İran parlamentinin vitse-spikeri Azərbaycana gəlir

16 May 2022 10:53 (UTC+04:00)

İran parlamentinin sədr müavini Əli Nikzad İqtisadi Əməkdaşlıq Təşkilatı (İƏT) Parlament Assambleyasının Üçüncü Ümumi Konfransında iştirak etmək məqsədilə Azərbaycana səfər edəcək.

Bu barədə Trend İranın Azərbaycandakı səfirliyinə istinadən məlumat verib.

Səfər çərçivəsində vitse-spikerin bu gün Naxçıvana səfəri və Naxçıvan Ali Məclisinin sədri Vasif Talıbovla görüşü planlaşdırılır.

Səfirlik qeyd edib ki, Ə.Nikzad iki günlük səfər çərçivəsində Bakıda İƏT Parlament Assambleyasının iclasında çıxış edəcək və bir sıra ikitərəfli görüşlər də keçirəcək.