Azərbaycanda uşaqlar arasında əlillik halları niyə artır?

Tarix: 09.04.2014 / 09:55
Bölmə: Sosial

"Hazırda Azərbaycan əhalisinin 5,6 faizi, yəni 530 min nəfəri əlilliyi olan şəxslər və sağlamlıq imkanları məhdud uşaqlardır". Bu sözləri əmək və əhalinin sosial müdafiəsi naziri Səlim Müslümov mətbuata açıqlamasında deyib.
Onun sözlərinə görə, Azərbaycanda əlillik səviyyəsinin digər ölkələrə nisbətən aşağı olmasının əsas səbəbi ölkə əhalisinin gənc olmasıdır: "Qeyd etmək istərdim ki, əlilliyin artmasında Ermənistan-Azərbaycan münaqişəsi böyük rol oynayıb. Azərbaycanın ərazi bütövlüyünün müdafiəsi ilə əlaqədar döyüşlərdə 11912 nəfər əlil olub. Həmçinin Azərbaycan ərazisinin Ermənistanın silahlı qüvvələri tərəfindən işğal olunmuş 20 faiz hissəsindən məcburən köçkün düşmüş əhali arasında əlillik 6,5 faizə çatdığı halda, ölkənin digər əhalisi üzrə bu göstərici 5,5 faizdir. Digər tərəfdən, ayrı-ayrı xəstəliklərin, o cümlədən yoluxucu xəstəliklərin bu və ya digər səbəbdən vaxtında müalicəsinin aparılmaması bu xəstəliklərin ağırlaşaraq əlillik vəziyyətinə çevrilməsinə şərait yaradır. Çoxsaylı yol qəzaları, texnogen qəzalar və s. də qeyd olunan amillərdəndir".
Azərbaycanda uşaqlar arasında əlilliyin nə səbəbdən artması barədə fikirlərini öyrənmək üçün ekspertə müraciət etdik.
"Əlil Qadınlar" Cəmiyyətinin sədri Məhluqə Rəhimova "Bakı-Xəbər"ə açıqlamasında qeyd etdi ki, əhalinin sayı artdıqca, əlilliyi olan insanların sayı da paralel olaraq artır: "Heç kim deyə bilməz ki, illər keçdikcə əlilliyin sayında artım olmayacaq və ya fiziki qüsurlu insanların sayı azalacaq. Bu normaldır. Təsadüfi deyil ki, dünyada artıq əlil insanların sayı bir milyarda çatıb. Respublikamızda isə 520 793 nəfər əlil var. Bundan 4-5 il öncəsinə qədər müəyyən səbəblərdən insanlar əlillik statuslarını ala bilmirdilər, hətta, bəzi hallarda da əlil olduqlarından utanırdılar və gizlədirdilər. Bu sahədə artım müşahidə olunması hüquqi maarifləndirmə, şəffaflıq, məlumatlılığın artması ilə bağlıdır".
Ekspert ölkədə 60 000-ə yaxın əlil uşağın olduğunu bildirdi. Onun sözlərinə görə, uşaqların əlil olmasının səbəblərindən biri də doğuş zamanı körpənin travma almasıdır: "Həkimlər ya bilərəkdən, ya savadsızlıqdan doğuş zamanı uşağı əlil edirlər. Əlilliyin artmasına təsir göstərən amillərdən biri də əsəb sistemi xəstəliklərindən əziyyət çəkən, ruhi davranış pozuntuları olan və anadangəlmə anomaliyaları olan insanlardır. Bundan əlavə, cəmiyyətdə müəyyən səbəblərdən yaranan və yayılan xəstəliklər əlilliyin yaranmasına səbəb olur. Yol-qəza hadisələri çoxaldıqca, eyni zamanda, fiziki qüsurlu insanların da sayı çoxalır. Bütün bunlar əlilliyin artma dinamikasına təsir edir".
Həmsöhbətimiz onu da əlavə etdi ki, əlil kişi və ya əlil qadın ailə qurduğu üçün onların övladları da fiziki qüsurlu olaraq dünyaya gəlir: "Ölkəmizdə fiziki imkanları məhdud olan insanlar normal insanlarla ünsiyyət qurmaqda çətinlik çəkirlər. Buna görə də əlil öz əlil yoldaşı ilə ünsiyyət qurur və evlənir. Bu da genetik xəstəliklərin yaranmasına səbəb olur. Onların fiziki imkanları məhdud olmayan insanlarla ailə qurması imkansızdır. Çünki cəmiyyətimizdə əlillər fiziki qüsurlu olduğu üçün onlara inam, etibar yoxdur. Əlil qadınlar hamilə olduğu zaman vaxtlı-vaxtında müayinə olunmurlar və bir çox hallarda əlil ananın dünyaya gətirdiyi uşaq da fiziki qüsurlu olaraq doğulur. Qüsurlu insanların vaxtında müayinə olunmaması nəticəsində xəstəliklər yayılır və onların sayında çoxalma müşahidə olunur. Xəstəliyin ana bətnində aşkarlanıb müayinə olunması üçün insanlar vaxtlı-vaxtında müayinə olunmalıdırlar. Əlil qadınların əksəriyyəti ailə qurduqdan sonra hamilə olarkən həkim müayinəsindən keçmirlər və irsi olduğu üçün çox zaman onun dünyaya gətirdiyi uşaq da qüsurlu olur".
M.Rəhimovanın sözlərinə görə, əlilliyin çoxalmasının qarşısını almaq üçün ilk növbədə genetik xəstəliklərin qarşısı alınmalı və əlilliyi olan şəxslər üçün müayinələr pulsuz həyata keçirilməlidir.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...