Şiəlik qaydalarına zidd adqoymalar - təsadüf, ya qızışdırıcılıq...

Tarix: 14.04.2014 / 09:55
Bölmə: Sosial

Ölkənin bir çox şəhər və rayonlarında, xüsusilə də paytaxt Bakıda Azərbaycan dilinin işlənmə səviyyəsi ilə bağlı problemlər yaranıb. Hazırda şəhərdəki dükanların, otellərin, restoranların əksəriyyətinin adı xarici, əsasən də ingilis dilindədir. Xüsusilə də belə hallara şəhərin mərkəzində daha çox rast gəlinir. Sanki özümüzü Azərbaycan şəhərində deyil, hansısa bir xarici ölkədə təsəvvür edirik.
Paytaxtda fəaliyyət göstərən dükan və marketlərin adı ilə bağlı vəziyyət daha acınacaqlıdır. Demək olar ki, şəhərin mərkəzində yerləşən əksər mağazaların adı xarici dildə yazılmaqla yanaşı, həmin marketlərə əcnəbi ölkənin və şəhərlərin adı verilir.
Bakı küçələri ilə gəzərkən yolun sağında-solunda "Meksika", "Kolumbiya", "Varşava", "Tehran" və s. əlvan rənglərdə, bəzəkli quruluşda olan yazılara rast gəlirsən.
Qeyd edək ki, bu marketlərin adı xarici ölkələrin adını daşısa da, burada satılan məhsulların hər biri digər dükanlarda satılan ərzaqlarla eynidir.
Son vaxtlar bu hal ölkənin əyalət rayonlarına da sirayət edib. Ən dəhşətlisi isə bu istiqamətdə insanları daha çox qıcıqlandıran yeni tendensiyalara rast gəlinməsidir. Bəli, son vaxtlar ticarət və bir sıra ictimai iaşə obyektlərinə milli mentalitetimizə yad olan və insanların dini heysiyyətinə toxunan adlar qoyulur. İslam dinində təriqətlər mövcuddur. Azərbaycanda isə bu təriqətlərin hər birinin nümayəndəsi yaşayır. Əhalimizin böyük hissəsi şiədir. İslam tarixindən irəli gələn faktlara görə bəzi adlar şiələrdə qıcıq yaradır. Son vaxtlar isə ticarət obyektlərinə məhz şiələrin qəbul etmədiyi adların çox qoyulması əhali tərəfindən qəzəblə qarşılanır.
Azad İstehlakçılar Birliyinin (AİB) sədri Eyyub Hüseynov qəzetimizə bildirdi ki, paytaxtda fəaliyyət göstərən bəzi sahibkarlar inkişaf etmiş ölkələrin adlarını öz obyektlərinə qoymaqla alıcı cəlb etmək istəyir: "Təbii ki, "Norveç" adlı marketdə həmin ölkənin məhsulu satılmayacaq. Sadəcə, sahibkar elə düşünür ki, xarici ölkənin adını öz obyektinə qoymaqla digər marketlərdən seçiləcək. Amma bu belə deyil.
Bəzi sahibkarlar öz marketlərinə mənası olmayan adlar qoyur. Bu düzgün deyil. Xarici ölkələrin adlarına gəlincə, bəllidir ki, bu dükanda həmin ölkənin malı satılmır. Sahibkar hansısa xarici ölkənin adından istifadə etməklə alıcı qazanmaq istəyir. Əvvəla əcnəbi adlardan istifadə etmək bizim qanunlarımıza ziddir. Əcnəbi adların qoyulması dilimizin inkişafı deyil, əksinə, bu yolla dilimiz unutdurulur. Biz həmişə kimisə izləyirik, təqlid edirik. Sanki özümüzü kiməsə bənzətmək istəyirik. Əmin olun ki, bundan heç nə qazanmırıq. Anlamaq lazımdır ki, başqasını izləyib, onun tökdüyünü yığan inkişaf edə bilməz. Öz dilimizi qoruyub saxlamalıyıq. Çünki dil insanın ləyaqətlə yaşamağında əsas amildir. Təəssüf ki, dilimizi unutmağa doğru gedirik".
İlahiyyatçı Ağa Cəfərov isə hesab edir ki, xüsusilə də dini adların qoyulması ilə bağlı bir qədər diqqətli olmaq gərəkdir: "Bizdə insanlara qoyulan adlarla da bağlı problem mövcud idi. Dövlət müəyyən mənada prosesə müdaxilə etdi. İndi elə adlar var ki, insanlara onları qoymağa icazə vermirlər. Elə məsələlər var ki, nəzarət olmayanda pis nəticələrlə üzləşirik. Bu baxımdan da diqqətli olmağımız lazımdır.
Dini məsələlər isə çox incə yanaşma tələb edir. Din tarixində elə insanlar var ki, onların adı Azərbaycanda normal qarşılanmır. Hətta adları çəkiləndə lənət də deyirlər.
İndi həmin adın marketin üzərinə yapışdırılması düzdürmü? Peyğəmbərimizin sevimli nəvəsini qətlə yetirən bir adamın adının mağazaya qoyulması, təbii ki, etirazla qarşılanacaq. Mənə elə gəlir ki, hansısa qurum bu məsələyə nəzarət etməlidir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...