Ekspertlər məktəblərdə dərs müddətinin uzadılmasına pis baxdılar

Tarix: 10.04.2014 / 09:28
Bölmə: Sosial

Rafiq İsmayıl: "Dərsin müddətini artırmaqla təhsilin keyfiyyətini yüksəltmək olmaz, əksinə..."
Məlum olduğu kimi, Təhsil Nazirliyi növbəti dərs ili üçün təhsil müddətinin artırılması təklifi ilə çıxış edib. Nazirlik həmin təklifi mətbuata yayarkən bildirmişdi ki, dərs müddətinin artırılması orta məktəbdə tədrisin keyfiyyətini yüksəltməklə bağlıdır. Bu məsələ açıqlanarkən təhsil sahəsi üzrə ekspertlər, ziyalılar, millət vəkilləri və sadə vətəndaşlar da dərs müddətinin artırılmasına qəti şəkildə etiraz etdilər.
Bu günlərdə Təhsil Nazirliyi dərs müddətinin nə səbəbdən 3 həftə uzadılması barədə məlumat verdi.
Təhsil Nazirliyinin İnformasiya şöbəsinin müdir müavini, QHT və KİV-lə iş sektorunun müdiri Cəsarət Valehovun bildirdiyinə görə, ölkədə tədris ilinin uzadılması ilə bağlı məsələ yeni deyil: "Hələ ötən ilin dekabr ayında Təhsil Nazirliyinin ümumi orta təhsil sistemində prioritetləri elan olunarkən növbəti dərs ilindən başlayaraq tədris müddətinin uzadılması məsələsi qeyd olunub. Azərbaycanda istirahət və bayram günləri, eləcə də tətil günlərini çıxdıqda 5 günlük tədris həftəsi ilə işləyən ümumtəhsil məktəblərində il ərzində 164, 6 günlük tədris həftəsi ilə işləyən məktəblərdə isə il ərzində 197 gün dərs keçirilir. Deməli, uyğun olaraq şagirdlər ildə 201 və ya 168 gün istirahət edirlər. Amma İqtisadi Əməkdaşlıq və İnkişaf Təşkilatına üzv olan ölkələrdə tədris həftəsinin orta göstəricisi 38 həftə, Azərbaycanda isə 32 həftədir. Mayın sonundan sentyabrın 15-dək Azərbaycanın ümumi orta təhsil müəssisələrinin şagirdlərində sanki tətil boşluğu yaşanır. Təxminən 105 günlük tətil ərzində şagirdlər vaxtlarını o qədər də səmərəli keçirə bilmirlər. Biz də istəyirik ki, bizim məktəblilər təhsil ilindən o qədər uzaq qalmasınlar. Tədris həftələrinin çox olması şagirdlərin tədrisə gəlməsi və tez uyğunlaşmasına şərait yaradacaq. Digər məqam tədris proqramlarının kifayət qədər yüklü olması ilə bağlıdır. Nazirliyə də ən çox müraciətlər tədris proqramlarının ağır olması, şagirdlərin müxtəlif məzmunlu dərsliklərlə təmasında problemlərin üzə çıxması ilə bağlı olur. Buna görə də tədris ilinin uzadılması tədris proqramlarının yüngülləşdirilməsinə gətirib çıxaracaq. Bizim ümumtəhsil məktəblərində oxuyan məktəblilər daha rahat şəkildə həm öz fiziki sağlamlıqlarının qeydinə qalacaq, həm də özlərinin tədris müddətində oxuduqları bilikləri daha yaxşı mənimsəyə biləcəklər. Buna zaman və vaxt imkanları da çatacaq. Bununla bağlı son vaxtlar sanki süni ajiotaj yaranmışdı, mediada müxtəlif fikirlər səsləndirilirdi. Amma bu kifayət qədər araşdırılmış məsələdir. Tədris ilinin uzadılması ancaq Azərbaycan dövlətçiliyinin, iqtisadi inkişafının, insanların rifah halının yüksəlməsinə xidmət edən məsələdir".
Qeyd edək ki, dərs müddətinin 3 həftə uzadılması orta məktəbdə çalışan müəllimlər tərəfindən də birmənalı qarşılanmır.
Bakı şəhər Suraxanı rayonu 270 saylı orta məktəbin müəllimi Nizami Hüseynov "Bakı-Xəbər"ə açıqlamasında bildirdi ki, dərs ilinin may ayının 31-nə kimi olması daha sərfəlidir: "Çünki yayın istisində dərs müddətinin uzadılmasının heç bir əhəmiyyəti olmayacaq. Qarşıdan buraxılış imtahanları gəlir. Bu isə isti havada şagirdlərin həyəcanına və yorğunluğuna səbəb ola bilər. Deyilənə görə, dərs ilinin müddətinin mayın 31-dən iyunun 20-dək uzadılması təklif olunur. Amma təklif reallaşsa, bu, buraxılış imtahanlarına da, şagirdlərin səhhətinə də mənfi təsir göstərə bilər. Bu, həmçinin, buraxılış test imtahanlarının vaxtının uzadılması ilə nəticələnəcək. Digər tərəfdən, şagirdlər çıxılmaz vəziyyətdə qalacaqlar. Yəni onlar məktəbə gəlmək, saatlarla dərsdə oturmaq, yaxud buraxılış imtahanlarına hazırlaşmaq barədə qəti qərar verə bilməyəcəklər. Hər halda növbəti illərdə dərs ilinin uzadılmasının hansı nəticələr verəcəyi aydın görünəcək".
Təhsil eksperti, professor Məhərrəm Zülfüqarlı hesab edir ki, tədris ilinin müddətinin uzadılmasına deyil, keyfiyyətin artırılmasına ehtiyac var. O, qəzetimizə açıqlamasında qeyd etdi ki, bu təklifi irəli sürənlər təhsildən xəbərsiz adamlardır: "Müddəti nə qədər uzatsan da, keyfiyyət yoxdursa, heç bir nəticə olmayacaq. Müəllimin əməkhaqqı aşağıdırsa, istəyir dərsin müddətini 1 ay deyil, 2 ay uzatsınlar, xeyri yoxdur, təhsilin keyfiyyəti yenə aşağı olacaq".
Digər təhsil eksperti Rafiq İsmayıl da düşünür ki, dərsin müddətini artırmaqla təhsilin keyfiyyətini yüksəltmək olmaz. Əksinə, təhsilin keyfiyyəti daha da aşağı düşəcək: "Tədris ilinin uzadılması ilə tədrisdə yüksək keyfiyyətin əldə edilməsi inandırıcı görünmür".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...