Dünya mədəniyyətinə heç bir dəyər bəxş etməyən ermənilər öz tarixlərini “qədimləşdirmək” üçün dəridən-qabıqdan çıxırlar. Müxtəlif xalqların mədəniyyətini, dəyərlərini, eləcə də əlifbasını oğurlayan ermənilərin, əslində, özlərinin heç nəyi yoxdur. Məlumdur ki, hətta dəfələrlə müxtəlif xarici alimlər Ermənistanın bayrağının və əlifbasının oğurluq olduğunu qeyd ediblər.
Saxta erməni əlifbasını dünyaya “qədim əlifba”, qondarma erməni dilini isə “qədim dil” kimi qəbul etdirmək üçün ermənilər hər vasitəyə əl atırlar.
Ermənistan KİV-nin yaydığı məlumata görə, Rumıniya Senatı 12 oktyabr tarixinin ölkədə “Erməni dili, əlifbası və mədəniyyəti” günü kimi qeyd edilməsi ilə bağlı qanun layihəsini qəbul edib. Bu barədə Ermənistanın Rumıniyadakı səfiri Sergey Minasyan məlumat verib. Məlumata görə, qanun layihəsi Rumıniya parlamentinin deputatı Varujana Pambukçiyan və Varujana Voskanyanın təklifi əsasında gündəliyə çıxarılıb.
Rumıniyanın daxili qanunvericiliyinə görə, hansısa bir qanun layihəsinin qüvvəyə minməsi üçün ölkə Prezidenti tərəfindən imzalanmalıdır. Bundan da belə çıxır ki, Rumıniya Prezidenti bununla bağlı qərarı imzalayarsa, bu ölkədə 12 oktyabr “Erməni dili, əlifbası və mədəniyyəti” günü kimi qeyd ediləcək.
Rumıniya parlamenti hansı məqsədlə belə bir addım ata bilər?
“Azərbaycanın Xarici İşlər Nazirliyi, eləcə də Azərbaycanın Rumıniyadakı səfirliyi, eyni zamanda da Rumıniyanın Azərbaycandakı səfirliyi birgə bu işlərə ciddi şəkildə nəzarət etməli və növbəti erməni saxtakarlığının tam olaraq həyata keçirilməməsi üçün səylərini birləşdirməlidirlər”
Azərbaycan Dövlət Pedaqoji Universitetinin kafedra müdiri, Dövlət Dil Komissiyasının üzvü, professor Buludxan Xəlilov “Bakı-Xəbər”ə bildirdi ki, Azərbaycan Xarici İşlər Nazirliyi, eləcə də Azərbaycanın Rumıniyadakı səfirliyi bu məsələnin reallaşmasının qarşısını almaq üçün ciddi tədbirlər həyata keçirməlidirlər. “Azərbaycanın Rumıniyadakı səfirliyi bununla bağlı bu ölkənin hökumətinə müraciət etməli və məsələnin çözülməsinə nail olmalıdır. Digər tərəfdən, Rumıniyanın Azərbaycandakı səfirliyi də bu ölkənin parlamentində hazırlanan qanun layihəsi ilə bağlı izahat verməlidir. Özü də bu izahat elmi cəhətdən əsaslandırılmalıdır. Mesrop Maştosun hazırladığı saxta erməni əlifbasının əsl mahiyyəti rumıniyalılar üçün də aydınlaşdırılmalıdır. Onlar əsaslandırmalıdırlar ki, nə üçün belə bir saxta əlifbanı dəyərləndirirlər.
Hesab edirəm ki, Azərbaycanın Xarici İşlər Nazirliyi, eləcə də Azərbaycanın Rumıniyadakı səfirliyi, eyni zamanda da Rumıniyanın Azərbaycandakı səfirliyi birgə bu işlərə ciddi şəkildə nəzarət etməli və növbəti erməni saxtakarlığının tam olaraq həyata keçirilməməsi üçün səylərini birləşdirməlidirlər. Fikrimcə, Rumıniya parlamentində hazırlanan və gündəliyə çıxarılan bu bədnam qanun layihəsinin ləğvinə nail olunmalıdır. Bu qanun layihəsi ləğv edilməsə, ermənilər daha çox saxtakar əməllərə əl atacaqlar. Onlar bu gün əlifbalarını, dillərini, mədəniyyətlərini “qədimləşdirməklə” həm Rumıniya hökumətini, həm də dünya birliyini aldatmaq niyyəti güdürlər, bildiyimiz kimi, buna müəyyən qədər nail olurlar da. Ermənilər saxta yollarla öz saxta əlifbalarının tarixini qədimə aparırlar və bunun qarşısı alınmalıdır. Çünki bu, Azərbaycanın ziyanına olan məsələdir” - deyə B.Xəlilov qeyd etdi.
