Qətərdə DÇ-2022 üçün stadion tikintisində 1400 nepallı fəhlənin öldüyü rəsmən təsdiqləndi

12 İyun 2019 12:50 (UTC+04:00)

Nepal hökuməti 2022-ci ildə Qətərdə keçiriləcək futbol üzrə dünya çempionatı üçün stadion tikintisi zamanı 1400 nepallı fəhlənin həlak olması faktını təsdiq edib.

Baki-xeber.co xəbər verir ki, Report" bu barədə "Arab News"a istinadən məlumat yayıb.

Qeyd edilir ki, Almaniyanın WDR şirkəti turnir obyektlərinin tikintisində iştirak edən fəhlələrin ağır həyatlarından bəhs edən sənədli film hazırlayıb.

Nepalın Əmək Nazirliyinin nümayəndəsi Narayan Rəhmi bildirib ki, o, filmdən xəbərsizdir, lakin bir çox həmvətəninin ölüm faktını təsdiq edib.

"Biz öz işçilərimizi Qətərə göndərməyə başlayandan, bəzi insanlar orada həlak oldular. 1400, 300 və ya 200 rəqəminin hansının həqiqi olduğuna əmin deyiləm. Mən bunu birbaşa problemlə əlaqəli olan hakimiyyət orqanları ilə dəqiqləşdirməliyəm", - deyə Rəhmi qeyd edib.

WDR-nin məlumatına görə, ölənlərin qohumları Qətərdən heç bir təzminat almayıblar.