2500 sərnişin avtobusunun hələlik ancaq minində validator quraşdırılıb

Tarix: 05.03.2014 / 11:52
Bölmə: Sosial

"Validatorlar ilk mərhələdə 2 marşrutda, 80-ə qədər avtobusda tətbiq olunub. Ümumiyyətlə, şəhərdə 2500-ə qədər avtobus fəaliyyətdə olur. Artıq 1000-ə qədər avtobusda validator quraşdırılıb. Əlavə 500 avtobusda da quraşdırılacaq. Bu ilin sonuna qədər bütün avtobuslarda validatorların quraşdırılması prosesinin başa çatdırılması nəzərdə tutulub". Bu sözləri Nəqliyyat Nazirliyi Katibliyinin rəisi Namiq Həsənov mətbuata açıqlamasında deyib. O bildirib ki, avtobusların hamısında validatorlar quraşdırılana, ödəniş tam kart sisteminə keçənə qədər nağd ödəniş buna paralel aparılacaq. Onun sözlərinə görə, insanların bir hissəsinin kart sistemi barədə məlumatı yoxdur: "Ona görə də validatorların quraşdırılması prosesi tam başa çatana, bu ilin sonuna qədər nağd ödəniş sistemi də aradan qaldırılacaq. Maksimum halda bu proses 2015-ci ilin yayına, Avropa Olimpiya Oyunlarına qədər başa çatmalıdır. Buna qədər proses tam başa çatdırılmalıdır ki, xaricdən gələn turistlər də kartla ödəniş sistemindən istifadə edə bilsinlər". Nazirlik rəsmisi qeyd edib ki, bu sahədə ciddi bir problem müşahidə olunur: "Validator quraşdırılan avtobuslarda sürücülərin kartlara qarşı münasibəti bizi ağrıdır. Validatora yaxınlaşan sərnişinə sürücü deyir ki, sənin kartın mənim nəyimə lazımdır, nağd pul ver. Kimdəsə kart varsa, sürücünün ixtiyarı yoxdur ki, sərnişinə irad tutsun. Kart onun üçündür ki, sərnişin kartı validatora yaxınlaşdırıb rahat yoluna davam etsin. Bəzi gözünü pul örtmüş sürücülərlə bağlı Nəqliyyat Nazirliyinin "qaynar xətti"nə məlumatlar daxil olur. Bu yolverilməz haldır. Biz sahibkarlara müraciət edirik ki, kimin marşrutunda belə bir hal baş versə, o marşrut alınaraq başqa sahibkara veriləcək. Çünki sürücünü işə sahibkar götürür, nazirlik sürücünü işə götürmür. Sahibkarlar bilməlidirlər ki, kart sisteminə keçid dönməz prosesdir". N.Həsənov onu da əlavə edib ki, əməkhaqqı məsələsi sahibkarla sürücü arasında tənzimlənir: "Kart sisteminə keçəndən sonra sahibkar sürücünü havayı işlədərsə də, özləri bilər. 72 marşrutu 32 sahibkar idarə edir. Bunların 19-u hüquqi, 13-ü fiziki şəxsdir. Fiziki və hüquqi şəxslər sürücü ilə müqavilə bağlayarkən əməkhaqqını orada göstərir. Sürücünü həmin maaş qane edirsə, işləyir. Nəqliyyat Nazirliyi peşəkar sürücü bazasının yaradılması ilə bağlı tədbirlər görür, ehtiyat sürücülər olmalıdır. Xüsusən 21-dən aşağı yaşı olmayan, 3 ildən aşağı təcrübəsi olmayan və "D" kateqoriyası olan sürücülər olmalıdır. Sürücülərə alternativ, rəqabət olanda avtobus sürücüləri daha məsuliyyətli olacaqlar". Məsələyə münasibət bildirən sosial sahə üzrə ekspert İlqar Hüseynli "Bakı-Xəbər"ə açıqlamasında bildirdi ki, avtobuslara validatorun quraşdırılması yaxşı haldır. Onun sözlərinə görə, hər hansı bir layihə icra olunarkən onu ölkədə keçiriləcək tədbirlərlə bağlamaq düzgün deyil: "İnkişaf etmiş ölkələrdə ictimai nəqliyyatdan istifadə etmək üçün hər bir istehlakçıya kart verilib. İstehlakçı da bu kart vasitəsilə nəqliyyatdan istifadə edə bilir. Amma etiraf etmək lazımdır ki, bu gün Azərbaycanın nəqliyyat sistemində yetərincə problem var. Avtobuslara validatorun quraşdırılmasını xaricdən gələn turistlər üçün ediriksə bu düzgün deyil. Çünki turistlər əsasən taksi xidmətindən istifadə edir, ümumi ictimai nəqliyyatdan istifadə etmirlər". Ekspert hesab edir ki, yeniliklərin tətbiqi yaxşıdır, amma bunun daha çox ölkə vətəndaşlarının istehlak hüquqlarının təminatları baxımından qorunması daha münasibdir.

Günel CƏLİLOVA

DİGƏR XƏBƏRLƏR

Tarix: 03.10.2026 / 10:36

Tovuzda evdə baş vermiş yanğın nəticəsində bir qadın öldü...

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...