Ağdam istiqamətində yerləşən "N" saylı hərbi hissənin əsgəri avtomat silahla özünə xəsarət yetirib.

   APA-nın Qarabağ bürosunun məlumatına görə, Lənkəran Rayon Hərbi Komissarlığından həqiqi hərbi xidmətə çağırılmış 1990-cı il təvəllüdlü Məmmədov Sədaqət Xalid oğlu özünün silahından açılan atəş nəticəsindən ayağından yaralanıb. Hazırda onun vəziyyəti kafi hesab edilir. Hadisənin baş vermə səbəbləri araşdırılır.

   Müdafiə Nazirliyinin mətbuat xidmətinin rəis müavini Teymur Abdullayev APA-ya faktı təsdiqləyib. T.Abdullayev deyib ki, əsgər silahla ehtiyatsız davrandığı üçün atəş açılıb və o, ayağından xəsarət alıb. Hazırda əsgərin vəziyyəti normaldır.