20/05/2019 01:04
728 x 90

Azərbaycanın Aİ ilə sazişi əleyhinə ermənilərlə antimilli radikal qüvvələr bir səngərdə...

img

Hazırda Azərbaycanın beynəlxalq aləmdəki nüfuzunun gündən-günə artmasının və gənc müstəqil dövlətimizin regionda söz sahibinə çevrilməsinin dünyadakı anti-Azərbaycan qüvvələri ciddi şəkildə narahat etdiyi danılmaz və təkzibedilməz faktıdır. Məhz bu səbəbdən də Azərbaycanın dinamik inkişafı erməni lobbisini və onun nəzarətində olan qüvvələri narahat edir. Onlar Azərbaycanın ünvanına heç bir əsası olmayan cəfəngiyatlar səsləndirməkdə davam edirlər.

Azərbaycanın beynəlxalq təşkilatlarla əməkdaşlığı genişlənib, o cümlədən 2018-ci il iyulun 11-də Avropa İttifaqı ilə Azərbaycan arasında imzalanmış “Tərəfdaşlıq prioritetləri” adlı mühüm sənəddə bir çox məsələlər öz əksini tapmaqla yanaşı, Azərbaycanın ərazi bütövlüyünə, suverenliyinə, sərhədlərimizin toxunulmazlığına dəstək və hörmət ifadə olunur. Ancaq son vaxtlar Azərbaycanla Avropa İttifaqı arasında danışıqlar aparılan saziş layihəsinə dair əsassız fikirlər irəli sürürlər. Xüsusilə də Azərbaycanın Avropa İttifaqı ilə əməkdaşlığı və yeni saziş barədə aparılan danışıqlar, ilk növbədə, Ermənistanı və onun havadarlarını ciddi narahat edir. Ermənistan hətta Avropa İttifaqına üzv dövlətlər arasında olan himayədarları vasitəsilə bu sazişə kölgə salmağa çalışır. Eyni zamanda, Ermənistanla həmrəy olan daxildəki bəzi antimilli ünsürlər də bu sazişə qarşı çıxırlar. Lakin qeyd etmək vacibdir ki, Azərbaycan-Avropa İttifaqı münasibətləri, hər şeydən əvvəl, bərabərhüquqlu və qarşılıqlı surətdə faydalı əməkdaşlığa əsaslanır. Həmçinin Azərbaycanla Avropa İttifaqı arasında imzalanacaq strateji tərəfdaşlıq sənədi üzərində hər iki tərəf üçün məqbul ola biləcək müddəalar müzakirə olunur. Prezident İlham Əliyev 2017-ci il noyabrın 24-də Şərq Tərəfdaşlığı Sammitinin plenar sessiyasındakı çıxışında deyib: “...Avropa İttifaqı ilə tərəfdaşlıq Azərbaycanın xarici siyasətinin əsas prioritetlərindən biridir. Bu ilin fevralında biz yeni sazişlə bağlı fəal danışıqlara başladıq. Bu, ölkələrimiz arasında əməkdaşlığı davam etdirmək üçün imkanlar yaradacaq. Avropa İttifaqı Azərbaycanın əsas ticarət tərəfdaşıdır. Ticarətimizin, demək olar ki, 50 faizini üzv ölkələrlə olan ticarət təşkil edir. Müstəqillik dövründə Avropa İttifaqından Azərbaycan iqtisadiyyatına 20 milyard dollardan çox investisiya yatırılıb. Bu bizim yaxşı investisiya mühitinə malik olduğumuzu nümayiş etdirir. Avropa şirkətləri bizim iqtisadiyyatımızı dəstəkləmək üçün çox maliyyə vəsaiti yatırmağa hazırdır. Eyni zamanda, biz üzv dövlətlərlə ikitərəfli formatda əlaqələrimizi fəal şəkildə inkişaf etdiririk. Azərbaycan Avropa İttifaqına üzv 9 ölkə ilə strateji tərəfdaşlıq bəyannamələri qəbul edib. Bu o deməkdir ki, Avropa İttifaqına üzv ölkələrin üçdəbiri Azərbaycanı strateji tərəfdaş hesab edir. Bu, gənc müstəqil ölkə üçün çox vacibdir və əlbəttə ki, biz Avropa İttifaqı ilə Azərbaycan arasında gələcək razılaşmanı strateji əlaqələrin gücləndirilməsində daha bir mühüm mərhələ hesab edirik”. Belə olan təqdirdə niyə ermənilərlə yanaşı daxildəki antimilli qüvvələrin Azərbaycanla Aİ arasındakı münasibətlərə, xüsusilə də tərəflər arasında imzalanması nəzərdə tutulan saziş əleyinə təbliğatları üst-üstə düşür?

Avropa qurumları ilə yaxından əməkdaşlıq edən beynəlxalq münasibətlər üzrə ekspert Yeganə Hacıyeva “Bakı-Xəbər”ə açıqlamasında bildirdi ki, qlobal siyasi müstəvidə son illərin geniş yayılmış mübarizə üsullarından biri də yalan və təhrif olunmuş məlumatlar üzərindən hibrid üsullarla aparılan sistemli informasiya əməliyyatları kimi təbliğat və propoqandanın həyata keçirilməsidir: “Biz bunu hərbi məqsədlərin siyasi və iqtisadi alətlərlə aparılması kimi adlandıra bilərik. Son illər bütün dünya hibrid müharibələrdə kəşfiyyatlarla paralel, beynəlxalq QHT və onların ölkələr daxilndəki təsisatlarının işbirliyinin, bir növ, "koalisiyası"nın mövcudluğu faktı ilə üz-üzədir. Hibrid informasiya müharibələrində cəmiyyətlərin parçalanması istiqamətində alətlərdən biri də kənar təsir agentlərinin müşayiəti ilə həssas mövzular üzərində manipulyasiya etmək, cəmiyyətləri birləşdirən dəyərlərin gözdən salınması və s. məqsədlərlə aparılan informasiya əməliyyatlarıdır. Son illərin müasir texnoloji üsullarla paralel, ənənəvi təbliğat üsulları ilə də müxtəlif qrupların, xüsusi xidmət və ya kəşfiyyatların ölkə daxilindəki nüfüz agentləri siyasi və ictimai tədbirlər ərəfəsi cəmiyyətlərə yönəlmiş sistemli informasiya əməliyyatları aparırlar. Hazırda Azərbaycanın Aİ ilə sazişi əleyhinə ermənilərlə paralel yuxarıda sadaladığım qrupa aid olduğu sübut olunmuş antimilli radikal qüvvələrin sanki bir səngərdə imişlər kimi koalisiyasının şahidi oluruq. Bütün dünyada olduğu kimi, Azərbaycanda da istər passiv, istərsə də aktiv statusda olan kənar təsir agentləri ictimai diqqət və əhəmiyyət kəsb edən hadisələr ərəfəsi aktivləşir. Cəmiyyətləri hədəfə alan hibrid informasiya əməliyyatlarında yalan və təhrif olunmuş məlumatların ötürücüsü rolunun əsasən xarici xüsusi xidmət orqanlarına bağlı kənar təsir agentləri vasitəsilə aparılması təcrübəsi geniş yayılıb və bu gün müşahidə etdiyimiz hal budur. Onların məqsədləri, təəssüf ki, üst-üstə düşür və çiddi cəhdlə çalışırlar ki, Azərbaycanın Aİ ilə münasibətlərinə xələl gətirib, məlum sazişin imzalanmasını mümkünsüz etsinlər”.

Məhəmmədəli QƏRİBLİ

Son xəbərlər