Respublika Narkoloji Mərkəzinin son məyusedici statistikası...

Tarix: 23.04.2014 / 10:42
Bölmə: Sosial

Aytəkin Kamranqızı: "...bu vaxta qədər heç kəsə xoşbəxtlik gətirmədiyini cəmiyyətə izah etmək lazımdır"
Bu gün bəşəriyyəti narahat edən məsələlərdən biri də narkomaniyadır. Artıq "ağ ölüm" kimi az qala bütün dünyanı ağuşuna alan bu sosial bəla hər il çoxlu sayda insanın ölümünə səbəb olur. Təəssüf ki, bu dünyanın bir üzvü kimi Azərbaycan da narkomaniyanın acı nəticələrindən böyük ziyan çəkir.
Azərbaycan hökuməti ümumbəşəri problemə çevrilən narkomaniyanın yayılmasının qarşısının alınması məqsədilə tədbirlər görür, ona qarşı mübarizədə dünya ölkələri və beynəlxalq təşkilatlarla birgə fəaliyyət göstərir.
Narkomaniya əsasən gənclik dövründə başlanır və bir çox hallarda elə gənclik dövründə də narkotik aludəçisinin ölümü ilə nəticələnir. Buna görə də elə məktəb dövründən profilaktik tədbirlərə başlanmalıdır Gənclər arasında narkomanlığın yayılmasının səbəbləri savadsızlıq, işsizlik, işsizlikdən doğan asudə vaxtların bolluğu, narkotik satıcılarının himayə edilməsi, narkotik biznesidir.
Narkotik qəbul edən yeniyetmənin kriminal meylləri daha təhlükəlidir. Xarakterin zəifliyi, mənəvi özünənəzarətin hələ tam formalaşmaması onların cinayət əməllərinə sövq edilməsini asanlaşdırır.
Araşdırmalar da göstərir ki, narkotik eyforiyası vəziyyətində olan yeniyetmənin törətdiyi cinayətlər çox zaman motivsiz, mənasız xarakter daşıyır, bir çox hallarda vandalizm hərəkətləri doğurur.
Narkotik maddələrdən asılılıq narkomaniyaya düçar olmuş şəxslər arasında digər böyük bir problemə - İİV/QİÇS virusuna yoluxmasına gətirib çıxarır. Təhlillər bir daha sübut edir ki, İİV/QİÇS-ə yoluxma hadisəsi narkomanlar arasında daha tez baş verir. Bunun narkomanlar arasında yayılmasına ən çox narkotik maddənin hazırlanması üçün lazım olan iynə, şpris və ya digər yoluxmuş alətlərin birgə istifadəsi səbəb olur.
Amma yaddan çıxarmayaq ki, narkomaniya QİÇS-dən də ciddi problemdir və İİV-infeksiyanın inyeksiya vasitəsilə yayılması ona daha böyük impuls verir.
Bu günlərdə narkotik istifadəçilərinin sayı açıqlanıb. Səhiyyə Nazirliyinin Respublika Narkoloji Mərkəzinin 31 dekabr 2013-cü il tarixə olan məlumatına əsasən, Mərkəzdə 28 min 376 nəfər qeydiyyatda olub. Keçən il bu göstərici 27 min 910 nəfər olub. 28 min 376 nəfərdən 22 min 533 nəfər dispanser, 5 min 843 nəfər profilaktik qeydiyyatda olan, 756 nəfər anonim müalicə alanlardır. Qeydiyyatda olanlardan 539-u qadın, 130-u toksikoman, 393-ü qadın olmaqla, 20 min 4 nəfəri inyeksion narkotik istifadəçisidir. 2013-cü ildə 1509 nəfər yeni qeydiyyata götürülüb, 1049 nəfər qeydiyyatdan çıxıb. Yaş qruplarına gəlincə, gənc nəslin nümayəndələrinin narkotikdən istifadə halları artıb.
Sosioloq Aytəkin Kamranqızı qəzetimizə açıqlamasında qeyd etdi ki, təhsil cəmiyyətin bir hissəsi olduğundan, cəmiyyətdəki neqativ hallar orta məktəblərə də sirayət edir: "Qadınlar açıq şəkildə siqaret çəkirsə, məktəbli qızlar da buna meyl göstərirlər. Bakının elə məktəbləri var ki, qızların çantasında siqaret olur. Tənəffüsdə çəkirlər. Gözlərimlə bunun şahidi olmuşam. Oğlanların siqaret çəkməsinə isə heç bir maneə yoxdur. Bundan başqa, hərəsinin mobil telefonu var və axşama kimi sosial şəbəkələrdə tanışlıq çatlarındadılar. Əgər kənd qızları evdən məktəb adına çıxıb Bakıya görüşə gəlirsə, oğlanların narkotik qəbul etmələrinə təəccüblənmək olmaz. Siz gedin rayon məktəblərinə baxın. Savadlı şagirdlər müəllim yanına gedir. Müəllimlər 3-5 nəfərə dərs keçirlər. Onlar da 2-3-cü dərsdən çıxıb gedirlər qumar oynamağa, siqaret, nəşə çəkməyə. Bu təkcə təhsilin deyil, cəmiyyətin bəlasıdır".
Həmsöhbətimiz hesab edir ki, orta məktəblərdə narkomaniyanın yayılmasının qarşısını almaq üçün geniş kampaniya aparılmalıdır: "Narkomanların sonu onlara əyani şəkildə göstərilməlidir. "Ağ ölüm"ün bu vaxta qədər heç kəsə xoşbəxtlik gətirmədiyini cəmiyyətə izah etmək lazımdır. Onların arasında "narkomaniyaya yox" adı altında inşa, məqalə müsabiqələri keçirilməlidir".
Günel CƏLİLOVA

DİGƏR XƏBƏRLƏR

Tarix: 17.07.2026 / 12:51

Mənzilin sahəsi ilə bağlı mübahisələrə dair qərar verildi - çatışmayan sahənin pulunu geri ala bilərsiniz...

Tarix: 17.07.2026 / 12:04

"Əhalinin siyahıyaalınması prosesi ilk dəfə ölkənin bütün suveren ərazisini əhatə edəcək" - Baş nazir

Tarix: 17.07.2026 / 11:50

Arıqlama məhsullarında təhlükəli maddələr aşkarlandı

Tarix: 17.07.2026 / 11:03

AQTA-dan son günlər yas mərasimlərində baş verən zəhərlənmələrlə bağlı açıqlama...

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...