Piyadaların vurulma cinayətlərində yenə artım var

Tarix: 16.04.2014 / 09:13
Bölmə: Sosial

Bir sıra inzibati və maarifləndirici xarakterli tədbirlərin görülməsinə rəğmən, hələ də məsuliyyətsiz sürücülər sükan arxasına keçib ağır yol qəzalarının baş verməsinə şərait yaradır.
Müşahidələr göstərir ki, baş verən yol-nəqliyyat hadisələri daha çox bu kimi səbəblərdən qaynaqlanır. Baş Dövlət Yol Polisi İdarəsindən mətbuata verilən məlumata görə, bu ilin ilk üç ayında respublika ərazisində 523 yol qəzası baş verib. Nəticədə 232 nəfər ölüb, 499 nəfər yaralanıb. Ötən ilin müvafiq dövrü ilə müqayisədə yol-qəza hadisələrinin sayı 123, ölüm sayı 26, yaralı sayı isə 192 fakt azalıb. Cari ilin ilk 3 ayında paytaxtda 199 yol qəzası baş verib. Nəticədə 61 nəfər ölüb, 193 nəfər yaralanıb.
Narahatedici məqamlardan biri də ondan ibarətdir ki, piyada vurulması ilə nəticələnən qəzalar artır. Baxmayaraq ki, təkcə paytaxt Bakıda son illər 50-dən çox yeraltı və yerüstü piyada keçidi tikilib. Təəssüflər olsun ki, bir sıra piyadalar sözügedən keçidlərdən istifadə etmir, 3-5 dəqiqə tez çatmaqdan ötrü həyatlarını təhlükəyə atırlar. Bunun nəticəsidir ki, bu il respublika ərazisində piyadaların vurulması ilə nəticələnən 221 yol qəzası baş verib. Nəticədə 86 nəfər ölüb, 152 nəfər yaralanıb. Cari ilin ilk 3 ayında respublika ərazisində baş verən qəzalarda 14 uşaq ölüb, 29 nəfər xəsarət alıb. Hesabat dövründə sərxoş sürücülər tərəfindən törədilən 10 yol qəzası qeydə alınıb. Nəticədə 6 nəfər ölüb, 11 yaralanıb.
Maraqlıdır, qəzalarda piyada ölümlərinin minimuma endirilməsi üçün ekspertlər çıxış yolunu nədə görür?
Sözügedən məsələni dəyərləndirən "Təhlükəsiz Yol" Alyansının koordinatoru Şahin Camalov piyada ölümü ilə nəticələnən yol qəzalarının artmasını müxtəlif amillərlə əlaqələndirdi: "Səbəblər müxtəlifdir. Məsələ ondadır ki, piyadaların da, sürücülərin də günahı üzündən belə ağır qəzalar baş verir. Digər tərəfdən görürsən ki, elə yer var işıqforun qoyulmasına daha çox ehtiyac duyulduğu halda, orada bu yoxdur. Yaxşı olardı ki, piyadaların daha çox istifadə etdiyi yollarda işıqforlar quraşdırılsın. Ancaq onu da nəzərə almaq lazımdır ki, çox vaxt piyada məsuliyyətsizliyi üzündən belə qəzalar baş verir. Görürsən ki, piyadalar üçün keçid ola-ola, piyadaların bir qismi ondan istifadə etməkdə həvəsli deyil. Yəni keçidi keçməyə tənbəllik edir və s. Üç dəqiqədən ötrü yolun üstü ilə keçməli olurlar. Sürücülər də yaxınlıqda keçid olduğunu düşünərək avtomobili sürətlə idarə edir. O üzdən, problemin həllinə kompleks yanaşma olmalıdır. Həm sürücülərin, həm də piyadaların yol hərəkəti qaydalarına riayət etməsini təmin etmək üçün maarifləndirmə işi gücləndirilməlidir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...