Əməkhaqqı sistemi marşrut avtobuslarına nə verəcək?

Tarix: 18.04.2014 / 08:04
Bölmə: Sosial

Bakı Şəhər İcra Hakimiyyətində qəbul edilən qərara görə, şəhərdaxili marşrutlarda sürücülər maaş sisteminə keçəcək.
Belə ki, şəhərdaxili sərnişin avtobuslarının sürücülərinə aylıq maaş sistemi tətbiq olunacaq və marşrutlarda gediş haqları kart sistemi ilə ödəniləcək. Prosesin yaxın vaxtlarda həyata keçiriləcəyi bildirilir. Qeyd edək ki, bir neçə gün öncə Prezident İlham Əliyevin Sərəncamı ilə şəhərdaxili marşrutlar Nəqliyyat Nazirliyindən alınaraq Bakı Şəhər İcra Hakimiyyətinin tabeliyinə verilib.
Çoxdan bəri gözlənilən bu sistemin tətbiqi ictimai nəqliyyat sahəsində bir sıra problemlərin həllini hədəfləyib. Problem ondadır ki, gündəlik plana işləyən sürücülər maşını sürətlə sürür, qabağa düşməkdən ötrü bir-birinin hərəkət qrafikinə girir və s. Bu da sərnişindaşımada bir sıra problemlərin, xüsusən də neqativ halların baş verməsinə gətirib çıxarır. Sürücü planı ödəməkdən ötrü daha çox sərnişin götürür, dayanacaqdan kənar ərazilərdə saxlayır. Bu da sərnişinlərin həyatına birbaşa təhlükə yaradır.
Sürücülər maaş sisteminə keçəndən sonra sadalanan problemlər öz həllini tapacaqmı?
Sözügedən məsələni dəyərləndirən ekspert İlqar Hüseynli hesab edir ki, bu sistem avtobus qəzalarının, tıxacların və əlavə vaxt itkisinin qarşısını alacaq: "Dəfələrlə şahidi olmuşuq ki, vətəndaşlar gediş haqqını ödəyərkən sürücülərlə müəyyən narazılıqlar, hətta münaqişələr baş verir. Kart sistemi dünya praktikasında da mövcuddur. Bu sahədə digər variantlar da var. Məsələn, postsovet məkanında, Ukraynada, Rusiyada hələ də dayanacaqlarda bilet satan insanlar var. Sərnişin hər hansı bir marşrut üzrə birdəfəlik 15 bilet alır və avtobusdan istifadə edərkən həmin biletlər aparatlar vasitəsilə deşilir, etibarsız sayılır. Beləcə, kifayət qədər vaxt itkisinin qarşısı alınır. Başqa bir məsələ də budur ki, kart sisteminə keçdikdən sonra buna nəzarət necə olacaq? Yəni hər bir vətəndaş bəlli bir marşrutdan istifadə üçün kart alacaqmı, onu hər aydan bir aparatdan keçirəcəkmi? Bu məsələdə bir az çətinliklərimiz olacaq. Bunlar həm də özü-özlüyündə bir mədəniyyət məsələsidir. Mənə elə gəlir ki, sürücülərin əməkhaqqının özəl şirkətlər tərəfindən ödənilməsi daha müvafiqdir. Müəyyən olunmuş əməkhaqqına isə nazirliyin xüsusi nəzarət mexanizminin olmasına üstünlük verirəm. Təbiidir ki, bu məsələdə sürücülər və sahibkarlar arasında ciddi qarşıdurma və narazılıqlara gətirib çıxaran məqamlar olacaq. Çünki sahibkar tərəfindən gün ərzində nə qədər insanın nəqliyyatdan istifadə etməsinin dəqiq müəyyənləşdirilməsi mümkünsüzdür. Buna görə də sürücülər planı verdikdən sonra sərnişin çoxluğu nəticəsində əlavə gəlir götürə bilirdilər. Ancaq kart sistemindən sonra sürücü konkret həcmli maaş sistemi ilə işləməyə məcbur olacaq. Fikrimcə, həm nazirliyin, həm də özəl şirkətlərin ödəniləcək əməkhaqqı ilə bağlı xüsusi proqramları olmalıdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...