"Polisə Dəstək" İB daha bir antinarkomaniya tədbiri keçirdi

Tarix: 05.05.2014 / 11:35
Bölmə: Sosial

Bu günlərdə Azərbaycan Müəllimlər İnstitutunun Şamaxı filialında "Polisə Dəstək" İB Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə "Narkomaniya və HİV-lə mübarizədə ictimai fəallığın artırılması" mövzusunda birgə seminar-mühazirə həyata keçirib.
Yığıncağı giriş sözü ilə filialın direktoru Tünzalə Yusifova açaraq, iştirakçılara mövzu ətrafında məlumat verib.
Daha sonra söz alan Şamaxı RPİ-nin rəis əvəzi İ.Hüseynov öz çıxışında narkomaniyanın fəsadlarından, bu bəla ilə mübarizə zamanı rastlaşdıqları problemlərdən geniş bəhs edib. Polis rəisi tələbələrə bu xəstəlikdən necə kənarda qalmaqla bağlı dəyərli məsləhətlər də verib.
Tədbirdə tələbələr çıxış edərək məsələnin ciddiliyinə toxunublar. Seminarda rayon İH başçısının müavini və rayon gənclər təşkilatının sədri də iştirak edib.
Sonra da çıxış edən natiqlər seminarın əhatə etdiyi mövzu ətrafında geniş fikir mübadiləsi aparıblar.
Sonda layihənin icraçısı "Polisə Dəstək" İB-nin sədri Şəmsəddin Əliyev geniş məruzə nitqi ilə çıxış edib. O bildirib ki, seminar-mühazirənin keçirilməsində məqsəd ictimaiyyət, yüksək risqli əhali qrupları, miqrantlar, gənclər və yeniyetmələr arasında təhlükəsiz və məsuliyyətli davranışın aşılanmasını, narkomaniyanın və HİV infeksiyasının əsas cəhətləri, narkomaniyadan asılılıq və HİV-ə yoluxmadan qorunma yolları haqqında maarifləndirməni həyata keçirməkdən ibarətdir.
Şəmsəddin Əliyev çıxışında narkomaniyanın yaranma tarixinə geniş ekskurs edib: "Narkomaniyanın tarixi şumer sivilizasiyasına və Şamanlara (ruhlarla əlaqəsi olan,atəşə hakim və ruhlarla danışmaq üçün yerə, yeraltına enən və bunlara sahib çıxan şəxs) qədər gedir. Eramızdan 5 min il əvvəlin tədqiqatları belə deməyə əsas verir ki, opiumun hazırlanması və qəbulu ilə əlaqədar yazılı və arxeoloji mənbələr də olub. Həmin dövrdə opiumu "şənlik" mənasını verən "gil" adlandırırdılar.
III minillikdə Çin imperatoru Şen-Nun müalicə məqsədilə həşişin "fikir dağınıqlığı, unutqanlığı, huşsuzluğu, öskürəyi aradan qaldırmaq üçün dərman kimi qəbul edilməsinə icazə vermişdi. Qədim afinalılar və rumlular da onu insanın əhvalını dəyişən vasitə kimi istifadə edirdi. Afina mədəniyyətinə görə xaş-xaşın qurumuş baş hissəsində "opio"-opium sözünün işarəsi var. Həmin söz bitkilərin, qaranquşotunun "süd"ündən hazırlanan şirə mənasını verir.
Eramızın I əsrində romalılar opiumdan istifadəyə pozitiv yanaşaraq ondan müxtəlif xəstəliklərin müalicəsində istifadə etməyə başladılar. İlk minillikdə Romada məşhur həkim Klaudiya Qalena (129-201-ci illər) opiumdan istifadəyə müsbət rəy vermişdi. Lakin Roma hərbi sərkərdələrdən biri Pliniya Romaya (Qərbi Almaniyada Trir qalasının komendantı olarkən) məktub yazır ki, əsgərlərin "bitki şirələrinin" qəbulundan sonra hərəkətləri dəyişir, huşsuz və ağılsız vəziyyətdə gəzirlər. Onların döyüş ruhu aşağı düşdüyündən, Qalena həmin maddənin qəbuluna qadağa qoyulmasını istəyirdi. Söhbət "yovşan arağından" - (cecə arağı kimi anlaşıla bilər) Absentdən gedirdi. Bu cür içki XIX əsrdə Fransada da artıq dəbdə idi".
Daha sonra QHT rəhbəri bəşəriyyət tarixinin müəyyən mərhələsində böyük dövlətlər arasında olan müharibələrdən də danışıb":Böyük Britaniya Çini özünün koloniyasına çevirməyə cəhd etdiyi bir vaxtda külli miqdarda narkotiki Çinə göndərilməsini təşkil edir, əvəzində qızıl və xəz daşıyırdı. Məqsəd Çin ordusunu parçalamaq, onların döyüş əzmini qırmaq, dövlətin gələcək inkişafını dayandırmaq və Çində opiumdan istifadəyə geniş şərait yaratmaqdan ibarət idi.
