət köşklərindən dolanışıq məqsədi üçün istifadə edir. O üzdən, məsələyə kompleks yanaşma olmalıdır".
Vidadi ORDAHALLI

DİGƏR XƏBƏRLƏR

Tarix: 17.07.2026 / 17:40

HHQ-nin aviasiya bölmələri təlim uçuşları keçirdi - FOTO

Tarix: 17.07.2026 / 17:23

MDU “sıfır tullantı” modelinin tətbiqi üçün Türkiyənin Sıfır Atık Vakfı ilə əməkdaşlıq imkanlarını müzakirə edib

Tarix: 17.07.2026 / 12:51

Mənzilin sahəsi ilə bağlı mübahisələrə dair qərar verildi - çatışmayan sahənin pulunu geri ala bilərsiniz...

Tarix: 17.07.2026 / 12:36

Heydər Əliyev Mərkəzinin binası Slovakiya bayrağının rəngləri ilə işıqlandırıldı

Tarix: 17.07.2026 / 12:15

Bazarlarda bütün ağartı məhsulları etiketlənəcək - "...vaxt verilib"...

Tarix: 17.07.2026 / 12:04

"Əhalinin siyahıyaalınması prosesi ilk dəfə ölkənin bütün suveren ərazisini əhatə edəcək" - Baş nazir

Tarix: 17.07.2026 / 11:50

Arıqlama məhsullarında təhlükəli maddələr aşkarlandı

Tarix: 17.07.2026 / 11:03

AQTA-dan son günlər yas mərasimlərində baş verən zəhərlənmələrlə bağlı açıqlama...

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...