Ekspert sərnişindaşımanın Bakı Meriyasına verilməsini Nəqliyyat Nazirliyinin yanlışlıqları ilə bağladı

Tarix: 16.04.2014 / 09:15
Bölmə: Sosial

Bu gün ən çox tənqid olunan qurumlardan biri də Nəqliyyat Nazirliyidir. Xüsusilə də bir neçə il ərzində sərnişindaşımaya nəzarəti üzərinə götürən bu qurum gözləntiləri doğrultmadı. Nəqliyyat müfəttişlərinin harın davranışları isə bu dövlət qurumunun adını tərkibində "qoçu dəstəsi" olan nazirlik kimi hallandırdı.
Deyəsən, doğrulda bilmədiyi etimaddan sonra Nəqliyyat Nazirliyi bir sıra səlahiyyətləri ilə vidalaşmalı olub.
Nazirlər Kabineti Bakı Şəhər İcra Hakimiyyətinin tabeliyində "BakuBus" Məhdud Məsuliyyətli Cəmiyyətinin yaradılması haqqında qərar verib. Qərarın tam mətni Nazirlər Kabinetinin rəsmi saytında yerləşdirilib. Qərarda deyilir ki, MMC Bakı şəhərində sərnişinlərə avtobus nəqliyyatı sahəsində beynəlxalq standartlara uyğun xidmətin təşkili, bu sahənin müasir tipli nəqliyyat vasitələri ilə təchiz edilməsi, sərnişindaşımaların yerinə yetirilməsi zamanı texniki və ekoloji baxımdan təhlükəsizliyin təmin olunması məqsədilə yaradılır. Qərarda aşağıdakılar nəzərdə tutulub:
"1. Bakı Şəhər İcra Hakimiyyətinin tabeliyində özünümaliyyələşdirmə prinsipi əsasında fəaliyyət göstərən, payları dövlətə məxsus "BakuBus" Məhdud Məsuliyyətli Cəmiyyəti (bundan sonra - Cəmiyyət) yaradılsın.
2. Cəmiyyətin nizamnamə kapitalının formalaşdırılması, ilkin mərhələdə fəaliyyətinin təşkili və Cəmiyyət tərəfindən sərnişin daşınması üzrə avtobusların alınması məqsədilə həmin Cəmiyyətə Azərbaycan Respublikasının 2014-cü ilin dövlət büdcəsində nəzərdə tutulmuş Ehtiyat Fondundan 30,0 (otuz) milyon manat məbləğində vəsait ayrılsın.
3. Azərbaycan Respublikasının Maliyyə Nazirliyi bu qərarın 2-ci hissəsi ilə ayrılmış vəsaitin maliyyələşdirilməsini təmin etsin.
4. Azərbaycan Respublikasının Nəqliyyat Nazirliyi Bakı Şəhər İcra Hakimiyyəti ilə birlikdə Cəmiyyətə məxsus avtobusların marşrutlarını və hərəkət qrafiklərini müəyyən etsin.
Qərarda Bakı Şəhər İcra Hakimiyyətinə tapşırılır:
5.1. Qanunvericilikdə nəzərdə tutulmuş qaydada Cəmiyyətin nizamnaməsinin təsdiq edilməsini, dövlət qeydiyyatına alınmasını və icra orqanlarının yaradılmasını təmin etsin;
5.2. Azərbaycan Respublikasının Əmlak Məsələləri Dövlət Komitəsi ilə birlikdə ən azı 200 ədəd iritutumlu avtobusun saxlanması məqsədilə avtonəqliyyat parkları (qarajları) üçün yerin ayrılmasını 1 ay müddətində təşkil etsin.
Qərar imzalandığı gündən qüvvəyə minir".
İndiyə qədər paytaxtda sərnişin daşınması xidmətini Nəqliyyat Nazirliyi təşkil edirdi. İndiyədək paytaxtda sərnişin daşınması ilə "Transqeyt" şirkəti məşğul idi. Nazirlər Kabinetinin sözügedən qərarı ilə sərnişindaşıma xidməti paytaxt meriyasının nəzarətinə keçdi. Bu sahədə hansı yenilikləri gözləmək olar?
Ekspert İlqar Hüseynli qəzetimizə açıqlamasında bildirdi ki, sərnişindaşıma ilə bağlı atılan bu addım çox yerində oldu":Bu işlə Nəqliyyat Nazirliyi məşğul olurdu. Sözügedən nazirlik bütün layihələrini necə iflas edibsə, sərnişindaşımada da həmin nəticəyə imza atdı. Bura Nəqliyyatın İntellektual İdarəetmə sistemini, taksi fəaliyyətinin tənzimlənməsi kimi işləri aid edə bilərik.
Sərnişinlərə xidməti kimin edəcəyi yox, necə edəcəyi maraqlıdır. Ancaq bu qurumun birbaşa Prezidentin nəzarətində olacağını nəzərə alsaq, müsbət dəyişikliklərə ümid etməyə dəyər. Bundan əvvəlki vəziyyət necə idi? Nəqliyyat Nazirliyi avtobus sürücülərinə, demək olar ki, nəzarət etmirdi. Yalnız bir maraq vardı: çoxlu pul qazanmaq.
Digər ciddi məqam isə bizim ev sahibliyi edəcəyimiz 2015-ci il Avropa Yay Olimpiya Oyunları ilə bağlıdır. Təbii ki, bu məsələ nəqliyyat infrastrukturunu tam yeniləməyi tələb edir. Artıq görünür ki, bu yenilikdə iqtisadi maraq deyil, dövləti maraq önə çıxıb. Müsbət mənada yenilikləri gözləməyə dəyər".

DİGƏR XƏBƏRLƏR

Tarix: 17.07.2026 / 12:51

Mənzilin sahəsi ilə bağlı mübahisələrə dair qərar verildi - çatışmayan sahənin pulunu geri ala bilərsiniz...

Tarix: 17.07.2026 / 12:36

Heydər Əliyev Mərkəzinin binası Slovakiya bayrağının rəngləri ilə işıqlandırıldı

Tarix: 17.07.2026 / 12:15

Bazarlarda bütün ağartı məhsulları etiketlənəcək - "...vaxt verilib"...

Tarix: 17.07.2026 / 12:04

"Əhalinin siyahıyaalınması prosesi ilk dəfə ölkənin bütün suveren ərazisini əhatə edəcək" - Baş nazir

Tarix: 17.07.2026 / 11:50

Arıqlama məhsullarında təhlükəli maddələr aşkarlandı

Tarix: 17.07.2026 / 11:03

AQTA-dan son günlər yas mərasimlərində baş verən zəhərlənmələrlə bağlı açıqlama...

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...