Toylarda bol-bol yediyimiz qara-qırmızı ikranın sirri...

Tarix: 09.04.2014 / 09:50
Bölmə: Sosial

Azərbaycan qara və qırmızı kürü istehsalçısı olmasına baxmayaraq, bu gün ölkədə təmiz "ikra" tapmaq çətindir. Təmiz qara və qırmızı kürünün qiyməti hər kəsə bəllidir. 100 qram qara kürünün qiyməti 200-250 manat arasında dəyişir. Azərbaycan bazarlarında süni kürü çoxdur, balıq yağının köməyilə düzəldilir. 17-ci əsrədək qara kürü kasıb kəndli yeməyi sayılırdı.
Lakin sonralar əvvəlcə rus çarlarının, ardınca isə Avropa aristokratlarının süfrəsinə yol tapan kürü indi dünyanın ən ləziz və delikates ərzaq növü sayılır. Normal qidalanmaq üçün hər bir insanın qida rasionunda digər ət növləri ilə yanaşı, balıq və balıq məhsulları da olmalıdır. Adıçəkilən məhsul qiyməti yüksək olduğu üçün hər kəsin masasının üzərində ola bilmir. Amma bu gün restoran və şadlıq evlərinin masasının üzərində qara və qırmızı kürünün sayı-hesabı olmur. Şadlıq evində olan şəxslər yəqin fikir veriblər ki, ofisianta tərəvəz salatı gətirməsi barədə sifariş verəndə cavan oğlan ya salatın bitdiyini, ya həmin təamda olan məhsulların qiymətinin baha olduğu üçün az hazırlandığını deyir. Ancaq masanın üzərində kürü bitərsə, dərhal yenisi ilə əvəz olunur. Maraqlıdır, 100 qramı 200-250 manat olan kürüyə münasibətdə restoranlar niyə belə səxavətli davranır? Elə bu sualla da Azad İstehlakçılar Birliyinin sədri (AİB) Eyyub Hüseynova müraciət etdik.
Ekspert "Bakı-Xəbər"ə açıqlamasında qeyd etdi ki, Azərbaycan qara kürü istehsalçısı olmasına baxmayaraq, ölkə vətəndaşları onu ya yuxuda, ya da ən yaxşı halda toy süfrələrində görürlər: "O da hələ keyfiyyətli kürü sayılmamalıdır. Çünki çox bahadır. Azərbaycan bazarlarında süni kürü çoxdur, balıq yağının köməyilə düzəldilir. Azərbaycanda təmiz qara kürü çoxları üçün əlçatmazdır".
Həmsöhbətimiz onu da əlavə etdi ki, bir neçə il öncə kürü qaçaqmalçılığı ilə məşğul olan şəxslər təyyarə vasitəsilə başqa ölkəyə "ikra" aparırdılar: "Aşkar olunan kürü səmadan Bakının üzərinə töküldü. Bakı camaatı dünyanın ən xoşbəxt vətəndaşıdır ki, onun başına bahalı ərzaq növü sayılan kürü tökülüb. Kürü 3 məhsuldan biridir ki, onda H standartı tətbiq olunur. Bu standart sayəsində həmin məhsul təhlükəsiz qida təamı kimi xaricə çıxa bilir".
Ekspertin sözlərinə görə, qara kürü Avropa İttifaqının ən qiymətli məhsulu sırasındadır: "Bir kilosu 2000-2500 manat olan qara kürünün istehsalı qadağandır. Amma yerli bazarda daha çox süni hazırlanmış kürü satılır. Bu kürünü daha çox şadlıq evləri alırlar. Təxminən kilosu 50 manatdır. Bir müddət əvvəl süni kürü istehsal edən "Bəhlul-B" müəssisəsindən şikayət vardı. Onlar istehsal etdiyi kürünü üzərində nərə şəkilli etiketlərlə satırdılar. Bizim səyimiz nəticəsində nərə şəklini yığışdırdılar. Çünki alıcı aldanırdı, süni hazırlanmış kürü içində nərədən əsər-əlamət yox idi. Süni kürü balıq yağı, süni rəng, zülallardan hazırlanır. Ölkəyə gələn xarici qonaqlar da bəzən süni kürünü təbii ad ilə alırlar, elə bilirlər ki, bizdə ucuzdur. Xəzəryanı ölkə olsaq da, bütün dövrlərdə süfrəmiz qara kürüyə həsrət qalıb". E.Hüseynov bildirdi ki, MDB məkanında və Azərbaycanda süni kürü istehsalı mövcuddur: "Süni kürünün təbii kürü ilə heç bir əlaqəsi yoxdur. Hazırlanan süni kürü müvafiq standarta uyğun olaraq hazırlanır. Tərkibi təmiz kürüdən olan qabın üzərində nərə balığı şəkli olur. Süni yolla hazırlanan məhsul qablaşdırılarkən onun üzərində nərə balığı deyil, dəniz şəkli olur və qabın alt hissəsində "süni yolla hazırlanan kürü" sözü qeyd olunur.
Qara bazarda isə saxta yolla hazırlanan kürü mövcuddur. Bu məhsul bəzi işbazlar tərəfindən xüsusi sexlərdə kustar üsulla hazırlanaraq ucuz qiymətə satışa verilir. İstehsalçı saxta kürünü təbiidən ayırmaq üçün iki barmağının arasında sıxmalıdır. Təbii kürünü sıxan zaman onun içərisindən maye çıxmalıdır. Saxta kürünü isə nə qədər sıxırsan sıx, oval formada qalacaq".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...