Uşaq doğulmasına görə birdəfəlik müavinət ödənişində "sənədbazlıq" problemi...

Tarix: 08.04.2014 / 03:02
Bölmə: Sosial

Məlum olduğu kimi, Azərbaycanda yeni doğulmuş uşaqlara dövlət tərəfindən birdəfəlik müavinət verilir.
Uşağın anadan olmasına görə verilən birdəfəlik müavinət Nazirlər Kabinetinin 189 saylı qərarı ilə təsdiq olunan "Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sığortaedənin vəsaiti hesabına ödənilən müavinətin hesablanması və ödənilməsi haqqında Əsasnamə"yə uyğun olaraq verilir. 2011-ci ilin dekabrında Azərbaycanda yeni doğulmuş körpəyə görə ödənilən birdəfəlik müavinətin məbləği artırılıb və hazırda bu məbləğ 82 manat 50 qəpik təşkil edir. Bunadək onun məbləği 75 manat təşkil edirdi. Bundan əvvəl isə həmin məbləğ 50 manat idi. Müavinəti almaq üçün bir sıra sənədlər toplanmalıdır: valideynlərin şəxsiyyət vəsiqələrinin surəti, nikah haqqında şəhadətnamə, uşağın doğum şəhadətnaməsi, yaşayış yerindən arayış. Sözügedən müavinət Dövlət Sosial Müdafiə Fondunun və ya Əmək və Əhalinin Sosial Müdafiəsi Nazirliyinin vəsaiti hesabına ödənilir. Uşaq doğuluşuna görə birdəfəlik müavinət müraciət edildikdə verilir və müraciət müddəti məhdudlaşdırılmır. Uşaq doğularkən ailəyə qanunvericilikdə müəyyən olunmuş məbləğdə birdəfəlik müavinət verilir. Ailədə valideynlərdən biri rəsmən işləyirsə və əməkhaqqı alırsa, qeyd olunan sənədlər onun işlədiyi qurumun mühasibatlığına təqdim edilməlidir. Mühasibatlıq, öz növbəsində, sənədləri DSMF-yə təqdim edir. Nəticədə Fond müavinəti valideynin bank hesabına və ya iş yerinə köçürür. Valideynlərdən heç biri işləmirsə, bu halda müavinətin alınması üçün tələb olunan sənədlər yerli əhalinin sosial müdafiəsi mərkəzinə təqdim edilməlidir.
Ancaq müşahidələr göstərir ki, əksər ailələr sözügedən müavinəti ala bilmir. Daha doğrusu, tələb olunan sənədlərin çoxluğu ilə əlaqədar bundan imtina edir. Məsələn, valideynlərdən biri işləyirsə, ona bu müavinət verilmir. Bunu onunla əsaslandırırlar ki, müavinat iş yerindən verilməlidir. Özəl müəssisələr üçün də bu məcburi deyil. Bəzən görürsən ki, rayonlarda kiçik məmurlar yersiz bəhanələr gətirir. Yəni ana atanın soyadını qəbul etməyibsə, doğulanlar üçün müavinət verilmir.
Onu da qeyd edək ki, yeni doğulan uşaqlar üçün birdəfəlik müavinət kimliyindən asılı olmayaraq bütün valideynlərə verilir. Belədirsə, o zaman əlavə sənədlər nəyə lazımdır?
Sözügedən məsələni dəyərləndirən Milli Məclisin Sosial siyasət komitəsinin üzvü, millət vəkili Elmira Axundova hesab edir ki, müavinət üçün yaşayış yerindən və xəstəxanadan doğum haqqında arayışları almaq kifayətdir: "Digər sənədlər məcburi olmamalıdır. Nikah haqqında şəhadətnamənin notarial qaydada təsdiq olunmuş surətinə də ehtiyac yoxdur. Axı nikahsız dünyaya gələn uşaqlar da var. Onda belə çıxır ki, nikahsız ailədə doğulan uşaqlara müavinətlər verilməyəcək. Müavinətlər ata-anaya görə yox, uşağa görə verilir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...