Həbsdə olan jurnalist Eynulla Fətullayevdən götürülmüş qan və sidik analizlərinin nəticələri açıqlanıb.

   Æurnalistin vəkili İsaxan Aşurov APA-ya açıqlamasında bildirib ki, analizin nəticələrinə görə, E.Fətullayevin qanında az miqdarda heroin aşkar edilib. Lakin vəkil analizin nəticələrilə razılaşmadıqlarını vurğulayıb.

   Əlavə edək ki, jurnalistin atası Emin Fətullayev və vəkili İ.Aşurov məhkəmə narkoloji ekspertizasının rəyi barədə fevralın 1-də də mətbuata açıqlama verib. Onlar bildiriblər ki, həmin rəyə əsasən, E.Fətullayev narkotik maddələrin aludəliyindən əziyyət çəkmir və onun məcburi müalicəyə ehtiyacı yoxdur.