24/09/2018 08:27
728 x 90

Gömrük vergi və rüsumları 107 faiz icra olunub

Səfər Mehdiyev: “Büdcə öhdəliyinə 701 milyon manat artıq əməl olunub”

img

“Maliyyə intizamının gücləndirilməsi istiqamətində aparılan islahatların nəticəsində dövlət büdcəsi qarşısında illik proqnoz və öhdəliklərinin yerinə yetirilməsi istiqamətində uğurlu işlər görülür”. Bunu Dövlət Gömrük Komitəsinin (DGK) sədri Səfər Mehdiyev “Bakı-Xəbər”ə açıqlamasında qeyd etdi.

Bu il üzrə Dövlət Gömrük Komitəsi üçün ilkin proqnozlaşdırılan 2 mlrd. 430 mln. manat proqnoz 760 mln. manat artırılaraq ümumilikdə 3 mlrd. 190 mln. manat təşkil etməklə, bu il iyulun 1-dən başlayaraq yeni proqnoz göstəriciləri əsasında büdcə öhdəliyinin yerinə yetirilməsi icraya götürülüb: “Dürüstləşmə nəzərə alınmadan 2018-ci ilin 8 ayı ərzində 1 milyard 569 milyon 780 min manat proqnoza qarşı faktiki yerinə yetirmə 2 milyard 270 milyon 964 min manat təşkil etməklə, büdcə öhdəliyinə 144,67 faiz və ya 701 milyon 184 min manat artıq əməl olunub.

Dürüstləşmədən sonra artım nəzərə alınmaqla, büdcə öhdəliyi 2 milyard 131 milyon 45 min manat təşkil etməklə faktiki toplanan 2 milyard 270 milyon 964 min manat gömrük vergi və rüsumlarına nisbətdə 106,57 faiz və ya 139 milyon 919 min manat artıq icra olunub”.

Günel CƏLİLOVA

Son xəbərlər