Avro-2012-nin seçmə mərhələsinin fevralın 7-də atılacaq püşkü ərəfəsində iştirakçı ölkələrin əksəriyyətində arzulanan və arzuolunmaz rəqiblərlə bağlı müzakirələr gedir.
   Apasport.az saytının məlumatına görə, avstriyalı həmkarlarımız seçmə mərhələdəki rəqiblərlə bağlı müəyyən fikrə gəliblər. Maraqlıdır ki, onların seçimində Azərbaycan milli komandasının da adı hallanır. Avstriyalılar son vaxtlar yüksəlişdə olan yığmamızı arzuolunmaz rəqiblərin siyahısına daxil ediblər.
   6 komandanın mübarizə aparacağı qrupa düşmək istəyən mərkəzi avropalılar 6-cı - yəni sonuncu səbətdə hamıdan güclü saydıqları millimizdən uzaq düşmək arzusundadırlar. Avstriya üçün arzuolunmaz elan olunan komandalar siyahısında Azərbaycanla yanaşı, I səbətdən İspaniya, II səbətdən Yunanıstan, IV səbətdən Sloveniya və V səbətdən Çernoqoriya var. III səbətdə yer alan avstriyalılar millimizi yayda CAR-da keçiriləcək DÇ final mərhələsinin 3 iştirakçısı sırasına qoyub. Avstriyalıların xəyallarında canlanan ideal qrup isə Xorvatiya (I səbət), İsveç (II səbət), Belarus (IV səbət), Lixtenşteyn (V səbət) və San-Marinodan (VI səbət) ibarətdir.
   Xatırladaq ki, seçmə mərhələnin 51 komandası 5-də 9, 1-də 6 komanda olmaqla 6 səbətə bölünüb. Sonuncu səbətin komandaları düşən qruplarda 6, digər 3 qrupda 5 komanda mübarizə aparacaq.
   I səbət: İspaniya, Almaniya, Hollandiya, İtaliya, İngiltərə, Xorvatiya, Portuqaliya, Fransa, Rusiya.
   II səbət: Yunanıstan, Çexiya, İsveç, İsveçrə, Serbiya, Türkiyə, Danimarka, Slovakiya, Rumıniya.
   III səbət: İsrail, Bolqarıstan, Finlandiya, Norveç, İrlandiya, Şotlandiya, Şimali İrlandiya, Avstriya, Bosniya və Herseqovina.
   IV səbət: Sloveniya, Latviya, Macarıstan, Litva, Belarus, Belçika, Uels, Makedoniya, Kipr.
   V səbət: Çernoqoriya, Albaniya, Estoniya, Gürcüstan, Moldova, İslandiya, Ermənistan, Qazaxıstan, Lixtenşteyn.
   VI səbət: AZƏRBAYCAN, Lüksemburq, Malta, Farer adaları, Andorra, San-Marino.

Bakının "Neftçi" klubunun yeni transferi Sergey Alekseyevin transferində problem yaranıb. Bu barədə apasport.az saytına komandanın baş məşqçisi Vaqif Sadıqov məlumat verib.
   Onun sözlərinə görə, Moldova yığmasının 24 yaşlı hücumçusunun transferi baş tutmayıb.
   "Alekseyev "Qarabağ"la oyuna bizimlə birgə hazırlaşmırdı. Oyun öncəsi düşərgəmizdə deyildi. Sergeylə müqavilə imzalanmışdı. Sadəcə, onun şəxsi müqaviləsinin şərtlərində anlaşılmazlıqlar yaranıb. Bildiyimə görə, bu legioner sifariş olunub, transfer vərəqəsi də gəlib. Onun adı iştirak ərizəsində varsa, problemi aradan qaldırandan sonra xidmətindən istifadə edə bilərik. Bu mənada Alekseyevin məsələsi açıq qalır və problemin nə vaxt yoluna qoyulacağını dəqiq deyə bilmirəm. Həmin məsələlərlə rəhbərlik məşğul olur" - deyə Sadıqov bildirib. Qeyd edək ki, "Neftçi" həftənin ilk günündə yeni futbolçularının təqdimetmə mərasimində Kişinyovun "Zimbru" klubundan gələn Alekseyevi də mətbuat qarşısına çıxarmışdı.

