Dələduzluqla məşğul olan tanınmışların sayı artır

Tarix: 15.04.2014 / 08:38
Bölmə: Sosial

11 aprel 2014-cü ildə tanınmış teleaparıcı, şair-publisist, psixologiya üzrə fəlsəfə doktoru İlham Mirzəyev həbs edildi. İlham Mirzəyevin saxlanması ilə bağlı rəsmi məlumatda bildirilir ki, onu vətəndaşların çoxsaylı müraciətləri əsasında həbs ediblər. Onun əməlləri ilə əlaqədar Cinayət Məcəlləsinin 178-ci (dələduzluq) maddəsi ilə cinayət işi başlanıb,istintaq aparılır.
06 may 2012-ci ildə Bakı Dövlət Universitetinin hüquq fakültəsinin müəllimi, hüquq elmləri doktoru, professor İmanlı Məhəmməd Nağı oğlu həbs edilib.Həmin vaxt Baş Prokuror yanında Korrupsiyaya Qarşı Mübarizə İdarəsindən verilən məlumatda bildirilirdi ki, Məhəmməd İmanlı ikinci ali təhsil almaq üçün ona müraciət etmiş paytaxt sakinindən Bakı Dövlət Universitetinin beynəlxalq iqtisadi əlaqələr fakültəsinə tələbə kimi qəbul edilməsinə görə 40 min manat pul tələb edib.
2013-cü il martın 12-də cinayət işi üzrə prosesdə çıxış edən prokuror Məhəmməd İmanlının 11 il müddətinə azadlıqdan məhrum edilməsini istəyib. Hakim isə rüşvət almaqda günahlandırılan professorun əməlini dələduzluq maddəsinə tövsif edib və o, üç il müddətinə azadlıqdan məhrum olunub.
13 fevral 2013-cü ildə isə fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin yaydığı videomateriallar əsasında faktla bağlı sabiq millət vəkili və Bakı Dövlət Universitetinin digər müəllimi Gülər Əhmədova barəsində 2 aylıq həbs-qətimkan tədbiri seçilmişdi.Həbsə səbəb olan motiv kimi göstərilirdi ki, Azərbaycan Beynəlxalq Universitetinin sabiq rektoru Elşad Abdullayev tərəfindən Milli Məclisin sabiq deputatı Gülər Əhmədova ilə bağlı kütləvi informasiya vasitələrində yayımlanmış videoçəkilişlərdə əks olunan məlumatlar Bakı Şəhər Prokurorluğunda araşdırıldıqdan sonra bu qərara gəlinib.Qeyd edilən audio və videoyazılarda dələduzluğun, yəni etibardan sui-istifadə yolu ilə özgə əmlakını ələ keçirmənin əlamətləri olduğundan, həmin məlumatların hərtərəfli, tam və obyektiv araşdırılmasını təmin etmək məqsədilə çoxsaylı təxirəsalınmaz istintaq və istintaq- əməliyyat tədbirlərinin keçirilməsinin zəruriliyini nəzərə alaraq, toplanmış material üzrə Cinayət Məcəlləsinin 178.3.2-ci (etibardan sui-istifadə etməklə özgənin külli miqdarda əmlakını ələ keçirmə) maddəsi ilə cinayət işi başlanıb.
Gülər Əhmədova da məhkəmənin hökmü ilə dələduzluqda təqsirli bilinərək azadlıqdan mərhum edilib.
Ötən ilin ortalarında isə tanınmış müğənni Vüsal Əliyev dələduzluqda təqsirli bilinərək cinayət məsuliyyətinə cəlb edilib.
Ötən il baş verən dələduzluqla bağlı statistikada tanınmış rejissor Aqil M.Quliyevin də adı keçir. Etdiyi əmələ görə təqsirli bilinən rejissor bir müddət həbsxanada qalmalı oldu.
Siyahını bir az da uzatmaq olar. Ən maraqlısı budur ki, adları çəkilən şəxslərin hamısı tanınmış simalardır. Bu kateqoriyadan olan adamların adının dələduzluqda daha çox hallanması nə ilə bağlıdır?
Sosioloq Rafiq Təhməzov qəzetimizə açıqlamasında bildirdi ki, bunun başlıca səbəbi cəmiyyətdə olan ictimai münasibətlərlə bağlıdır: "Bizim mental xüsusiyyətimizdə populyarlığa meyl çox güclüdür. Belə düşüncə hakimdir ki, tanımış və ya vəzifə sahibi olan insan hər bir çətinliyi aradan qaldırmağa qadirdir. Müəyyən vəzifəli adamların həbs olunmasına əvvəllər də rast gəlinib. Sovet dövründə yeyintiyə görə belə hallara çox rast gəlinirdi. Əksər hallarda ağır cəzalar, hətta güllələnmə verirdilər. Müasir dövrümüz üçün isə populyarlığı olan insanların adı daha çox dələduzluq cinayətində hallanır. Bunun da kökündə duran başlıca amil korrupsiyadır. Tanınmışlarla bağlı qeydə alınan dələduzluq hallarına diqqət yetirin. Kökü rüşvətə və ya korrupsiyaya bağlanır. Kimisə işə düzəltmək, vəzifəyə təyin etdirmək adı ilə bu cinayətlər baş verir. Mən bunun başlıca səbəbini mental xüsusiyyətimizdə görürəm. Populyar adamlara bəslənən aşırı inam bu problemləri yaradır".

DİGƏR XƏBƏRLƏR

Tarix: 17.07.2026 / 12:51

Mənzilin sahəsi ilə bağlı mübahisələrə dair qərar verildi - çatışmayan sahənin pulunu geri ala bilərsiniz...

Tarix: 17.07.2026 / 12:36

Heydər Əliyev Mərkəzinin binası Slovakiya bayrağının rəngləri ilə işıqlandırıldı

Tarix: 17.07.2026 / 12:15

Bazarlarda bütün ağartı məhsulları etiketlənəcək - "...vaxt verilib"...

Tarix: 17.07.2026 / 12:04

"Əhalinin siyahıyaalınması prosesi ilk dəfə ölkənin bütün suveren ərazisini əhatə edəcək" - Baş nazir

Tarix: 17.07.2026 / 11:50

Arıqlama məhsullarında təhlükəli maddələr aşkarlandı

Tarix: 17.07.2026 / 11:03

AQTA-dan son günlər yas mərasimlərində baş verən zəhərlənmələrlə bağlı açıqlama...

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...