07/02/2023 13:11
728 x 90

Hollandiya parlamentində Azərbaycana qarşı erməni-xristian həmrəylik aktı - 2 xristian partiyası birləşdi...

Elşən Manafov: “Avropanın bəzi xristian partiyaları bu mənada alət rolunda çıxış edir”

img

Niderland parlamenti ölkə hökumətini və Avropa İttifaqı ölkələrini Laçın yolunun “kəsilməsinə görə” Azərbaycana təzyiq göstərməyə çağırıb. Bu barədə Hollandiya Erməni Təşkilatları Federasiyası məlumat yayıb.

Hollandiya Erməni Təşkilatları Federasiyası (FAON) məmnunluqla qeyd edib ki, yanvarın 21-də Niderland parlamenti səslərin böyük əksəriyyəti ilə “Xristian İttifaqı” fraksiyasının təqdim etdiyi və “Azərbaycanın Laçın dəhlizinin bağlanması”na işarə edən qətnaməni qəbul edib. Qətnaməni parlamentdə Aİ Şurasının qarşıdan gələn iclasının gündəliyinə daxil edilmiş materialların müzakirəsi və paylanması zamanı cənab Don Seder (Xristian Birlik Partiyası) təqdim edib. Qətnaməni xanım Agnes Mulder (Xristian Demokratik Müraciət Partiyası) də imzalayıb. Qətnamələrdə qeyd olunur ki, “Dağlıq Qarabağa gedən yeganə yolun blokadası davam edir, bunun nəticəsində əhalinin humanitar vəziyyəti pisləşir”. İddia olunur ki, “Azərbaycan Laçın dəhlizinin açılması çağırışlarına məhəl qoymamaqda davam edir və eyni zamanda, Rusiya sülhməramlıları Ermənistan, Azərbaycan və Rusiya arasında imzalanmış bəyannamənin şərtlərinə əməl etmirlər”.

Burada diqqəti çəkən məqam odur ki, bu qərəzli qətnamənin qəbul olunmasında 2 xristian partiyası iştirak edir. Yəni erməni lobbisinin təsiri altına düşməkdən əlavə, həm də buna sırf xristian partiyaları gedib. Xristian partiyalarından biri layihəni hazırlayıb, o birisi də dəstəkləyib. Görünən odur ki, bu kampaniyada həm də təhlükəli və yaramaz xristian təəssübkeşliyi var. Erməni lobbisinin pulu ilə bu sifarişləri yerinə yetirmələri də öz yerində. Həm də dünyanı parçalayan xristian təəssübkeşliyi deyilən yaramaz bir tendensiya da var.

  • “Baş verən hadisə bir daha göstərir ki, erməni diasporası Qərb ictimaiyyətində və siyasi isteblişmentində...

Sözügedən məsələ ilə bağlı fikirlərini “Bakı-Xəbər”lə bölüşən politoloq Elşən Manafov bununla bağlı bir sıra məqamlara toxundu: “Niderland parlamentində ermənipərəst mövqedən çıxış edən partiyaların təşəbbüsünə bir neçə aspektdən yanaşmaq lazimdir. Məlumdur ki, Niderland parlamentinin Avropa İttifaqı dövlətlərinin parlament və hökumətlərinə ünvanlanmış müraciətində Laçin dəhlizinin azərbaycanlı ekofəallar tərəfindən nəzarətdə saxlanılması ilə bağlı Azərbaycan hökumətinə təzyiq etmək və ekofəalları geri çağırmaq təklif olunur. Niderland uzun illərdir ki, Qarabağ münaqişəsinin həlli yollarını arayan ATƏT-in Minsk Qrupunun üzvüdür. Ötən il bu dövlətlə diplomatik münasibətlərimizin 20 illiyi yüksək səviyyədə qeyd edilib. Hətta bununla bağlı ADA-da xüsusi seminar keçirilib. Niderlandın ölkəmizdə 125-ə qədər şirkəti bank, ticarət, nəqliyyat, xidmət, tikinti və digər sahələrdə fəaliyyət göstərir. Nidelandın ölkəmizin qeyri-neft sektoruna qoyduğu investisiyanın ümumi məbləği 800 milyon dollara yaxin olub. Digər tərəfdən, Azərbaycan özünün multikulturalizm siyasəti və cəmiyyətimizin tolerantlığı ilə Aİ ölkələrində tanınır. Bütün bunlarla yanaşı, Avropadakı erməni diasporası, onun ayrı-ayrı Qərb siyasi dairələri ilə lobbiçi əlaqələri olan qurumlar ölkəmiz barədə yanlış rəy formalaşdırır. Avropada bəlli dairələrə Ermənistanla münasibətlərimizin kökündə guya ki, islam fundamentalizmi ilə bağlı məqamların olması ilə bağlı yanlış fikirlərin çatdırılmasına nail olublar. Bu da informasiya müharibəsinin tələbləri baxımından anlaşılandır. Təəssuf doğuran amil isə diplomatiyamızın, bir çox hallarda oldugu kimi, gözləmə mövqeyində olması ilə əlaqədardır. 44 günlük muharibə ərəfəsində dövlət başçımız tərəfindən sabiq xarici işlər nazirinin istefaya göndərilməsi də məhz diplomatiyamızın "gözləmə mövqeyi" ilə bağlı olub. Prezident İlham Əliyev diplomatiyamızın gözləmə deyil, artiq hücum mövqelərinə keçməsinin vaxtı və zəruriliyi ilə bağlı prinsipləri açıqlayıb. Postmüharibə dövrundə sonrakı dövr üçün onun prioritetlərini müəyyən edib. Bu baxımdan diplomatlarımız Laçin dəhlizində baş verən olayların gerçək mahiyyətini Qərbdəki bəlli dairələrə çatdırmalı və burada yaşananların beynəlxalq hüquqla bağlı heç bir ziddiyyət təşkil etmədiyini bəyan etməli idilər. Baş verən hadisə isə bir daha göstərir ki, erməni diasporası Qərb ictimaiyyətində və siyasi isteblişmentində yanlış fikirlər formalaşdırmaq üçün ənənəvi metodologiyasından imtina etməyib. Avropanın bəzi xristian partiyaları bu mənada alət rolunda çıxış edir. Ona görə də diplomatiyamız da işini qədim Romadan qalma “sülh istəyirsənsə müharibəyə hazır ol” prinsipi ilə qurmağı bacarmalıdır. Zira Azərbaycan ordusu Ali Baş komandanın rəhbərliyi altında XXI əsrin müharibəsini qalibiyyətlə aparmağı bacardı”.

Bu baxımdan politoloq hesab edir ki, indi növbə diplomatlarımızındır.

Vidadi ORDAHALLI

Peşə etikası

Son xəbərlər