Bakının "Neftçi" klubunun yeni transferi Sergey Alekseyevin transferində problem yaranıb. Bu barədə apasport.az saytına komandanın baş məşqçisi Vaqif Sadıqov məlumat verib.
   Onun sözlərinə görə, Moldova yığmasının 24 yaşlı hücumçusunun transferi baş tutmayıb.
   "Alekseyev "Qarabağ"la oyuna bizimlə birgə hazırlaşmırdı. Oyun öncəsi düşərgəmizdə deyildi. Sergeylə müqavilə imzalanmışdı. Sadəcə, onun şəxsi müqaviləsinin şərtlərində anlaşılmazlıqlar yaranıb. Bildiyimə görə, bu legioner sifariş olunub, transfer vərəqəsi də gəlib. Onun adı iştirak ərizəsində varsa, problemi aradan qaldırandan sonra xidmətindən istifadə edə bilərik. Bu mənada Alekseyevin məsələsi açıq qalır və problemin nə vaxt yoluna qoyulacağını dəqiq deyə bilmirəm. Həmin məsələlərlə rəhbərlik məşğul olur" - deyə Sadıqov bildirib. Qeyd edək ki, "Neftçi" həftənin ilk günündə yeni futbolçularının təqdimetmə mərasimində Kişinyovun "Zimbru" klubundan gələn Alekseyevi də mətbuat qarşısına çıxarmışdı.

Dünyanın ən məşhur futbol klublarından olan "Milan" "Qalatasaray"ın baş məşqçisi Frank Raykaardın xidmətində maraqlıdır. Türkiyənin "Fotomaç" qəzeti "ESPN" idman kanalına istinadən xəbər verir ki, hollandiyalı mütəxəssisi şəxsən "Milan"ın sahibi Silvio Berluskoni klubun başında görmək istəyir. O, klubun rəhbəri Qaliani ilə görüşdə hazırki baş məşqçi Leonardonun işindən razı olmadığını, vaxtilə "Milan"ın əsas oyunçularından olmuş Raykaardı yenidən klubda görmək istədiyini söyləyib.

"Qalatasaray"ın əcnəbi futbolçuların çoxluğu üzündən heyətindən çıxardığı konqolu qolçu Şabani Nonda İspaniyanın ikinci liqasında yarışan "Real" Betis klubuna keçib.
   Milli.Az Türkiyə mətbuatına istinadən xəbər verir ki, futbolçu yeni klubu ilə yaxın günlərdə rəsmi müqavilə imzalayacaq. Xatırladaq ki, vaxtilə "Fənərbağça"da çıxış edən Türkiyə millisinin braziliyalı üzvü Aurelio da hazırda "Betis"in formasını geyir.

Vaqif Sadıqov "Neftçi"dən istefa vermək qərarına gəlib. Fanat.az xəbər verir ki, hadisə iki gün öncə "Qarabağ"la oyundan sonra baş verib. Bununla bağlı Fanat.az-a məlumat verən mənbənin sözlərinə görə, Sadıqovla klub rəhbərliyi arasında narazılıq çoxdan yaranıb. Belə ki, baş məşqçi Valter Quqlemon, Ruslan Əmircanov və daha bir neçə futbolçunun komandadan göndərilməsini, onların əvəzində isə özünün gözaltı etdiyi futbolçuların transfer olunmasını istəyib. Lakin rəhbərlik maliyyə problemlərini əsas gətirərək, bundan imtina edib. Belə olan halda Sadıqov yalnız rəhbərliyin bəyəndiyi futbolçularla kifayətlənməli olub. Klub başbilənləri baş məşqçidən minimum büdcə qarşılığında maksimum nəticə - çempionluq da istəyib. "Qarabağ"la keçirilən oyun isə vəziyyətin daha da qəlizləşməsinə səbəb olub. Oyundan sonra rəhbərliyə narazılığını bildirən Sadıqov bu heyətlə heç nəyə nail ola bilməyəcəyini deyib və istefa vermək niyyətində olduğunu açıqlayıb. Onun belə bir qərar qəbul etməsinə Cavid Hüseynovun yersiz hərəkət edərək, qırmızı vərəqə alması da təsir edib. Çünki Sadıqov əvvəldən Cavidin transferinə qarşı çıxıb. Amma rəhbərlik onun mövqeyini nəzərə almayıb. Vitse-prezident Tahir Süleymanov Sadıqovun istefa qərarı ilə bağlı qısa bir zamanda klub prezidenti Sadıq Sadıqova məlumat verib. Prezident isə Süleymanovla Sadıqovu qəbul edərək, baş məşqçinin qərarını dəyişməyə nail olub. Sadıq bəy həmçinin "Neftçi"ni hədəflərinə çatdırmaq üçün çempionatın gedişində ona kömək edəcəklərini də deyib.

