QMİ "halal" uğrunda mübarizəni gücləndirir

Tarix: 21.04.2014 / 10:43
Bölmə: Sosial

"Halal" adı uğrunda gedən mübarizə hələ də səngimək bilmir. Xatırladaq ki, bu yaxınlarda Standartlaşdırma, Metrologiya və Patent üzrə Dövlət Komitəsi tərəfindən ölkədə kolbasa və sosiska məhsulları istehsal edən bəzi müəssisələrə "halal" lisenziyası verilib.
Lisenziya ala bilməyən müəssisələrə tapşırıq verilib ki, onlar da kolbasa və sosiska istehsal edərkən tələb olunan qaydalara riayət etsinlər. Belə olarsa, onlara da "lisenziya" veriləcək. Yox, vəziyyət dəyişməz qalacaqsa, onların fəaliyyət göstərib-göstərməməsi sual altına düşəcək.
"Halal" lisenziyası ətrafında gedən söhbətə son nöqtəni qoymaq üçün bu günlərdə Qafqaz Müsəlmanları İdarəsində (QMİ) Qazılar Şurasının iclası keçirilib. Aprelin 17-də Şeyxülislam Allahşükür Paşazadənin sədrliyi ilə keçirilən iclasda Şuranın üzvləri və İdarənin səlahiyyətli nümayəndələri iştirak edib. İclasda son zamanlar qida məhsullarının halallığı ilə bağlı Azərbaycan ictimaiyyətini maraqlandıran məsələ də müzakirə olunub. Din xadimlərinin çıxışlarında bu məsələyə dair açıqlamalar verilib. Bildirilib ki, halallıq sırf şəriəti səciyyə daşıyan məfhum olduğundan, bununla bağlı dini mərkəzin rəyi vacibdir və Azərbaycan dindarlarının çoxsaylı müraciətlərində yer alan narahatlığın aradan qaldırılması QMİ-nin Nizamnaməsi ilə təsbit edilmiş vəzifəsidir. İndiyədək "SAB" şirkətinin məhsullarına halallıqla bağlı zəmanətin verildiyini diqqətə çatdıran İdarə rəsmiləri gələcəkdə müvafiq dövlət qurumu ilə müştərək fəaliyyətin həyata keçiriləcəyi təqdirdə halal qida məhsulları istehlakçılarının haqlarının qorunmasının mümkün olacağını vurğulayıblar. Halallıq zəmanətinin verilməsi ilə əlaqədar QMİ nəzdində din xadimlərindən ibarət xüsusi işçi qrupun yaradılması qərara alınıb. Qazı Faiz Nağızadə başda olmaqla 5 nəfərdən ibarət həmin qrupun fəaliyyət istiqamətləri və vəzifələri müəyyənləşdirilib. Komissiyanın tərkibinə QMİ sədrinin müavini Fuad Nurullah, qazı Məhəmməd Quliyev, Şahin Həsənli, QMİ-nin əməkdaşları Şamil Rəsulov, Mirnəsir Nağıyev daxil olub.
Məsələyə münasibət bildirən Azad İstehlakçılar Birliyinin (AİB) sədri Eyyub Hüseynov "Bakı-Xəbər"ə açıqlamasında qeyd etdi ki, məhsullara "halal" lisenziyası QMİ, Standartlaşdırma, Metrologiya və Patent üzrə Dövlət Komitəsi və KİV nümayəndələrinin nəzarəti altında verilə bilər: "Kolbasanın hazırlanma texnologiyasını tək rəsmi qurumlar deyil, media nümayəndələri də müşahidə etməlidir. Ətin harada kəsilməsinə, farşın paket olunmasına, hazırlanmış kolbasa və ya sosiskaya qatılacaq ədviyyatın halal olub-olmamasına adları çəkilən şəxslər nəzarət etməlidir.
"Halal" lisenziyası tək QMİ-nin nümayəndələrinin iştirakı ilə verilərsə, bu standart düzgün standart olmaz".
Ekspert hesab edir ki, QMİ-nin tərkibində halallıq zəmanəti ilə bağlı komissiyanın necə fəaliyyət göstərməsi şübhə altındadır. Çünki o komissiyanın tərkibi yalnız dindarlardan ibarət olacaq: "Bir tək ətin necə kəsilməsinə nəzarət edəcəklər. Onlar məhsulun hazırlanma texnologiyasından, içərisinə qatılacaq ədviyyatların təmiz olub-olmamasından məlumatsız olacaqlar".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...