23/01/2019 18:41
728 x 90

Özbəkistan portalı Azərbaycanda çayın rəmzi mənasından yazdı

img

Özbəkistanın kultura.uz portalı “Azərbaycanda çay: qonaqpərvərliyin sinonimi və rəmzi” adlı məqalə yayıb.

Baki-xeber.com AZƏRTAC-a istinadən xəbər verir ki, məqalədə hələ XII əsrdə böyük Azərbaycan şairi Nizami Gəncəvinin əsərlərində Azərbaycanda çay içilmə mədəniyyətinin əks olunmasından bəhs edilir. Bildirilir ki, milli mədəniyyətin bir parçası olan çayiçmə mərasimi təkcə evlərdə yox, şəhər, kənd və qəsəbələrdəki səfalı yerlərdə də təşkil edilir. Azərbaycanda elə bir şəhər, qəsəbə, kənd yoxdur ki, orada çay evi olmasın. Çay evi təkcə çay içmək deyil, həm də söhbət etmək, xatirələri bölüşmək üçün bir məkandır.

Yazıda qeyd edilir ki, çay elçilik mərasimində də xüsusi yer tutur. Bu mərasimdə çay vasitəsilə elçilərə müəyyən informasiya verilir. Elçilərin təklifi qəbul edilərsə, süfrəyə şirin çay gətirilir, təklif qəbul olunmursa, çaya qənd atılmır.

Son xəbərlər