1839-cu ildə Çin Böyük Britaniyanın pozucu təsirinin qarşısını almaq və opium ehtiyatlarını məhv etmək üçün geniş əməliyyatlara başladı. İngilislərin narkotik maddələrlə yüklənən gəmilərini dənizdə batırdı. Buna cavab olaraq ingilislər öz gəmilərini müdafiə etmək məqsədilə Çinə böyük hərbi dəstələr göndərdi. Tarixdə Böyük Britaniya ilə Çin arasında gedən bu müharibə (1856-1860-cı illər) opium müharibəsi kimi yadda qaldı. Amma Çin ordusu bu müharibədə hərbi müvazinətini saxlaya bilmədi və demək olar ki, məğlub oldu. Lakin təzyiqlər 1858-ci ildə Çini opiumun ölkəsinə import edilməsinə böyük gömrük rüsumu alınmaqla razılıq verməyə məcbur etdi. Kral ailəsinin özəl maraqları təmin olundu, bu razılığın nəticəsi olaraq böyük gəlirlər gətirdi".
Müasir dünyada narkomaniya probleminə aid fərqli baxışların olmasına toxunan Şəmsəddin Hacıyev bildirib ki, inkişaf etmiş sivil ölkələrdə belə cinayətə qarşı düşünülmüş mübarizə kursu həyata keçirilir: "Faktiki olaraq Niderlandda qara bazar yoxdur. Ölkədə təkmil qanunvericilik bazası var. Bu gün Niderlandda 1500 lisenziyalaşmış müəssisə fəaliyyət göstərir. Narkomanların sayı azalmağa doğru gedir.
2013-cü ilin yanvar ayında Böyük Britaniyanın Lordlar Palatasının partiyalararası qrupu 31 ekspertin rəyinə əsaslanaraq narkotiklərdən sui-istifadə məsələləri üzrə polis rəhbərlərindən ibarət assosiasiyanın yaradılması haqda təklif verdi. Təklif nəticəsində narkotik maddələrin saxlaması və qəbulu kriminallıqdan çıxarılmalı, həyat və sağlamlıq üçün daha təhlükəli narkotik pereparatların satılmasına dair xüsusi lisenziyanın verilməsinə start verildi..."
Çıxışının sonunda QHT rəhbəri bəzi statistik rəqəmlər barədə ətraflı məlumat verib: "Hazırda Azərbaycanda müayinə olunaraq HİV diaqnozu təsdiq edilmiş xəstələrin sayı 2.224 nəfərdir.
Bu məqsədlə insanların immunçatışmazlığı virusunun, B və C hepatitlərinin yayılmasının, HİV-ə yoluxmuş şəxslərin inyeksion narkotik vasitələrdən istifadəsinin qarşısını almaq, onların sosial reabilitasiyasını və cəmiyyətə inteqrasiyasını təmin etmək, habelə digər məqsədlərlə inyeksion narkotik istifadəçiləri arasında könüllülük əsasında əvəzedici müalicə proqramları tətbiq edilir.
HİV mənaca Human (insan) immunçatışmazlığı virusu, narkomaniya bihuşluq, asılılıq, ağılsızlıq və yuxulama mənasını verir. QİÇS isə qazanılmış immunçatışmazlığı sindromu (İnsanın immun sisteminin ciddi zədələnməsi nəticəsində yaranan bir mərəz) kimi qəbul edilir. Ona görə də xəstəliyin qarşısını almağa təsir edən faktorlardan biri narkomaniya ilə mübarizənin gücləndirilməsidir.
Azərbaycanda narkoloji dispanserin statistik məlumatına görə, 27 min 900 nəfər narkoman rəsmi qeydiyyatdadır. Bunun müəyyən qisminin tibbi müayinə zamanı HİV daşıyıcısı olması şübhə doğurmur".
Normal atmosferdə keçən tədbirin sonunda Şəmsəddin Əliyev tələbələri maraqlandıran suallara ətraflı cavablar verib. Müəllifi olduğu kitabları öz avtoqrafı ilə tələbələrə paylayıb. Tədbirin sonunda filialın direktoru Tünzalə Yusifova tələbələrin iştirakı ilə belə təbdirlərin vaxtaşırı keçirilməsinin zəruri olduğunu deyib və bütün seminar iştirakçılarına dərin minnətdarlığını bildirib.

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...