Azərbaycanda "polis qadınlar" mövzusu yenidən müzakirədə...

Tarix: 06.03.2014 / 15:58
Bölmə: Sosial

Azərbaycanda qadınlarla kişilərin qeyri-bərabər təmsil olunması güc strukturlarında, hüquq-mühafizə, məhkəmə orqanlarında qabarıq nəzərə çarpır. Araşdırmalara görə, ölkədə polis rəisləri, onların müavinləri, prokurorlar və müavinləri arasında, Dövlət Yol Polisində vəzifəli qadınlar yoxdur.
   Məhkəmə sistemində də qadınların təmsilçilik faizi aşağıdır. Müstəntiq qadınların sayı da barmaqla sayılacaq qədərdir.
   Qadın polislərinin sayının az olması millət vəkillərini də narahat edir. Milli Məclisin sədr müavini Bahar Muradova parlamentin son iclası zamanı bildirib ki, Azərbaycanda müvəqqəti saxlanma yerlərində polis əməkdaşları sırasına qadınların cəlb edilməsinə ciddi ehtiyac var: "Dünya praktikasında bu həm də həmin sistemdə gender bərabərliyini qorumaqla bir sıra problemləri də həll edə bilər".
   Sabiq polis rəisi Fərhad Süleymanov "Bakı-Xəbər"ə açıqlamasında qeyd etdi ki, polis çox çətin və məsuliyyət tələb edən peşədir: "Bəzən gecə vaxtı hadisə baş verir və polis işçisi gecə vaxtı olay yerinə getməli olur. Ona görə də bəzi qadınlar bu peşədən uzaq durur. Hesab edirəm ki, polis peşəsi qadınlar üçün çətindir".
   Onun fikrincə, hər bir qadın polis sistemində çalışa bilməz. Çünki bu sahə incə məxluq sayılan qadınlar üçün deyil.
   "Təmiz Dünya" İctimai Birliyinin sədri Mehriban Zeynalova "Bakı-Xəbər"ə açıqlamasında qeyd etdi ki, bir sıra sahələrdə olduğu kimi, hüquq-mühafizə orqanlarında qadınların işləməsi nədənsə birmənalı qarşılanmır. Onun sözlərinə görə, bəzən hüquq-mühafizə orqanında deyirlər ki, qadın istintaqçı, əməliyyatçı ola bilməz: "Çünki gecə vaxtı meyitxanaya, hadisə yerinə çıxa bilməz. Qadından isə soruşan yoxdur ki, çıxa bilər, ya yox? Əgər kişi istintaqçı qadına sırf peşəkar kimi baxırsa, burda heç bir problem ola bilməz. Yol Polisində qadın işləmir, bunun səbəbi də işin ağırlığı ilə izah olunur. Yola nəzarət etmək, cərimə yazmaq çətin deyil axı. Dövlət Yol Polisində qadın şöbə müdiri yoxdur. Səbəb isə sadədir. Çünki Yol Polisi rüşvət alır, qadınsa buna getməz. Rayon polis idarələrində rəis qadın, prokuror qadınlar yoxdur. Düşünürəm ki, qadın polis rəisləri olsa, işgəncə halları da baş verməz".
   Ekspertin fikrincə, hər polis idarəsində, şöbəsində, prokurorluqda ən azı bir xanım işləməlidir. Onun sözlərinə görə, hüquq-mühafizə orqanlarının rəhbərlərindən xanımları şöbə və idarələrə rəhbər təyin etmələri tələb olunmalıdır. "Ərazi polis orqanlarının 80 faizində qadınlar çalışmır. Əgər cinayət törətməkdə şübhəli bilinən bir qadın prokurorluğa, polis bölməsinə gətirilirsə, onun üstündə axtarış aparılmalıdır. Amma bunu etməyə qadın-polis tapılmır. Bu, qadın hüquqlarının pozulmasıdır".
   Həmsöhbətimiz bildirdi ki, polisdə qadın əməkdaşların olmaması zorakılığa, qanunsuzluğa məruz qalmış qadınların hüquq-mühafizə orqanlarına müraciət etməsini əngəlləyir: "Polis orqanlarına işləməyə qadınların marağının artması üçün təbliğat aparılmalıdır. Sahə müfəttişləri arasında da qadınların sayını artırmaq lazımdır. Çünki çox hallarda qadınlara qarşı zorakılıq olduqda belə onlar polis orqanlarına müraciət etməkdən qorxurlar və yaxud bir kişidən digərinə şikayət etməyin düzgün qəbul olunmayacağından çəkinirlər. Təbii ki, burada psixoloji amil də rol oynayır, odur ki, sahə müfəttişi vəzifəsində çalışan qadınların sayının artması bu problemin də müəyyən qədər çözülməsinə səbəb ola bilər".

Günel CƏLİLOVA

DİGƏR XƏBƏRLƏR

Tarix: 03.10.2026 / 10:36

Tovuzda evdə baş vermiş yanğın nəticəsində bir qadın öldü...

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...