Pakistan Makronun İslam əleyhinə açıqlamaları ilə bağlı Fransaya nota verdi

26 Oktyabr 2020 17:22 (UTC+04:00)

Pakistan Fransa Prezidenti Emmanuel Makronun İslam əleyhinə açıqlamaları ilə əlaqədar etiraz notası verib.

Trend-in məlumatına görə, nota Fransanın İslamabaddakı səfirinə təqdim edilib.

Pakistanın Xarici işlər naziri Şah Mahmud Qureyşi BMT-ni Parisin əməllərinə diqqət ayırmağa çağırıb.

Nazir bildirib ki, E.Makron məsuliyyətsiz açıqlamaları ilə radikalizm və dinlərarası ədavəti körükləyir:

“Heç kimin milyonlarla müsəlmanın hissləri ilə oynamaq hüququ yoxdur”.