23/09/2018 20:53
728 x 90

Vətəndaş və İnkişaf Partiyası da prezident seçkiləri ilə bağlı ilk hesabatını məqbul notlarla yaydı

img

"Azərbaycanda aprelin 11-nə təyin edilmiş prezident seçkiləri ilə əlaqədar hər hansı maneə ilə üzləşməmişik". Bunu Trend-ə Vətəndaş və İnkişaf Partiyasının (VİP) sədr müavini Ramil Hüseynov deyib.

R.Hüseynov bildirib ki, artıq imzatoplama kampaniyası başa çatıb və partiyanın namizədinin qeydə alınması üçün sənədlər Mərkəzi Seçki Komissiyasına təqdim edilib: "İmzatoplama zamanı biz heç bir problemlə rastlaşmamışıq. İmza toplayan nümayəndələrimiz hökumətin heç bir nümayəndəsinin hər hansı bir təzyiqi və ya digər maneə ilə qarşılaşmayıb. Bu müddət ərzində Mərkəzi Seçki Komissiyasına etdiyimiz müraciətlərə müsbət cavab almışıq, aramızda heç bir anlaşılmazlıq olmayıb".

Qeyd edək ki, Azərbaycanda aprelin 11-ə təyin edilmiş prezident seçkilərində 15 nəfərin namizədliyi irəli sürülüb. İndiyə qədər onlardan 7 nəfərin namizədliyi qeydə alınıb. Namizədliyin qeydə alınması üçün sənədlərini MSK-ya təqdim etmiş digər namizədlərin də sənədlərinə baxılır. Prezident seçkilərində 21 beynəlxalq, 22 mindən çox isə yerli müşahidəçi qeydə alınıb.

Son xəbərlər