Bakıda hepatit "B" və "C" daşıyıcılarının sayında artım hiss olunur

Tarix: 06.03.2014 / 15:55
Bölmə: Sosial

Hazırda bütün dünya ölkələrində hepatit xəstəliyi geniş yayılıb. Azərbaycanda da bu xəstəlikdən əziyyət çəkənlər az deyil. Adıçəkilən xəstəlikdən qorunmaq və bu virusun yayılmaması üçün lazımi tədbirlər görülür.
   Respublika Gigiyena və Epidemiologiya Mərkəzində baş direktorun epidemiologiya məsələləri üzrə müavini Afaq Əliyeva mətbuata açıqlamasında bildirib ki, son illər infeksiya daşıyıcılığı əsasən "B" və "C" virus hepatitləri üzrə qeydə alınır. Onların aşkarlanması xüsusi müayinə üsulları ilə həyata keçirilir. Direktor müavini onu da vurğulayıb ki, son zamanlar insanlar arasında daşıyıcılıq hallarının artması laborator şəbəkələrin genişləndirilməsi və diaqnostika üsullarının keyfiyyətinin təkmilləşdirilməsi ilə izah olunur: "Daşıyıcılıq halları əsasən Bakı şəhərində daha çox aşkar edilir. Profilaktik tədbirlər spesifik və qeyri-spesifik olur. Spesifik profilaktika bütün uşaq əhalisi arasında hepatit "B" virusuna qarşı vaksinasiyanın aparılmasıdır. Milli peyvənd təqviminə əsasən, uşaqlar doğulduqdan 12 saat ərzində hepatit "B" vaksini ilə (monovaksin), 2, 3 və 4 aylıqda beşkomponentli GDTHibHepatit "B" vaksini ilə vaksinasiya olunurlar. Qeyri-spesifik profilaktika tədbirlərinə infeksiya mənbəyinə qarşı görülən tədbirlər, yoluxma mexanizminin, yoluxma yollarının və amillərinin intensivliyinin məhdudlaşmasına yönəldilmiş tədbirlər aiddir. Təbii yoluxma yollarının qırılması əsasən sanitar-gigiyenik tədbirlərlə əldə edilir. Bu məqsədlə şəxsi gigiyenik əşyalar (ülgüc, diş fırçaları, hamam vasitələri və s.) fərdiləşdirilməli və ayrı-ayrı saxlanmalı, şəxsi gigiyena qaydalarına əməl edilməli; məişət və istehsalatda kiçik zədələnmələrin baş verməsindən qorunmalı; qansoran və məişət parazitləri ilə mübarizə aparılmalıdır. Qeyri-düzgün həyat tərzi keçirən şəxslərlə mübarizə də müəyyən dərəcədə əhəmiyyət kəsb edir. Vertikal (ana bətnində) yoluxmaya qarşı profilaktik tədbirlər əsasən vaksinasiyanın aparılması ilə əldə edilir".
   A.Əliyevanın sözlərinə görə, törədicinin süni yoluxma yollarını qırmaq üçün bütün donorlar mütləq HBsAg gəzdiriciliyini aşkar etmək üçün laborator müayinədən keçirilir: "Tibbi alətlərin, avadanlığın qan və bioloji mayelərdən tam təmizlənməsi və sterilizasiyası üzərində nəzarət təmin edilir. Viruslu hepatitlərlə xəstələnmə 25-50 yaşlarda daha çox təsadüf olunur".
   Adıçəkilən virusun niyə məhz Bakıda daha çox yayıldığını öyrənmək məqsədilə ekspertlərə müraciət etdik.
   Professor, həkim-ekspert Adil Qeybulla "Bakı-Xəbər"ə açıqlamasında qeyd etdi ki, insanlar xəstəlik barədə yetərincə məlumatlı olmadığı üçün özlərini qoruya bilmir: "Hazırda Azərbaycanda hepatit "A","B","C" virusunun yoxlanma imkanları mövcuddur. Lakin "E","D" viruslarının yoxlanma imkanları yoxdur. Demək olar ki, istər dövlət, istərsə də özəl xəstəxanalarda "A","B","C" virusu əməliyyatdan qabaq və əməliyyatdan kənar vaxtlarda yoxlanıla bilir. Ginekoloji, stomatoloji kabinetlərdə, pedikür, manikür edilən yerlərdə hepatit xəstəliyinin yayılma və yoluxması çox yüksəkdir. Ona görə də sözügedən yerlərdə istifadə edilən alətlərin sterilizə edilməsinə çox ciddi şəkildə fikir verilməlidir. Hazırda xüsusi sterilizə üçün məhlullar var ki, alətlər bir xəstədə işləndikdən sonra bir müddət orada saxlanmalıdır. Təəssüflər olsun ki, hələ də bəzi yerlərdə bu cür məhlullardan istifadə etmirlər. Bu da nəticədə asanlıqla hepatit xəstəliyinin yayılmasına gətirib çıxarır. Yaxşı olardı ki, pedikür və manikürə gedənlər özləri ilə şəxsi alətlərin aparsınlar. Eyni halda vətəndaşların alətlərin sterilizə edilib-edilməməsi ilə maraqlanmaq hüquqları var".
   Həmsöhbətimiz onu da bildirdi ki, adıçəkilən xəstəliyin Bakıda daha çox yayılmasının səbəblərindən biri də bölgələrdə yaşayanların və ya xarici ölkə vətəndaşlarının Bakıya üz tutmasıdır.

Günel CƏLİLOVA

DİGƏR XƏBƏRLƏR

Tarix: 03.10.2026 / 10:36

Tovuzda evdə baş vermiş yanğın nəticəsində bir qadın öldü...

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...