Sadə insanların evlərindəki qadağan olunmuş ədəbiyyat nümunələri onlara cinayət məsuliyyəti yaradırmı?

Tarix: 07.05.2014 / 09:29
Bölmə: Sosial

Azərbaycanda qadağan olunmuş dini ədəbiyyatlardan ən təhlükəlilərinin adı açıqlanıb. Hüquq-mühafizə orqanlarından verilən məlumata görə, son illər respublikada təhlükəli dini cərəyanlara qarşı mütəmadi əməliyyatlar həyata keçirilib. Bu əməliyyatlar zamanı müxtəlif dini təriqətləri və cərəyanları təbliğ edən xeyli sayda dini ədəbiyyat müsadirə olunub.
Hüquq-mühafizə orqanlarından həmçinin bildirilib ki, əməliyyatlar zamanı müsadirə olunan dini ədəbiyyatların hamısı Dini Qurumlarla İş üzrə Dövlət Komitəsi tərəfindən qadağan olunmuş kitablardır, həmin nəşrlərin Azərbaycana gətirilməsi də yasaqlanıb. Buna baxmayaraq, müxtəlif dini cərəyanları təbliğ edən şəxslər gizli yollarla bu kitabları ölkəyə gətirərək yayırlar.
Respublikada yayılması və istifadəsi qadağan olunmuş ən radikal və təhlükəli dini nəşrlərin siyahısı hüquq-mühafizə orqanları tərəfindən təqdim edilib. Siyahıda bu kitablar yer alır: "Bağdad alimlərinin bəhsi" (müəllif: Məqafil-İbə Ətiyyə); "Bir yəhudi fitnəsinin nəticələri"; "Doğru olanlarla birgə" (müəllif: Məhəmməd Ticani Səmavi); "Pişəvəri gecələri" (müəllif: Seyid Məhəmməd Musəvi-Şirazi), "Sünnülük" (müəllif: Əbdürrəhman), "Vəhhabiliyin ayinləri" (müəllif: Cəfər Sübhani); "Yehova müasir xalqı"; "Müqəddəs kitab - Əhdi-Ətiq"; "Gözətçi gülləsi"; "Yehova Allahın padşahlığını bəyan edir"; "Risaleyi Nur"; "Vəhhabiyyət iki yol arasında" (müəllif: Şeyx Nasir Məkarin Şirazi); "Vəhhabi Firqəsi" (müəllif: Seyid Məhəmməd Həsən Qəzvini) "Peyğəmbərin haqq canişini kimdir?" (müəllif: Əhməd Əssədnajat); "Qərb dinində - Aşurayadək" (müəllif: Seyid Kazım Pərpənci); "Cəməl müharibəsi" (müəllif: Cəsar Sübhani); "Günahın acısı" (müəllif: Haşim Rasuli); "Zühur əsri" (müəllif: Əli Kuranu); "Böyük dini rəhbərin həyat və fəaliyyəti"; "İlahi ədalət"; "Sulid din"; "Seyid Mürtəza Müctəhidi"; "Ali İmran"; "Bir dəstə gül"; "İmam əsgərin həyatı"; "Musa Kaziminin həyatı"; "İmam Rzanın həyatı"; "Şiə və əsassız ittihamlar" (müəllif: Seyid Sadiq Şirazi).
Ancaq məsələnin başqa bir maraqlı tərəfi də var. Siyahıda adları çəkilən kitabların, demək olar ki, hamısı Azərbaycan dilinə tərcümə edilib və uzun illər ölkədə azad şəkildə satılıb. Çoxlu sayda insan həmin kitabları alıb və oxuyub. Təbii ki, kitabı oxuyandan sonra heç kim bayıra tullamır. Deməli, bu siyahıda olan kitablar hazırda heç bir təriqətə bağlılığı olmayan sadə vətəndaşların da evində var. Bu kateqoriyaya aid olan dini ədəbiyyat həmin adamların evindən və ya avtomobilindən çıxarsa, onlara cinayət məsuliyyəti nəzərdə tutulurmu?
Tanınmış şərqşünas Seyid Camal Əzimbəyli qəzetimizə açıqlamasında bildirdi ki, Azərbaycanda hökm sürən tolerantlıq mühitindən istifadə edənlər bir sıra qanunsuzluqlara yol vermiş oldular. Müsahibimizin sözlərinə görə, bu özünü dini ədəbiyyatların yayılması sahəsində də büruzə verməyə başladı: "Hazırda qadağan olunmuş dini ədəbiyyatların sıralamasında heç də bütün kitabların təhlükəliliyi ilə razı deyiləm. Düzdür, elə kitablar var ki, o büs-bütün duadan ibarətdir. Onun üstdə və ya evdə gəzdirilməsinin nə özümüzə, nə də ki, ətrafdakılara heç bir zərəri olan deyil. Bu baxımdan da, təriqətlərarası ədavəti qızışdırmayan, Azərbaycanın dövlətçiliyi üçün heç bir təhlükəsi olmayan kitabların adının radikal dini ədəbiyyatların sırasına aid edilməsi doğru deyil. Ancaq siyahıda elə kitabların adı var ki, mən onlarla tanışam və hesab edirəm ki, heç bir vəchlə həmin ədəbiyyatla cavanlarımızın təmasına imkan vermək olmaz. Elə olur ki, bu ekspertizanı keçirən adamlar da kiçik yanlışlıqlara yol verir. Bu baxımdan da, cəmiyyət nümayəndələri əlaqədar qurumlara bu barədə müraciətlər etməlidir ki, bəzi kitabların adı siyahıdan çıxarılsın. Məsuliyyətə gəldikdə isə, bunu insanların özü də müəyyən edə bilər. Savadlı adam həmin kitabların bir-iki cümləsindən hər şeyi müəyyən edə bilər. Buna görə də kənar durmaları məsləhətdir. Təbii ki, qanunla qadağan edilən hər bir şeyin saxlanması, gəzdirilməsi məsuliyyət yaratmaya bilməz".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...