14/12/2017 10:10
728 x 90

ABŞ Venesuelaya qoşun yeridə bilər

img

ABŞ Prezidenti Donald Tramp Venesuelaya hərbi müdaxiləni etməyi istisna etmir. Baki-xeber.com xəbər verir ki, dövlət katibi Reks Tillerson və ABŞ-ın Birləşmiş Millətlər Təşkilatındakı (BMT) daimi nümayəndəsi Nikki Haleylə görüşdən sonra Venesuelada seçkilərdən sonra cərəyan edən hadisələri şərh edən Tramp hərbi müdaxilənin nəzərdən keçirilib-keçirilmədiyi haqda sualı cavablandırıb. 

Tramp Venesuela ilə bağlı bir çox variantlarının olduğunu deyib və hərbi variantı da istisna etməyib: “Bizim Venesuela ilə bağlı çox seçimimiz var. Yeri gəlmişkən, mən hərbi variantı masadan götürmürəm".

Tramp, dünyanın başqa bölgələrində ABŞ əsgərinin olduğunu, Orta Amerika ölkəsi Venesuela üçün də bu variantı dəyərləndirə biləcəklərini dilə gətirib: "Bu, bizim qonşumuzdur. Bizim dünyanın müxtəlif guşələrində, çox çox uzaqlarda qoşunlarımız var. Venesuela o qədər də uzaqda deyil, və orada adamlar əziyyət çəkir, onlar ölür. Bizim Venesuela üçün çox seçimimiz var, o cümlədən lazım gələrsə, mümkün hərbi seçim."

Tramp administraiyası Veneseula Prezidenti Nikolas Maduroya qarşı 30 iyul referendumunun ardınca sanksiyalar tətbiq edib. Həmin sanksiyalar müxalifətin dominant olduğu Milli Assambleyanın Maduroya sadiq 545 üzvlük Konstitutsiya Assambleyası ilə əvəzlənməsindən sonra tətbiq olunub.

Bundan bir gün öncə isə Venesuela lideri Nikolas Maduro ona sanksiyalar tətbiq etmiş şəxslə - ABŞ Prezidenti Donald Trampla üzbəüz görüşmək arzusunu dilə gətirib. Maduro bu sanksiyaları “imperialist təcavüz” kimi dəyərləndirib. 545 üzvlük konstitutsiya assambleyası qarşısında üç saatdan çox nitq söyləyən Maduro Venesuela xarici işlər nazirinə təlimat verildiyni bildirib. Təlimata əsasən nazir ABŞ hökumətinə yaxınlaşmalı və Donald Trampla telefon söhbəti təşkil etməyə cəhd göstərməlidir.

Maduro həmcinin 20 sentyabrda Nyu Yorkda BMT Baş Asssambleyasının toplantısı zamanı Trampla üzbəüz görüşmək imkanını araşdırmağa göstəriş verdiyini deyib. Həmin vaxt BMT Baş Qərargahında bir çox dünya liderləri bir araya gələcək.

“Əgər o, Venesuela ilə belə maraqlanırsa, mən buradayam. Cənab Donald Tramp, bu mənim əlimdir,” Venesuelanın sosialist lideri bəyan edib. O, əlavə edib ki, ABŞ-la Rusiya ilə olduğu kimi güclü əlaqələrin olmasını istəyir.

Son xəbərlər