Azərbaycanla Rumıniya arasında iqtisadi və digər sahələrdə ikitərəfli əməkdaşlığın olduğunu deyən B.Xəlilovun sözlərinə görə, Rumıniya parlamenti tərəfindən gündəliyə çıxarılan bu layihənin gerçəkləşməsinin qarşısı alınmalıdır. “Rumıniya və Azərbaycan arasında həmişə yüksək iqtisadi və humanitar əlaqələr mövcud olub, bunu münasibətlər də günü-gündən inkişaf edir. Lakin Rumıniya parlamentində 12 oktyabr tarixinin bu ölkədə “Erməni dili, əlifbası və mədəniyyəti” günü kimi qeyd edilməsi ilə bağlı qanun layihəsinin hazırlanması və gündəliyə çıxarılması olduqca mənfi haldır. Ümumiyyətlə, dünya tarixində ilk dəfədir hanısa bir dövlətin, xalqın dili, əlifbası və mədəniyyəti ilə əlaqədar başa bir ölkədə belə bir qanun layihəsi hazırlanıb. Təəssüf ki, bu da Rumıniya dövlətinin parlamentində baş verib, xoşagələn hal deyil. Deyim ki, Rumıniyada elə də çox erməni yaşamır, yaşasaydı belə, orada xüsusi olaraq “Erməni dili, əlifbası və mədəniyyəti” gününün təsis edilməsi qətiyyən doğru olmazdı. Bu məsələnin Rumıniya parlamentinin gündəliyinə çıxarılması birbaşa erməni diasporunun təsiri ilə baş verib. Xarici ölkələrdəki erməni diasporu gecə-gündüz təbliğat aparır və dövlət qurumlarına təsir etməyi bacarır. Erməni diasporunun apardığı təbliğat o qədər güclüdür ki, ermənilər öz saxta əlifbalarını “qədimləşdirməyə” cəhd edirlər. Görünür, erməni diasporu Rumıniya parlamentinin üzvlərini inandırıb ki, erməni əlifbası dünyanın “ən qədim əlifbasıdır”, erməni dili və mədəniyyəti “qədim”dir. Rumıniya parlamentində də belə bir günün təsis edilməsi, qeyd olunması ilə bağlı qanun layihəsi hazırlanıb. Bu, erməni diasporunun gücünün göstəricisidir ki, o hətta parlamentə də təsir edə bilir. Bunu etiraf etmək lazımdır. Onlar erməni mədəniyyətinin “qədim olduğunu”, “yazı mədəniyyətlərinin qədimlərə gedib çıxdığını”, əlifba tarixlərinin “qədimliyini” dünyaya bu yolla çatdırmaq istəyirlər. Bu böyük bir siyasətdir, özü də Azərbaycanın ziyanına işləyən bir siyasətdir, biz bundan dərs götürməliyik. Gözləməməliyik ki, bədnam qonşularımız hansısa “uğurlu siyasət” aparırlar və biz də onlara cavab verək. Biz də öz mədəniyyətimizi, dilimizi, ədəbiyyatımızı bu cür təbliğ etməliyik. Azərbaycan parlamentində Rumıniya-Azərbaycan dostluq qrupu var. Bu qrup Rumıniya parlamentində bir araşdırma aparmalı, onlara sorğu göndərməlidir. Parlamentdəki Azərbaycan-Rumıniya dostluq qrupunun üzvləri həmkarlarından izahat tələb etməlidirlər ki, dünyada bu qədər əlifba, 200 suveren dövlət olduğu halda, nə üçün saxta erməni əlifbası, dili və mədəniyyəti ilə bağlı xüsusi günün qeyd edilməsi barədə parlamentinizdə belə bir qanun layihəsi hazırlanıb? Bu izahatı tələb etməyə Azərbaycanın haqqı var, çünki bu ölkənin Azərbaycan neftində, qazında marağı var, burada onların şirkətləri fəaliyyət göstərir, digər tərəfdən də hər iki ölkə arasında dostluq əlaqələri mövcuddur”.
İradə SARIYEVA
