Baş pediatr uşaq xərçənglərinin artım səbəblərindən danışır

Tarix: 08.04.2014 / 03:01
Bölmə: Sosial

XXI əsrin bəlası sayılan onkoloji xəstəliklər tək böyüklər deyil, uşaqları da öz cənginə alıb. Azərbaycan Milli Onkologiya Mərkəzinin yaydığı məlumata görə, hər il Azərbaycanda 300 uşaq onkoloji xəstəliyə düçar olur. APA-nın xəbərinə görə, Onkologiya Mərkəzinin Uşaq Klinikasının şöbə müdiri Reyman İsmayılzadə mətbuata açıqlamasında qeyd edib ki, böyüklərlə müqayisədə uşaqlarda onkoloji xəstəliklərə daha az, təqribən 0,5-1 faiz hallarda rast gəlinir.
Uşaqlarda olan onkoloji xəstəliklərin əksəriyyətinin embrional şişlər olduğunu deyən şöbə müdiri bildirib ki, onlar uşaq ana bətnində olarkən əmələ gəlir, ancaq doğulduqdan bir müddət sonra özünü göstərir: "Yəni, böyüklərdə onkoloji xəstəliklərin əmələ gəlməsində ətraf mühit, irsi faktor, həyat tərzi, ekoloji problemlər, qidalanma, stress və digər amillər rol oynayırsa, uşaqlarda onkoloji xəstəliklərin əsası ana bətnində qoyulur. Uşaqlarda bu xəstəliklər böyüklərə nisbətən daha yaxşı müalicə olunur. Onkoloji xəstəlik aşkarlanan hər on nəfərdən 7-8-i tam sağala bilir. Onkoloji xəstə uşaqların 80 faizi sağalır, 20 faizini isə, təəssüf ki, sağaltmaq mümkün olmur. Müalicə olunub sağalan uşaqların valideynləri adətən uşaqlarının diaqnozunu gizlədir və övladının xərçəng xəstəsi olduğunu və sağaldığını demirlər. Amma 20 faiz sağalmayan uşaqların valideynləri bu barədə hər yerdə danışırlar. Bunun nəticəsində hər kəs də düşünür ki, xəstəliyin müalicəsi yoxdur və sonu ölümdür".
R.İsmayılzadə onu da əlavə edib ki, erkən diaqnostika xəstəliyin tam müalicəsində mühüm rol oynayır. Bu isə daha çox valideynlərin məsuliyyətindən, pediatrların bu sahədə müəyyən biliyinin olmasından, pasiyentlərin düzgün yönləndirilməsindən asılıdır.
Onun sözlərinə görə, dünyanın hər yerində leykozlar uşaqlar arasında daha çox rast gəlinən onkoloji xəstəlikdir. Həmçinin mərkəzi sinir sisteminin şişləri uşaq onkologiyasının 20%-ni təşkil edir və ikinci sırada durur: "Daha sonra 15 faizi limfomaların payına düşür. Yerdə qalanlar sümük şişləri, yumşaq toxuma şişləri, böyrək şişləri və sairədir. Böyüklərdə daha çox mədə, qara ciyər, ağ ciyər, prostat vəzisi, dəri, uşaqlıq yolu, süd vəzisi şişləri və s. problemlərə təsadüf olunsa da, uşaqlarda epitelyar şişlər nadir hallarda aşkarlanır. Əsasən onkoloji xəstəliklərə 3-10 yaş arası uşaqlarda rast gəlinir. Ümumilikdə isə onkoloji xəstəliyi olan uşaqların sayı çox deyil. Təxminən hər 10 000 uşaqdan 1-də bu xəstəliyə təsadüf olunur".
Uşaqlar arasında xərçəng xəstəliyinin artması barədə baş pediatr Nəsib Quliyev "Bakı-Xəbər"ə açıqlama verdi.
O, açıqlamasında qeyd etdi ki, uşaqlar arasında onkoloji xəstəliklərin artmasının səbəblərindən biri müasir müayinə üsullarının artması ilə bağlıdır: "Düzgün və sağlam qidalanma təkcə xroniki xəstəliklərin deyil, eyni zamanda, xərçəng xəstəliyinin də profilaktikasıdır. "Çipsi" kimi şöhrət qazanan boyat kartof dilimləri konsorogen maddə gəzdirdiyindən, onun satışı bir çox ölkədə, eləcə də Rusiyanın bir sıra vilayətlərində dayandırılıb. Bizdə isə mağazalarda uşaqların əli çatan yerdə satılır. Yağı sonuncu dəfə nə vaxt dəyişdirildiyi məlum olmayan qazanlarda bişirilən qidalar küçə ticarətində xüsusi rol oynayır. Metro stansiyalarının hər çıxışında "fast-food" qidaları gəncləri ev yeməyindən ayrı salır, gələcəkdə xəstəliklərlə təhdid edir. Bundan başqa, gənc anaların körpəsinə şəxsi marağı ucbatından ana südü verməməsi həm onun özünü, həm də gələcəkdə övladını qorxulu xəstəliyə düçar edir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...