Bir daha Bakının marşrut problemi haqda...

Tarix: 02.05.2014 / 11:36
Bölmə: Sosial

Son vaxtlar mətbuat paytaxtın marşrut problemlərinə kifayət qədər diqqət ayırıb və insafən, elə əlaqədar qurumun mətbuat xidməti də vaxtaşırı qabardılan problemlərə izah verib, onların çözümü istiqamətində aparılan işlərdən danışıb.
Bununla belə, problemlərin nəzərəçarpacaq dərəcədə azaldığını demək çətindir. Son dönəmdə isə bu sektorun bütövlükdə Nəqliyyat Nazirliyindən alınaraq Bakı Şəhər İcra Hakimiyyətinin balansına verilməsi bir sıra optimist düşüncələrə əsas verdi. Ən azı ona görə ki, istənilən fəaliyyət ilkin dönəmində daha keyfiyyətli olur, necə deyərlər, təzə bardaq suyu daha sərin saxlayır. Lakin görünən o ki, dəyişiklik hələlik xarici görünüşdədir - avtobusların üzərində iri hərflərlə "BŞİH" abbreviaturası "göz oxşayır", mahiyyət isə dəyişməyib. Belə düşünməyimizə əsas verən problemi isə elə avtobus sürücüsünün öz dilindən eşitdik.
Bəllidir ki, Bayıl dairəsi ətrafında əsas yol təmirə bağlıdır və o üzdən sürücülər daha dar və yöndəmsiz alternativ yoldan istifadə edir. Yol boyu isə "taksovatlıq" edənlərin maşınları park etməsi buranı bir qədər də keçilməz edir. Bir avtobus sürücüsünün ensiz yola dönərkən yüzdə yüz vurulma "şansı" olan maşının sahibinə ürəyiyananlıqla dediyi sözlər təxminən belə idi: "Ağsaqqal, bizim marşrutda sürücülərin çoxu "prava"sızdır. Maşını çox pis saxlamısan, vuracaq, çiynini çəkib gedəcək". Məsələ burasındadır ki, sürücülər arasında yazılmamış qanuna görə, biri digərinin maşınını vurub əzərsə, onu düzəltdirib təhvil verənə kimi qarşı tərəf onun sürücülük vəsiqəsini "girov" saxlayır. Elə xəbərdarlıq edən avtobus sürücüsü də onu demək istəyirdi ki, əksəriyyətin sürücülük vəsiqəsi olmadığı üçün məsuliyyətdən tam sərbəst şəkildə yayına bilər. O zaman sual yaranır: əksəriyyətin müvafiq sənədi yoxdursa, onları bu şəkildə kim işə alıb və şəhər sakinlərinin həyatını risqə atmaqda marağı nədir? Bəlli ki, bu problem yeni quruma elə Nəqliyyat Nazirliyindən "transfer" olunub. O zaman haqlı sual yaranır ki, niyə bu "təhvil-təslim" zamanı sürücülər "ələk-xəlbir" edilməyib, onların sürücülük hüququnun, peşə praktikasının olub-olmadığı yoxlanmayıb? Axı bu "prava"sızlar hər gün yüzlərlə insanın həyatı ilə oynayır!!!
Ümid edək ki, əlaqədar təşkilat sualımıza cavabında tutarlı arqument gətirə biləcək.
Əslində bu sektorla əlaqəli zaman-zaman verilən açıqlamalar sözügedən sahədə ciddi islahatların getdiyini düşünməyə əsas verir. Lakin müşahidələrimiz, nə yazıq ki, çox zaman bunun əksini deyir. Son vaxtlar avtobusların salonunda sürücü ilə sərnişinlər arasındakı arakəsmədə "qaynat xətt"in telefon nömrəsi gözə dəyir ki, bunu təqdirəlayiq hal kimi dəyərləndirib, sərnişinlərə şikayətlərini ünvanlamaq üçün şərait yaradıldığını düşünmək olar. Lakin yalnız düşünmək olar, çünki zəng etdikdə, az qala səni "borclu" çıxarırlar. Bu günlərdə özümün yaşadığım bir hadisəni danışım. 20-ci Sahədən Yasamala gedən marşrutun sürücüsü Qurd qapısına çatdıqda "qarşıda tıxac var" deyib, əslində heç bir əsas olmadan yolunu dəyişdi və sərnişinlərin narazılığına baxmayaraq, Şərifzadə küçəsinə qəbiristanlığın içi ilə keçməyə cəhd göstərdi. Lakin bu yolla xeyli irəlilədikdən sonra qarşıdan yolun bağlı olduğunu görüb qayıtmağa məcbur oldu. Bu zaman isə qəbirlərin arasında avtobusu əks istiqamətə döndərmək əsl işgəncəyə çevrildiyindən, sərnişinlər də ona dəstək verməyə başladılar. Avtobus öz yoluna çıxdıqda isə burada tıxacın heç "izi" də yox idi. Nəşriyyatın yanında avtobusdan enib, iradımı bildirmək üçün "qaynar xətt"in nömrəsini yığdım. Düşünürdüm ki, qarşı tərəf məni təmkinlə dinləyib iradım üçün hətta mənə təşəkkür də edəcək ki, bilmədikləri, görmədikləri nüansı onların nəzərinə çatdırıb çözümünə nail olmalarına yardımçı oldum. Amma...Yox. Xəttin o ucundakı bəy əfəndi məni inandırmağa çalışırdı ki, yolda tıxac olduğundan (!) sürücü belə hərəkətə yol verib. Halbuki, bu yolu indicə keçən mən idim və o, yolun hazırkı durumunu məndən yaxşı bilə bilməzdi...
Bütün bu gördüklərimiz isə yalnız bir qənaəti formalaşdırır ki, Bakının marşrut probleminin yaxın zamanlarda çözüləcəyini düşünməyə dəyməz. Çünki dəyişən hələlik ünvandır, mahiyyət isə olduğu kimi qalır və bunun dəyişməsi üçün bizə aylar-illər lazımdır. Nə etməli? Gözləyək...

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...