Üç bakılı, bir tərtərli Gəncə sakinini Bakıda bıçaqladılar
Nəsir İsmayılov xəstəxanaya aparılıb
Bakıda bıçaqlanma hadisəsi baş verib. Bu barədə APA-ya Bakı Şəhər Baş Polis İdarəsindən məlumat verilib.
Hadisə martın 1-i saat 02.00 radələrində Bülbül prospektində qeydə alınıb. Gəncə şəhər sakini Nəsir İsmayılov aldığı bıçaq xəsarətlərilə Klinik Tibbi Mərkəzə daxil olub. Nəsimi Rayon Polis İdarəsi Cinayət Axtarış Şöbəsi və 22-ci Polis Bölməsi əməkdaşlarının həyata keçirdiyi əməliyyat tədbirləri nəticəsində hadisədə təqsirli bilinən Bakı şəhər sakinləri Rəvan Qafarov, Seymur Süleymanov, Ceyhun Məmmədov və Tərtər rayon sakini Emin Quliyev martın 2-də tutularaq istintaqa təhvil verilib. Faktla bağlı araşdırma aparılır.