Azərbaycanı bürümüş çəyirtkələr sutkada 30 kilometr qət edir

Tarix: 01.05.2014 / 11:24
Bölmə: Sosial

Son vaxtlar kənd təsərrüfatı bitkiləri üçün son dərəcə təhlükəli olan Mərakeş çəyirtkələrinin yayılması müşahidə olunur.
Bir sıra ölkələrin iqtisadiyyatına ciddi zərər vuran sözügedən çəyirtkələrin Azərbaycanda da yayılma risqi narahatlıq doğurur. Respublika Bitki Mühafizəsi Mərkəzinin rəisi Camal Quliyevin verdiyi məlumata görə, Mərakeş çəyirtkələrinə Azərbaycanın 34 rayonunda rast gəlinib. Adətən sürü halında hərəkət edən bu ziyanvericilər qarşılarına çıxan hər şeyi - taxılı, meyvə-tərəvəzi, pambığı, hətta meyvə ağaclarının yarpaqlarını belə məhv edir. Respublikanın 14 rayonunda həmin ziyanvericilərə qarşı mübarizə tədbirlərinə başlanıb və bu məqsədlə 7 qərargah yaradılıb. C.Quliyevin dediyinə görə, çəyirtkələrin məhvi üçün kifayət qədər texnika və dərman preparatı ayrılıb.
Adətən isti aylarda bitkilərə ciddi zərər vuran Mərakeş çəyirtkələri yenidən peyda olub. Əsasən Aran rayonlarında müşahidə olunan zərərvericilər havaların istiləşməsindən sonra aktivliyi ilə seçilir. Çəyirtkələr hazırda əkin aparılmayan yerləri cənginə alıb. Düzdür, zərərvericilərin kütləvi şəkildə miqrasiya etmək xüsusiyyətlərini nəzərə alan Respublika Bitki Mühafizəsi Mərkəzinin mütəxəssisləri artıq bir neçə gündür qabaqlayıcı tədbirlərə başlayıblar. Ancaq problemin tam həll olunduğunu söyləmək mümkün deyil.
Məsələyə münasibət bildirən kənd təsərrüfatı sahəsi üzrə mütəxəssis Vahid Məhərrəmovun sözlərinə görə, çəyirtkələrə qarşı əvvəlcədən ciddi mübarizə aparılmalıdır: "Bunun qarşısını kimyəvi və zəhərli maddələrdən istifadə etməklə almaq mümkündür. Həmçinin, digər bir üsul bioloji üsuldur ki, xüsusi quşların əkin sahələrinə cəlb edilməsi ilə həyata keçirilir. Digər mübarizə tədbirləri isə mexaniki vasitələrlə həyata keçirilir. Təəssüflər olsun ki, bu sahədə elə də ciddi işlər görülmür. Apardığımız müşahidələr bunu deməyə əsas verir. Son vaxtlar bitkilər arasında belə bir təhlükənin yaranmasına səbəb odur ki, bu sahədə yetərincə lazımi tədbirlər görülmür. Bu çəyirtkələr yumurta qoyur və növbəti il görürsən ki, çəyirtkələr həmin əkin sahələrinə ciddi zərər vurub. Bunun qarşısını almaq üçün vaxtlı-vaxtında mübarizə tədbirləri görmək lazımdır. Tədbirlər görülməlidir ki, onlar nəsilartırma fazasına qədər yaşaya bilməsinlər. Təəssüflər olsun ki, bizdə belə mübarizə tədbirləri yetərincə aparılmır. Problem həm də ondadır ki, növbəli əkin sisteminə də əməl olunmur.
Belə olan halda zərərvericilər çox asanlıqla yayıla bilir. Nəzərə alınmalıdır ki, bu həşəratlar sutka ərzində 30 km-ə qədər məsafəni qət edə bilir.
Bunlar daim dinamik hərəkətdə olduğundan, bir yerdə dayanmır və tezliklə yayılır. Bir sahədə bitkiləri məhv etdikdən sonra dərhal digər sahəyə, rayona, hətta qonşu respublika ərazisinə asanlıqla keçə bilirlər. Ona görə də mübarizə tədbirlərini qısa zamanda geniş şəkildə həyata keçirmək lazımdır ki, zərərin qarşısı tez bir zamanda alınsın".

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...