Sərnişindaşımada icbari sığortanın tətbiqinə ekspert baxışı...

Tarix: 28.04.2014 / 09:38
Bölmə: Sosial

"İcbari sığortalar haqqında" Qanunun tətbiqi haqqında Azərbaycan Respublikası Prezidentinin Fərmanına əsasən, avtobus sərnişinlərinin icbari fərdi qəza sığortası ilə sığortalanmasına Nəqliyyat Nazirliyi nəzarət etməlidir. Yəni nazirliyin nəzarət qurumları sərnişin daşımaları ilə məşğul olan avtobusların bu sığorta növü ilə sığortalanmasına nəzarət etməli, buna əməl etməyən avtobusların istismarına imkan verməməlidir.
Daha dəqiqi, sığortasız avtobuslara bilet satılmamalı, onlar avtovağzallara buraxılmamalıdır və sairə. Bu tələblər "Nəqliyyat haqqında" Qanuna edilən dəyişikliklərdə nəzərdə tutulub və aprelin 22-də ölkə başçısı İlham Əliyev tərəfindən təsdiq olunub. Sənədə əsasən, "Avtonəqliyyat vasitəsi sahiblərinin mülki məsuliyyətinin sığortası və sərnişin daşımaları xidmətini həyata keçirən hava, su, dəmir yolu və avtomobil nəqliyyatı vasitələri ilə daşınan sərnişinlərin (nəqliyyat vasitələri ilə şəhərdaxili və ya qəsəbədaxili daşınan sərnişinlər istisna olmaqla) fərdi qəza sığortası "İcbari sığortalar haqqında" Azərbaycan Respublikasının Qanununa uyğun olaraq icbari qaydada həyata keçirilir. Bu tələb yerinə yetirildiyi halda, müvafiq nəqliyyat vasitələrinin istismarına icazə verilir".
Xatırladaq ki, hazırda Azərbaycanda şəhərlərarası və beynəlxalq daşımalarla 800-dən artıq avtobus məşğul olsa da, onların yalnız az hissəsi sərnişinlərin fərdi qəza sığortası növü ilə sığortalanıb.
Sərnişinlərin fərdi qəza sığortası qəza nəticəsində sərnişinlərə dəymiş zərəri təmin etmək üçün tətbiq olunur. Sığortası olan bu avtobuslarda qəza baş verərsə, ölən sərnişinlərin ailəsinə 5 min manata qədər sığorta ödənişi verilir.
Mövzu ilə bağlı fikir bildirən iqtisadçı-ekspert Natiq Cəfərli "Bakı-Xəbər"ə açıqlamasında qeyd etdi ki, sığorta haqqında qanunvericilikdə qeyd olunub ki, həm minik, həm də sərnişindaşıma ilə məşğul olan maşınlar məcburi olaraq sığortalanmalıdır: "Azərbaycanda şəhərlərarası nəqliyyat çox əhəmiyyətli minik vasitəsidir. Nəzərə almaq lazımdır ki, bu gün dəmir yolu və hava nəqliyyatından istifadə edənlərin sayı olduqca azdır. Əhalinin əksər hissəsi bir şəhərdən başqa rayona getmək üçün sərnişin avtobusundan istifadə etməli olur. Rayonlararası marşrutlarda qəza hadisəsi mütəmadi olaraq baş verir. Qəza zamanı zərərçəkənlərə sığorta məbləği ödənməlidir. Bunun üçün öncə gərək şəhərlərarası avtobuslar sığorta olunsun".
Həmsöhbətimiz onu da əlavə etdi ki, rayonlararası sərnişindaşıma ilə məşğul olan avtobuslar sığorta olunarkən yaxşı olar ki, sığorta şirkətləri bir sıra təkliflər paketi ilə çıxış etsin. Şəhərlərarası fəaliyyət göstərən avtobusların sığorta olunması müsbət ideyadır. Onun fikrincə, tək şəhərlərarası deyil, həmçinin, şəhərdaxili fəaliyyət göstərən avtobuslar da sığorta olunmalıdır.
İcbari Sığortalar Bürosunun (İSB) Hüquqi Təminat və İnzibati İşlər İdarəsinin müdiri Nazilə Hüseynovanın sözlərinə görə, qəza nəticəsində 1-ci qrup əlil olanlara 4 min manat, 2-ci qrup əlillərə 3 min manat, 3-cü qrup əlillərə isə 2 min manat pul ödənilməlidir. Onun dediyinə görə, sərnişinlərin fərdi qəza sığortası üzrə sığorta haqqı avtobusdakı sərnişin yerlərinin sayına görə hesablanır: "İllik sığorta haqqı hər sərnişin yerinə görə 6 manatdan götürülür. Məsələn, 40 nəfərlik sərnişin yeri olan avtobuslar üçün illik sığorta haqqı 240 manat təşkil edir".

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...