Dənizkənarı bulvarda qiymətlərə dair daha bir çağırış...

Tarix: 29.04.2014 / 04:30
Bölmə: Sosial

Yayın gəlişi yaxınlaşdıqca, Dənizkənarı Milli Parka insan axını başlayır. Cavan, yaşlı, uşaq, dost, sevgili və xarici qonaqlar burda gəzişir, söhbət edir, çay içib yemək yeyir və quraşdırılan müxtəlif attraksionlara minərək əylənir. Bu attraksionlardan ən çox ləzzət alanı uşaqlar, onlardan ən çox uzaq qalmağa çalışan isə valideynlərdir. Çünki qiymətlər od tutub yanır.
Düzdür, Milli Park bu gün çox gözəldir, burada heç vaxt Azərbaycanda olmayan güllər əkilib, ağaclar gətirilib. Yeri çox gözəl döşənib, hər tərəf təmizdir. Bir sözlə hər şey göz oxşayır. Amma bir əmması var ki, o da qiymətlərin sadə vətəndaşlar üçün münasib olmamasıdır.
Dənizkənarı Milli Parkda olan attraksionlarda qiymətin yüksək olması barədə fikir bildirən iqtisadçı-ekspert Vüqar Bayramov "Bakı-Xəbər"ə açıqlamasında qeyd etdi ki, Milli Parkda olan attraksionlara yeni biri əlavə edilib. "Şeytan çarxı" adlandırılan bu attraksion-panorama əksər ölkələrin milli parklarını bəzəyir: "Bulvarda paytaxt sakinlərini, xüsusən də uşaqları sevindirəcək xidmətlərin olması bütün hallarda təqdirəlayiqdir. Amma Dənizkənarı Parkdakı attraksionlar kimi sevindirir? Sakinləri yoxsa həmin attraksion sahiblərini? Problem sadə və bəlkə də qeyi-adi deyil. "Şeytan çarxı"nda şeytan qiymətlər. Bu xidmətdən istifadə etmək üçün adambaşına 5 manat ödənilməsi lazım gəlir. Məsələn, 2 uşağa sahib ailə hər həftəsonu deyil, ayda cəmi 2 dəfə yalnız bu xidmətdən istifadə etsə, o zaman onlar 40 manatından keçməli olacaq. Bu isə o deməkdir ki, dənizkənarı bulvarda sadəcə bir xidmətdən istifadə edilməsi üçün minimum əməkhaqqının 38, orta aylıq əməkhaqqının isə 10 faizini xərcləmək lazımdır. Azərbaycan qanunvericiliyində süni qiymətlər müəyyənləşən zaman malın və ya xidmətin satış qiyməti ilə onun maya dəyəri, yəni xərci arasında fərq nəzərə alınır. Bəyəm, süni qiymət aylarla zəhmət çəkərək öz kənd təsərrüfatı məhsulunu yetişdirən fermerin bazarda onu 10 qəpik daha baha qiymətə satmaq istəməsidir? Sanki dənizdə əsən küləyin istiqamətinə görə müəyyənləşdirilən bulvardakı qiymətlər süni qiymətlər deyilmi?
Süni qiymət problemi sadəcə attraksion-panorama ilə deyil, eyni zamanda bulvarda təklif edilən digər xidmətlərlə də bağlıdır. Məsələ ondadır ki, əsas xidmətlər üzrə qiymətlər süni və şişirdilmiş qiymətlər olduğundan, bu hallarla mübarizə aparılmasına və qiymətlərin tənzimlənməsinə ehtiyac var".
Ekspertin sözlərinə görə, Azərbaycan qanunvericiliyi ölkənin bütün ərazisində, o cümlədən, dənizkənarı bulvarda süni qiymətləri qadağan edir. Bulvardakı qiymətlər müəyyənləşdirilən zaman hansı iqtisadi qanunauyğunluqlara söykənildiyini demək çətindir. Bu qiymətlər nə bazar qiymətlərinə, nə də əhalinin ödəmə qabiliyyətinə əsaslanır: "Dənizkənarı bulvarda qiymətlərin süni şəkildə şişirdilməsi nəinki aztəminatlı vətəndaşların, hətta orta təbəqə nümayəndəsi olan ailələrin də bulvardan səmərəli istifadəsinə imkan yaratmır. Bakı dənizkənarı bulvarında qiymətlər Batumi bulvarı ilə müqayisədə 3.5, İstanbulun əsas parkı ilə müqayisədə 2 dəfə bahadır. Bir uşağın bulvardakı 5 uşaq əyləncə xidmətindən istifadə xərci ölkə üzrə minimum əməkhaqqının 16 faizi qədərdir. Bulvardakı qiymətlər paytaxtın əksər əraziləri ilə müqayisədə ən azı 2 dəfə bahadır. Təbii ki, şəhərin mərkəzindəki bir neçə bahalı xidmət obyektləri, o cümlədən restoranlar ilə bulvardakı qiymətin müqayisəsi yolverilməzdir. Bulvar ölkənin əsas milli parkıdır və Milli Parkdakı xidmətlər yalnız varlılar üçün deyil, bütün vətəndaşlar üçün əlçatan olmalıdır.
Bakı bulvarındakı qiymətlər nəinki qonşu ölkələr, hətta Avropanın əksər dövlətləri ilə də müqayisəyə gəlmir. Minimum əməkhaqqı 105, orta əməkhaqqı 430 manat olan ölkədə 3 dəqiqəlik uşaq əyləncə xidmətlərinin 2-4 manat arasında dəyişməsinin heç bir iqtisadi izahı yoxdur.
Bulvarda təklif edilən əsas xidmətlər maya dəyərindən bir neçə dəfə bahadır. Hətta şəhərin, demək olar, bütün ərazilərində standart qiymətə təklif edilən su və meyvə şirələri də süni qiymətlə təklif edilir. Bu, ölkə qanunvericiliyinə zidd olduğu üçün belə qiymətlərə qarşı mübarizənin aparılmasına ehtiyac var. Bulvarda qiymətlərin tənzimlənməsi həyata keçirilməyincə, ölkə vətəndaşların əskəriyyətinin bulvardakı xidmətlərdən istifadə etməsi mümkün olmayacaq". İqtisadçı onu da əlavə etdi ki, Milli Parkın formalaşdırılması fəlsəfəsinə uyğun olaraq orada qiymətlərin tənzimlənməsinə və maya dəyəri ilə uzlaşmayan süni qiymətlərə qarşı mübarizə aparmaqla dənizkənarı bulvardakı xidmətlərin vətəndaşlar üçün əlçatan hala gətirilməsinə ehtiyac var.

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...