Azərbaycanda suçiçəyi xəstəliyi geniş yayılmağa başlayıb

Tarix: 03.04.2014 / 09:33
Bölmə: Sosial

Mətbuatda yayılan məlumata görə, Azərbaycanda uşaq bağçalarında suçiçəyinə yoluxma halları artıb. Məlumata görə, paytaxtın əksər məktəbəqədər təhsil müəssisələrində mart ayından başlayaraq suçiçəyi xəstəliyinə yoluxan uşaqların sayında kəskin artım müşahidə olunub.
Paytaxtın 327 saylı uşaq bağçasından yerli mediaya verilən məlumata görə, bağçada xeyli sayda uşaq bu xəstəliyə yoluxduğundan, bağçaya gəlmir. Analoji vəziyyət paytaxtdakı bir sıra uşaq bağçalarında müşahidə olunur.
Tibbi ekspert, professor Adil Qeybulla "Bakı-Xəbər"ə açıqlamasında qeyd etdi ki, yaz fəslində uşaqlar arasında suçiçəyinə yoluxma hallarına tez-tez rast gəlinir: "Düzdür, son günlər bu xəstəliyə yoluxma halları qeydə alınır. Amma ötən ilin müvafiq dövrü ilə müqayisədə suçiçəyinə yoluxma halları artmayıb. Hər ilin yaz fəslində bu xəstəlik bir qədər fəallaşır. Ona görə də nəinki uşaq bağçalarında, məktəblərdə də profilaktik tədbirlər görülməlidir. Bu xəstəlik yoluxucu olduğundan, suçiçəyi çıxardan uşaqlar bağçaya buraxılmamalı, həkim nəzarətində saxlanmalıdırlar".
Professorun sözlərinə görə, bu tip xəstəliyin qarşısını almaq üçün uşaqları peyvənd etmək lazımdır: "Suçiçəyi yoluxucu xəstəlikdir. Suçiçəyi hava-damcı yolu ilə keçən virus xəstəliyidir. Bu virus uşaqlarda suçiçəyi formasında, böyüklərdə isə dəmrov xəstəliyi kimi özünü göstərir. Xəstəlikdən sonra yaranan immunitet çox yüksək olur və təkrar xəstələnmə halı olmur. Praktik olaraq bütün insanlar uşaqlıqda suçiçəyi xəstəliyinə yoluxur. Daha çox qış və yaz aylarında müşahidə olunur. Bu xəstəliyi hər bir insan keçirə bilər. Əsas insanın immun sistemi güclü olmalı və xəstəliyə qarşı qabaqlayıcı profilaktik tədbirlər aparılmalıdır. Xəstəliyin əvvəlində uşaqda qızdırma, titrəmə halları baş verir, onun ümumi halı, iştahası və yuxusu pozulur. Bəzi hallarda isə kürək və sinəsində ağrılar olur. Xəstədə səpgilər əmələ gəlir. Səpgi ilk əvvəl xırda qırmızı ləkə şəklində olur. Bir neçə saatdan sonra ləkə qabarcıq formasında olur. Qabarcıqlar 1-2 gündən sonra açılır və onların yerində qartmaq əmələ gəlir. Suçiçəyi qabarcıqları nəinki dərinin müxtəlif yerlərində, başın tüklü hissəsində, cinsi orqanlarda, həmçinin ağız və daxili orqanların selikli qişasında da əmələ gəlir. Suçiçəyi xəstəliyinə tutulmuş xəstələr adətən ev şəraitində müalicə edilir. Xəstə 7-10 gün müddətində ev şəraitində olmalıdır. Evdə havalandırma sistemi normal olmalı, yataq otağının havası tez-tez dəyişdirilməli və hər gün nəm əski ilə təmizləmə işləri aparılmalıdır. Xəstə bol-bol su içməli, immun sistemini gücləndirən qidalar qəbul etməlidir".

DİGƏR XƏBƏRLƏR

Tarix: 17.07.2026 / 12:51

Mənzilin sahəsi ilə bağlı mübahisələrə dair qərar verildi - çatışmayan sahənin pulunu geri ala bilərsiniz...

Tarix: 17.07.2026 / 12:36

Heydər Əliyev Mərkəzinin binası Slovakiya bayrağının rəngləri ilə işıqlandırıldı

Tarix: 17.07.2026 / 12:15

Bazarlarda bütün ağartı məhsulları etiketlənəcək - "...vaxt verilib"...

Tarix: 17.07.2026 / 12:04

"Əhalinin siyahıyaalınması prosesi ilk dəfə ölkənin bütün suveren ərazisini əhatə edəcək" - Baş nazir

Tarix: 17.07.2026 / 11:50

Arıqlama məhsullarında təhlükəli maddələr aşkarlandı

Tarix: 17.07.2026 / 11:03

AQTA-dan son günlər yas mərasimlərində baş verən zəhərlənmələrlə bağlı açıqlama...

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...