İstanbulun "Beşiktaş" klubu transfer siyasətini azərbaycanlı iş adamı, "Xəzər Lənkəran"ın fəxri prezidenti Mübariz Mənsimovun komandadakı təmsilçisi Alaaddin Aykaça həvalə edib.
   Qol.az-ın Türkiyə mətbuatına istinadən yaydığı xəbərə görə, adı AFFA-nın prezidentliyinə namizəd kimi göstərilən və bu səbəbdən "Beşiktaş"ın İdarə Heyətindəki yerini "sağ əli" hesab edilən Alaaddin Aykaça verən Mübariz Mənsimov "Qara qartal"ın bu il iyun ayında həyata keçiriləcək transferlərinə 25 milyon avro ayıracaq. Mübariz Mənsimovun dəstəyilə Aykaç dünya futbolunun iki ulduzunu "Beşiktaş"a cəlb etmək və "İnönü" stadionunu təmir etdirməyi öhdəsinə götürüb.
   

"Fənərbaxça" klubunun prezidenti Əziz Yıldırım kluba bir çox məşhur futbolçuları transfer edəcəklərini bildirib.
   İstanbul klubuna transfer olunacağı bildirilən futbolçulardan biri "Yuventus"un üzvü Amauridir.
   29 yaşlı futbolçunun meneceri Maykl Palmisanonun verdiyi məlumata görə, oyunçu növbəti mövsümdən "Fənərbaxça"nın şərəfini qoruyacaq.
   Xatırladaq ki, Amauri İtaliya çempionatında forma geyindiyi 20 matçda 4 qola imza atıb.
   

Meksikanın "Amerika" klubunun futbolçusu Xuan Karlos Silvaya odlu silahdan atəş açılıb. İki nəfər naməlum şəxs paytaxt Mexikoda futbolçuya təzyiq göstərərək onun avtomobilini qaçırmaq istəyiblər.
   Xuan Karlos Silva müqavimət göstərdikdə həmin şəxslər futbolçuya atəş açaraq hadisə yerindən uzaqlaşıblar. Yarası o qədər də ağır olmayan X.K.Silvaya ilkin tibbi yardım göstərilib.
   Xatırladaq ki, bir həftə bundan əvvəl Xuan Karlos Silvanın komanda yoldaşı paraqvaylı Salvador Kabanyas da güllələnmişdi.
   

"Marsel" futbol klubu "Tuluza"ya qalib gələrək Fransa kuboku uğrunda final matçına vəsiqə qazanıb. Tuluzada baş tutan yarımfinal qarşılaşmasının əsas vaxtı 1:1 hesablı heç-heçə nəticələnib.
   Qolları müvafiq olaraq Jinyak və Brandao vurub. Əlavə olunmuş vaxtın 104-cü dəqiqəsində dublunu rəsmiləşdirən Brandao "Marsel"i növbəti mərhələyə çıxarıb. "Marsel"in finaldak rəqibi "Bordo" və "Loryan" matçının qalibi olacaq.
   Xatırladaq ki, Fransa kuboku uğrunda final oyunu 17 fevralda keçiriləcək.
   

İspaniyanın "Real" klubunun rəhbərliyi cari mövsümdə qazanılacaq titullar üçün futbolçularına verəcəyi mükafatın məbləğini açıqlayıb.
   Apasport.az saytının məlumatına görə, Çempionlar Liqasında zəfər hər oyunçunu 575 min, Primerodakı qələbə isə 350 min avro zənginləşdirəcək. Klub prezidenti Florentino Peres, baş direktor Xorxe Valdano və idman direktoru Emilio Pardes, həmçinin komandanın 4 futbolçusu - Raul, Kasilyas, Quti və Serxio Ramosun iştirakı ilə keçirilən müzakirələrdən sonra belə qərar qəbul olunub.
   Qeyd edək ki, Çempionlar Liqasının final oyunu mayın 22-də məhz "Real"ın ev oyunlarını keçirdiyi "Santyaqo Bernabeu"da olacaq.