İndiki mərhələdə xarici ölkə vətəndaşlarının müntəzəm marşrut xətti ilə işğaldan azad edilmiş ərazilərə səfərinə icazə verilmir.
Trend-in məlumatına görə, bunu rəqəmsal inkişaf və nəqliyyat nazirinin müavini Rəhman Hümmətov işğaldan azad edilmiş ərazilərə müntəzəm avtobus marşrutlarının açılması ilə bağlı brifinqdə deyib.
O bildirib ki, hazırda səfərlər yalnız Azərbaycan vətəndaşları üçün nəzərdə tutulub. “Hazırda həmin ərazilərə səfər etmək istəyən Azərbaycan vətəndaşlarının sayı həddən artıq çoxdur”, - deyə o bildirib.