Bakıda tıxacları azalda biləcək daha bir böyük layihə...

Tarix: 08.05.2014 / 09:23
Bölmə: Sosial

"Azneft dairəsindən Ələt-Astara yoluna birbaşa tunel çəkiləcək". Bu barədə Nəqliyyat Nazirliyinin "Azəryolservis" ASC-də sədr müavini Vaqif Hacıyev mətbuata açıqlamasında bildirib.
Onun dediyinə görə, belə bir tunelin inşasında məqsəd Bakıda nəqliyyatın dayanıqlı hərəkətinin yaradılması, yollardakı sıxlığın aradan qaldırılması, sürətin artırılması, eyni zamanda təhlükəsizliyin təmin olunması, yol-nəqliyyat hadisələrinin sayının azaldılmasıdır. Belə ki, hərəkət zamanı daha az vaxt sərf edilməsi məqsədilə Bakıda bir neçə tunelin qazılması təklif edilir: "Neftçilər prospekti Azneft dairəsindən 5 km uzunluğunda tunel vasitəsilə Astara yoluna birbaşa çıxmaq təklif olunur. Bu təklif Nəqliyyat Nazirliyi tərəfindən hökumətə təqdim edilib. Hökumət də, öz növbəsində, bununla bağlı məsləhətləşmələr aparır. Ümumiyyətlə, yol həm ağır, həm də bahalı işdir. Ona görə də hər bir xırda detal da diqqətlə nəzərdən keçirilməlidir".
Qurum rəsmisi əlavə edib ki, həmin istiqamətə hərəkət üçün başqa bir variantda isə "Beşmərtəbə" adlanan ərazidən tunellə gedərək, 7 km-dən sonra göstərilən yola çıxmaq əks olunub: "Burada əyri yollar, döngələr olmayacaq, düz yolla 3 dəqiqədən sonra o yola çıxmaq mümkün olacaq. Bütün bu məsələlər yüksək səviyyədə müzakirələr, qiymətləndirmələr aparıldıqdan sonra icra olunur. Bu bir günün işi deyil və ya kiminsə xətri ilə icra olunmur. Hökumət bunu "cibinə" baxıb həyata keçirir. Bu işin reallaşmasına xeyli vəsait tələb olunur".
Müstəqil Memarlar Assosiasiyasının prezidenti Zemfira Budaqova "Bakı-Xəbər"ə açıqlamasında qeyd etdi ki, Azneft dairəsindən Ələt-Astara istiqamətində tunel xəttinin çəkilməsi yaxşı təklifdir. Belə bir təklif real olarsa, şəhərdə müşahidə olunan uzun-uzadı tıxacın qarşısı, qismən də olsa, alınmış olar: "Bakı küçələrində hərəkət edən nəqliyyat vasitələri tıxac sarıdan çox əziyyət çəkir. Tıxacın qarşısını almaq məqsədilə şəhərin bəzi yerlərində yerüstü körpü tikilib. Diqqətlə fikir versək görərik ki, tikilən keçidlərin əksəriyyəti tıxac müşahidə olunmayan ərazilərdə inşa olunub. Əhalinin sıx hərəkət etdiyi yerdə isə heç nə yoxdur. Azneft dairəsindən Ələt istiqamətində olan yolda da nəqliyyatın sıxlığı müşahidə olunur. Nəqliyyatın sıxlığı əsasən səhər və axşam saatlarında müşahidə olunur. Sədərək bazarına gələn marşrutlar bu ərazidə tıxac yaradır. Yaxşı olar ki, adıçəkilən bazara gələn marşrutlar üçün ayrıca yol çəkilsin".
Həmsöhbətimizin sözlərinə görə, Azneft dairəsindən Ələt-Astara istiqamətində tunelin çəkilməsi həm yollarda nəqliyyatın sıxlığının azalmasına səbəb olar, həm də maşınlar getdikləri ünvana rahat şəkildə çata bilər.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...