Hacı İbrahimin Xəzər dəniz mənzillərində yaşayışın ekoloji-sağlamlıq üstünlükləri diqqət çəkir

Tarix: 08.05.2014 / 09:15
Bölmə: Sosial

Məlum olduğu kimi, artıq 3 ildən çoxdur Xəzər dənizində "Xəzər Aylənd" meqa layihəsi həyata keçirilir. Dənizdə salınan şəhərcikdə bir-birindən gözəl, rahat, yaraşıqlı binalar və digər yaşayış kompleksləri salınır. Layihənin ideya müəllifi və rəhbəri Hacı İbrahim Nehrəmli ilk vaxtlar öz planlarından danışmağa başlayanda bəziləri buna şübhə ilə baxırdı. Ancaq çox keçmədi ki, onlar öz fikirlərində yanıldılar.
Bakının Qaradağ rayonu ərazisində tikilməkdə olan "Xəzər Aylənd" meqa projesinin idman və stadionlar kompleksi tezliklə reallaşacaq açılışlar üçün başlanğıc oldu. Şəhərcikdə eyni zamanda idman növləri üçün də şərait yaradılır. İdman və stadionlar kompleksində ilk oyun isə "Xəzər Aylənd" - "Neftçi" İSM futzal klubları arasında yoldaşlıq görüşü olub. Bir sözlə, Bakı şəhərindən 28 kilometr məsafədə, Sahil qəsəbəsinin şimal-şərq hissəsində yerləşən adada hər şey insana, onun rahatlığına hesablanıb. Şəhərə insanları gəmilər gətirəcək. Hər yerdə yaxtalar üçün dayanacaqlar qoyulacaq. Gəmidən düşən insanlar şəhərin öz nəqliyyat vasitələrindən istifadə edəcək. Bura avtomobillə də gəlmək mümkün olacaq. İnsanlar maşından düşüb şəhərə girəcək. Avtomobillər isə şəhərin altında yerləşdiriləcək. Hazırda burada bir milyon maşın tutumu olan dayanacaq tikilir. Şəhərdə əsas nəqliyyat vasitəsi tramvay və velosiped olacaq. Qeyd edək ki, şəhərdə tramvayın işə düşməsi üçün lazım olan 6 körpüdən 2-si artıq hazırdır. Körpülər hazır olandan sonra tramvay işə salınacaq.
Yeraltı keçidlər və keçidlərdə supermarketlər inşa olunacaq. Musiqili fəvvarələr quraşdırılacaq.
Bir milyona qədər insanın yaşayacağı şəhər 600 min insan üçün də iş yeri olacaq. İstər yaşamaq, istərsə də işləmək üçün münasib məkana çevriləcək. Digər tərəfdən, sözügedən layihə Azərbaycanda Bakıdan sonra ikinci şəhər olsa da, dünyada öz körpüləri ilə Hamburqdan sonrakı yerə iddialıdır. Burada nə az, nə çox, 150 körpü salınacaq. Həm çoxmərtəbəli binalar, həm də villalar tikiləcək. Girişdə sağda 700 villa, dənizin içərisinə doğru 7-8 kilometrdən sonra isə dünyanın ən böyük binalarından biri ucalacaq. "Avesta" Konserninin prezidenti Hacı İbrahim Nehrəmlinin sözlərinə görə, burada tikilən 22-25 mərtəbəli binalar Bakıdakı binalardan daha möhkəm olacaq: "Mən Bakıda da evlər tikirəm. Burada - dənizin bu hissəsində qrunt daha sıx və möhkəmdir. Evlər 9 ballıq zəlzələyə davamlıdır. Tikinti gedən yerdə dənizin dərinliyi 5-20 metrdir. Bu məsələdə də bəxtimiz gətirib. Bu dərinlik tikinti üçün heç bir problem yaratmır". Evlərə isti-soyuq su veriləcək. Burada ev alan əlavə bir mismar belə işlətməyəcək. Şəxsi mülklərdən kənarda bütün işləri şirkət həyata keçirəcək. İstər təmizliyə, istər xidmətə görə cavabdeh şəxslər olacaq. Bu şəhərin öz meriyası, öz qanunları olacaq. Nə polis gözə dəyəcək, nə rüşvət istəyən. Qanun pozan cəriməsini büdcəyə ödəyib qəbzini götürəcək. Şəhərin enerjisini isə dənizin küləyi, suyu və günəş təmin edəcək. Alternativ enerji mənbələri ilə işıqlanacaq şəhər hər kəsin yaşamaq istəyəcəyi bir yer olacaq. Eyni zamanda, meqa kompleks dənizdə küləklərin yaratdığı sərt dalğalara da dayanıqlı olacaq. Başqa bir tərəfdən, 78 ada. Hər adada bir məktəb, çoxlu universitetlər, müasir xəstəxana, idman və sağlamlıq mərkəzləri. Yollarda ilboyu üstü çiçəklə dolu yaşıllıq sahəsi salınacaq.
Göründüyü kimi, sözügedən böyük layihə ekoloji parametrlərə görə ən yüksək yerdə durur. Təmiz hava, tozdan, şəhərdə avtomobillərin yaratdığı tüstüdən və ekologiyaya ziyan vuran digər hallardan uzaq sakit yaşayış kompleksi. Kim burda yaşamaq istəməz ki?!
Məsələyə münasibət bildirən tanınmış ekoloq, Milli Ekoloji Proqnozlaşdırma Mərkəzinin rəhbəri Telman Zeynalovun sözlərinə görə, sözügedən layihə ekoloji baxımdan üstünlüklərə malikdir: "Həqiqətən də sözügedən layihə ekoloji baxımdan bir sıra üstünlüklərə malikdir. Şəxsən mən özüm 3-4 dəfə həmin ərazidə olmuşam. Layihəyə start verilməzdən əvvəl adada köçəri quşlar məskunlaşırdı. Brakonyerlər tərəfindən həmin quşların sayı minimuma endirilmişdi. Çünki quşları kütləvi şəkildə qırırdılar. Ancaq "Xəzər Aylənd" layihəsinə start verildikdən sonra bunun qarşısı alındı. Edilən nəzarət sayəsində bir nəfər də olsun brakonyer ora gəlmir. Elə təkcə bunun özü nəyə desən dəyər. Yəni layihəni həyata keçirən şirkətin özü mikrobioloji və ekoloji normalara riayət edirsə, bu çox müsbət haldır. O üzdən, mənim layihə ilə bağlı fikirlərim müsbətdir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...