Azərbaycanda QİÇS-ə yoluxmanın tam səbəbləri hələ də qeyri-müəyyəndir

Tarix: 04.04.2014 / 09:45
Bölmə: Sosial

"HİV və AİDS xəstəliklərindən əziyyət çəkənlər daha çox ya universitet tələbəsi olur, ya da məktəbli"

Respublika QİÇS-lə Mübarizə Mərkəzinin Monitorinq və Qiymətləndirmə şöbəsi cari il ərzində QİÇS xəstəliyinə yoluxanların statistikasını açıqlayıb.Adıçəkilən şöbənin müdiri Natiq Zülfüqarov mətbuata açıqlamasında qeyd edib ki, bu il yanvarın 1-nə olan məlumatlara görə, Azərbaycanda 4298 nəfər QİÇS xəstəsi qeydə alınıb.
Onlardan 4149-u Azərbaycan, 149-u isə xarici ölkə vətəndaşlarıdır. Şöbə müdirinin sözlərinə görə, hazırda xarici ölkə vətəndaşlarının hamısı dövlət hesabına müalicə alır. Halbuki, qonşu ölkələrin heç birində HİV daşıyıcısı olan Azərbaycan vətəndaşları dövlət hesabına müalicə almır: "QİÇS -ə yoluxanların 514 nəfəri bu xəstəliyə 2013-cü ildə tutulub. Onların 494-ü azərbaycanlı, 20-si əcnəbilərdir".
Onun sözlərinə görə, ötən il xəstəliyə yoluxanlardan 313 nəfəri kişi, 181-i qadındır. Yoluxma yollarına gəlincə, ümumi HİV-li xəstələrin 2400-ü narkotik vasitələrin istifadəsi nəticəsində, 1310 nəfəri heteroseksual yolla, cinsi münasibətlər zamanı, 51 nəfər homoseksual kontakt nəticəsində yoluxub. Xəstəlik daşıyıcılarından 322-sinin isə yoluxma səbəbi naməlumdur. Virus daşıyıcılarından 235 nəfəri bu il xəstəliyin QİÇS mərhələsinə keçib. QİÇS isə xəstəliyin 4-cü mərhələsidir. Ötən il virus nəticəsində dünyasını dəyişənlərin sayı 59 nəfər olub. Əksər hallarda yoluxma səbəblərinin gizlin saxlandığını deyən şöbə müdiri bu səbəbdən də yoluxma halının naməlum kimi qeyd olunduğunu söyləyib. "Bəzən virus daşıyıcısı müayinə nəticəsində xəstəliyə hansı vasitə ilə yoluxmasını gizli saxlayır. Məsələn, narkotik istifadəçisi müayinəyə gəldiyi zaman narkotik aludəçisi olduğunu gizlədir. Onun hansı yolla xəstəliyə yoluxduğunu soruşduqda heç nə boynuna almır. Xəstə vətəndaş Mərkəzin sənədinə qol çəkir. Təbii ki, ora həmin insanı narkoman kimi qeyd etsək, o bizi məhkəməyə verə bilər. Odur ki, biz onun yoluxma səbəbini naməlum kimi qeyd edirik. Ya da uzun illər Rusiyada yaşadığını göstəririk. Ailəsi ilə müayinəyə gəldikdə xəstəliyə yoluxma səbəbinin cinsi yolla olduğunu etiraf etmək istəmir. Çünki Rusiya və Ukrayna kimi ölkələr xəstəliyin yayılmasına görə risqli ölkələrdir".
Məsələ ilə bağlı fikir bildirən Qadın Krizis Mərkəzinin rəhbəri Mətanət Əzizova "Bakı-Xəbər"ə açıqlamasında qeyd etdi ki, Azərbaycanda QİÇS və HİV xəstələrinin sayı günü-gündən artır. Bunu son statistik məlumatlar da təsdiq edir: "Narkomaniya və təhlükəli xəstəliklər artıq gəncləri öz ağuşuna alıb. HİV və AİDS xəstəliklərindən əziyyət çəkənlər daha çox ya universitet tələbəsi olur, ya da məktəbli. Təəssüf hissilə qeyd edim ki, HİV infeksiyası daşıyıcıları arasında azyaşlılar da var".
Onun sözlərinə görə, hazırda dünyada 40 milyondan çox insan HİV-ə yoluxub və ya QİÇS-lə xəstələnmiş insan yaşayır: "Aşkar olunduğu 1981-ci ildən bu günədək bu xəstəlik 25 milyon insanın həyatına son qoyub və 14 milyon uşağı yetim qoyub. Avropanın 53 ölkəsindən 52-də bu virus aşkarlanıb. Qərb ölkələrində bu göstəricinin sabitləşdiyi, hətta bir qədər azaldığı şəraitdə, Avropanın şərq ölkələrində artım müşahidə olunur. Ukrayna, Belarus, Estoniya, Rusiya, Moldova kimi ölkələrdə böyük sürətlə yayılır. Bu xəstəliyin yayılmasına görə Qafqaz ölkələrindən Gürcüstan fərqlənir". Ekspert onu da əlavə etdi ki, HİV-ə yoluxanların 95 faizi uzun müddət bundan xəbərsiz olur: "Virus uzun müddət heç bir əlamətlə özünü büruzə vermədiyindən, virusa yoluxan şəxs bu bəlanın ondan yan keçdiyini düşünür. Yoluxandan 2-3 həftə sonra insanda qripə bənzər simptomlar yaranır. Qızdırma qalxır, limfa düyünləri şişir, əzginlik, nasazlıq halları olur. Xırda-xırda səpkilər də ola bilər. Ondan sonra uzun müddət insanda heç bir əlamət müşahidə olunmur. Hətta bu müddət illərlə uzana bilər".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...